Hai .. I created this blog to keep these informations with me because its interesting and i am also interested in reading such things .. if you like my blog please join and keep reading >>> This is a place to Read Alternate History , Conspiracy , Secret Societies , Occult , Secret technologies . Above Top Secret stuff, Metaphysics etc.... Respect the IT Act and other Laws ..You are only responsible for your own comments here . .Become Part of Our Smart Readers Community and Enjoy Free updates directly to your Inbox.(No Spam,No virus , We Promise) posts are copied from Facebook and such medias thank you..

ഞാൻ ഈ എഴുതിയത് എന്റെ അനുഭവത്തിൽ നിന്നാണ്. ഞാൻ ഇത് എഴുതിയത് ഇനിയുള്ള തലമുറ എങ്കിലും ഇങ്ങനെ ഉള്ള ചതികളിൽ പെടാതിരിക്കാൻ വേണ്ടിയാണ്.

ഈ ഒരു പോസ്റ്റ് മുഴുവനും വായിക്കാതെ പോകരുത്. കാരണം ഞങ്ങൾ പറ്റിക്കപ്പെട്ടപോലെ മറ്റൊരാൾ പറ്റിക്കപ്പെടരുത് എന്ന ആഗ്രഹത്തോടെയാണ് ഞാൻ ഇത് പോസ്റ്റ് ചെയ്യുന്നത് ഒരു ജോലി എന്നത് എല്ലാവരുടെയും സ്വപ്നം ആണ്. ഒരു SSLC,+2 അല്ലങ്കിൽ ഡിഗ്രി കഴിഞ്ഞ 17നും 25നും ഇടയിൽ പ്രായമുള്ള യുവതലമുറയെ ആണ് ഇങ്ങനെ ഉള്ള പത്രപരസ്യങ്ങളിലൂടെ പറ്റിക്കപ്പെടുന്നത്. ഇങ്ങനെ ഉള്ള പത്ര പരസ്യങ്ങൾ ഇന്നത്തെ മാധ്യമങ്ങളിൽ ഒരുപാട് വരുന്നുണ്ട്. ആ നമ്പറിലേക്ക് വിളിച്ചാൽ അവർ ഒരിക്കലും അവരുടെ കമ്പനിയുടെ പൂർണരൂപമോ products ഇവയൊന്നും പറയില്ല. അവരുടെ കമ്പനിയിൽ join ചെയ്താൽ നിങ്ങൾക്ക് സാമ്പത്തിക നേട്ടം ഉണ്ടാക്കാം, അതിനു വേണ്ടി ഒരു 90 ദിവസം ട്രെയിനിങ് ചെയ്യാൻ പറയും. പക്ഷെ ട്രെയിനിങ് എങ്ങിനെ ആണ് എന്ന് ചോദിച്ചാൽ അവർ പറയും ബിസിനസ്‌ പരമായ ക്ലാസ്സ്‌ ആണെന്ന് പറയും. ഇങ്ങനെ ഉള്ള നുണകൾ ആണ് അവരുടെ ആയുധം.
ട്രൈനിങ്ങിനു ശേഷം നിങ്ങൾക്ക് പ്രൊമോഷൻ വാഗ്ദാനം ചെയ്യും.30000നു മുകളിൽ സാലറി വാഗ്ദാനം ചെയ്യും. ഇത് വിശ്വസിച്ചു ചെല്ലുന്ന ഉദ്യാഗാർത്ഥികൾ ചെന്ന് പെടുന്നത് വലിയ ഒരു ഡയറക്ട് മാർക്കറ്റിങ് സ്ഥാപനത്തിലേക്കാണ്. 3മാസം ട്രെയിനിങ് ബിസിനസ്‌ പരമായ ക്ലാസ്സാണ് എന്ന് പറയുന്ന അവർ 3/4 വർഷം ഡയറക്ട് മാർക്കറ്റിങ് ചെയ്യിപ്പിക്കും. ബിസിനസ് ഇല്ലങ്കിൽ മാനേജർ എന്ന് പറയുന്ന ആളുടെ തല്ലും തെറിവിളിയും പിന്നെ പണിഷ്മെന്റ് അത് ടോയ്‌ലെറ്റ് ക്ലീനിങ് മുതൽ മുട്ടേൽ step കയറുക മുതലായവ. പെൺകുട്ടികളോട് പോലും മോശമായ പെരുമാറ്റം. സാലറി ഇല്ല കമ്മീഷൻ മാത്രമേ ഉള്ളു. പ്രൊമോഷൻ കിട്ടിയാലോ അസിസ്റ്റന്റ് മാനേജർ എന്നൊരു പദവി. 6000രൂപ സാലറി അതിൽ നിന്നും food exp.കൊടുക്കണം. പിന്നെ ആ 6000 വാങ്ങണം എങ്കിൽ 600 രൂപ മുടക്കി എറണാകുളം വരെ പോകണം. അവിടെ ചെന്ന് പെടുന്നവരെ ശക്തമായ മോട്ടിവേഷൻ ക്ലാസ്സുകളിലൂടെ മാനസികമായി മറ്റും. പിന്നെ പുറം ലോകവുമായി contact പാടില്ല. പത്രവും പുസ്തകങ്ങളും വായിക്കാൻ പാടില്ല. ഇടയ്ക്ക് വീട്ടിലേക്കു വിളിക്കാം. ഇങ്ങനെ ഉള്ള കുറെ നിയമങ്ങൾ. മൊബൈൽ ഫോൺ ഉപയോഗിക്കാൻ പാടില്ല. ലീവിന്റെ കാര്യം പറയണ്ട കിട്ടിയാൽ കിട്ടി. ഫുഡ്‌ ആൻഡ് അക്കോമഡേഷൻ താമസിക്കാൻ പന്നിക്കൂടിനെക്കാൾ മോശം ആയ റൂം 30 പേർക്ക് ഒരു bathroom. Mess പിന്നെ പറയണ്ട രാവിലെ നല്ല ഒന്നാന്തരം ചോറും ഉള്ളിക്കറിയും 7മണിക്ക് കിട്ടും. 4 വർഷത്തെ എന്റെ അനുഭവം ആണ് ഇത്. ഒന്നും നേടാനാവാതെ 4വർഷം നശിപ്പിച്ചു. എന്റെ കൂടെ ഉണ്ടായിരുന്ന 99%പേരും സത്യം മനസ്സിലാക്കി നിർത്തി പോയി.
ഇവിടെ ലോഡ് വരുന്നത് രാത്രി 12നും രാവിലെ 5മണിക്കും ഉള്ളിൽ ആയിരിക്കും. ഇത് തന്നെ ഒരു കള്ളത്തരം ആണ് .ഒരു പ്രൊഡക്ടിനും ബില്ല് ഉണ്ടാകില്ല. Sales സംബന്ധമായ രേഖകൾ ഒരു ടൈം കഴിഞ്ഞാൽ അവർ തന്നെ നശിപ്പിക്കും .സ്ഥാപനത്തിന്റെ പേരുള്ള ബോർഡ്‌ പുറത്തു വെക്കില്ല. പുറത്തു നിന്ന് നോക്കിയാൽ പെട്ടന്ന് കാണാത്ത ഒരു സ്ഥലത്താണ് ഇവരുടെ സ്ഥാപനം.ഞാൻ ഈ എഴുതിയത് എന്റെ അനുഭവത്തിൽ നിന്നാണ്. ഞാൻ ഇത് എഴുതിയത് ഇനിയുള്ള തലമുറ എങ്കിലും ഇങ്ങനെ ഉള്ള ചതികളിൽ പെടാതിരിക്കാൻ വേണ്ടിയാണ്. ഇങ്ങനെ ഉള്ള ഒരു പരസ്യത്തിന്റ ഉദാഹരണം ആണ് ഞാൻ താഴെ കൊടുത്തത്. സംശയം ഉണ്ടെങ്കിൽ ആ നമ്പറിൽ കോണ്ടാക്റ്റ് ചെയ്ത് അവരുടെ ഫോൺ ഇന്റർവ്യൂ അറ്റൻഡ് ചെയ്തു നോക്കു.
NB : ഇതൊരു ബിസിനസ്‌ Firm ആണ് consumer goods,household prducts.,medical equipements ഇവയൊക്കെ manufacture,&distribute ചെയ്യുന്ന കമ്പനി ആണന്നു പറയും )ഇത് ഇന്നത്തെ പത്രത്തിലെ ഒരു പരസ്യം ആണ്. ഇത് ലൈക്ക് ചെയ്യുന്നതിനേക്കാൾ കൂടുതൽ നിങ്ങൾ ഷെയർ ചെയ്യണം കാരണം നാളെ ഈ ഒരു അനുഭവം നമ്മുടെ സുഹൃത്തുക്കൾക്കോ ബന്ധുക്കൾക്കോ പുതിയ തലമുറയ്ക്കോ വരരുത്. അതുകൊണ്ട് മാക്സിമം ഷെയർ ചെയ്യുക.
കടപ്പാട് : അരുൺ ദാസ്
    

നിഗൂഢതയിലേക്ക് അപ്രത്യക്ഷരായ ദമ്പതികൾ !





1970 മെയ് മാസത്തിൽ ആണ് ഇന്നും ചുരുളഴിയാത്ത ഈ സംഭവം നടക്കുന്നത്..
ചിക്കാഗോയിൽ താമസിക്കുന്ന Edward എന്നും Stephania Andrews എന്നും പേരുള്ള ദമ്പതികൾ അത്യാവശ്യം നല്ല സാമ്പത്തിക ജീവിത സാഹചര്യത്തിൽ ജീവിക്കുന്നവരും സന്തോഷപരമായ ജീവിതം നയിക്കുന്നവരും ആയിരുന്നു.
പറയത്തക്ക ശത്രുക്കളോ സാമ്പത്തിക പരാധീനതയോ അവർക്കില്ല.
63 വയസ്സ് പ്രായമുള്ള അവർ 2 പേരും ഒരേ സ്ഥാപനത്തിൽ വ്യത്യസ്ത തസ്തികകളിൽ ജോലി ചെയ്യുന്നവരും. എല്ലാവർഷവും നടക്കുന്നത് പോലെ ഇക്കൊല്ലവും ജീവനക്കാർക്കുവേണ്ടി ഒരു പാർട്ടി നടത്താൻ അവരുടെ കമ്പനി തീരുമാനിച്ചു... ഒരു മുന്തിയ ഹോട്ടലിൽ തന്നെ പാർട്ടിയും നിശ്ചയിച്ചു..
കമ്പനി മുൻകൂട്ടി അറിയിച്ച പ്രകാരം നിശ്ചിത ദിവസം വൈകുന്നേരം ജോലി പാർട്ടിക്ക് വേണ്ടി അവർ തങ്ങളുടെ കാറിൽ ഹോട്ടലിലേക്ക് പുറപ്പെട്ടു.
കൃത്യ സമയത്തു തന്നെ പാർട്ടി യിൽ പങ്കെടുത്തു....പാട്ടും കൂത്തും danceum ഒക്കെ ആയി അവർ അവിടെ ആ രാത്രിയിൽ ആർത്തുല്ലസിച്ചു.. അങ്ങനെ പാർട്ടി നടക്കുമ്പോൾ ആണ്‌ എഡ്‌വാർഡിൽ നിന്നും പൊടുന്നനെ ഭാവവ്യത്യാസം കൂടെയുള്ളവർക്ക് feel ചെയ്തത്... ആദ്യം വളരെ സന്തോഷത്തോടെആയിരുന്നു പങ്കെടുത്തതെങ്കിലും ഇടയ്ക്കു Edward തനിക്കു എന്തോ ചെറിയ അസ്വസ്ഥത തോന്നുന്നു എന്ന് കൂട്ടുകാരോട് പറഞ്ഞു. പാർട്ടിയിൽ സത്കരിച്ച മദ്ധ്യം തലയ്ക്കു പിടിച്ചതാകാം എന്ന് കരുതി അത് ആരും കാര്യമാക്കി എടുത്തില്ല.
അധികം വൈകാതെ അവർ പാർട്ടി തീരുന്നതിനു മുൻപ് തന്നെ തിരിച്ചു പോകാൻ തീരുമാനിച്ചു. പാർട്ടിയിൽ പങ്കെടുത്തിരുന്ന ഭാര്യയെയും കൂട്ടി പാർക്കിംഗ് ഏരിയയിൽ വന്നു കാർ എടുത്തു . ധൃതിയിൽ വാഹനം എടുത്തു പോകുന്നതിനിടയിൽ കാറിന്റെ സൈഡ് നൈസ് ആയിട്ട് ഒന്ന് മതിലിൽ ഉരസി.
എങ്കിലും, പോട്ട് പുല്ലു എന്ന രീതിയിൽ ഒരു ഭാവ വ്യത്യാസവും ഇല്ലാതെ Edward കാർ ഓടിച്ചു കൊണ്ട് പോകുകയായിരുന്നു .
"ഇതൊക്കെ എന്ത് .. ഇത് ചെറുത്‌" എന്ന ഒരു ഭാവം ഭാര്യയ്ക്കും....
പിറ്റേ ദിവസം ആ ദമ്പതികളെ കുറിച്ച് കാണാനില്ല എന്ന പരാതി ആണ്‌ പോലീസ് നു ലഭിച്ചതു . പോലീസ് തകൃതിയായി അന്വേഷിച്ചെങ്കിലും ദമ്പതികളെ കുറിച്ച് ഒരു അറിവും ലഭിച്ചില്ല. എന്തിനു... Car പോലും കണ്ടുപിടിക്കാൻ കഴിഞ്ഞില്ല...
police അന്വേഷണന്റെ ഭാഗം ആയി ഹോട്ടലിലെ ജീവനക്കാരെ ചോദ്യം ചെയ്തു. അവരിൽ നിന്നും കിട്ടിയ വിവരം ഇപ്രകാരാമായിരുന്നു :
പോകാനായി കാർ എടുക്കുമ്പോൾ ഭാര്യ കരയുകയും ദയവു ചെയ്തു അങ്ങോട്ട്‌ ഡ്രൈവ് ചെയ്യരുതെന്ന് അപേക്ഷിക്കുന്നുമുണ്ടായിരുന്നു. എന്നാൽ ഭർത്താവു അത് ഒന്നും ശ്രദ്ധിക്കാതെ ഡ്രൈവ് ചെയ്യുകയായിരുന്നുവെന്ന് പാർക്കിംഗ് സെക്യൂരിറ്റി വെളിപ്പെടുത്തി.
ആരോ നിയന്ത്രിക്കുന്നത് പോലെയായിരുന്നു അദ്ദേഹത്തിന്റെ പെരുമാറ്റം. ചുറ്റുമുള്ളതൊന്നും ശ്രദ്ധിക്കാതെ ഒരു ഭാവ വ്യത്യാസവും ഇല്ലാതെയായിരുന്നു ഡ്രൈവ് ചെയ്തിരുന്ന എഡ്‌വേഡ്‌ എന്നാണ് ജീവനക്കാർ പറഞ്ഞത്.
ആ സ്ത്രീ ഇടയ്ക്കു എന്തൊക്കെയോ സംസാരിക്കുന്നുണ്ടായിരുന്നെങ്കിലും അദ്ദേഹം അതൊന്നും കേൾക്കുന്നതായി പോലും തോന്നിയില്ല. വേറെ ഏതോ ഒരു ലോകത്തിൽ എത്തിപ്പെട്ട ഒരു ഭാവമായിരുന്നു അദ്ദേഹത്തിന്..
ഹോട്ടൽ ഗേറ്റ് കടന്നു ഇരുട്ടിൽ ആ കാറും ദമ്പതികളും മറയുന്നതു വരെ ജീവനക്കാർ നോക്കി നിന്നു..
പിന്നീട് ഒരിക്കലും ആരും ആ ദമ്പതികളെ കണ്ടിട്ടില്ല. Car ഓടിച്ചു കയറിയ ഇരുട്ടിൽ നിന്നും അവർ പിന്നീട് തിരിച്ചു വെളിച്ചത്തിലേകു വന്നതേയില്ല.
അവരിൽ നിന്നും ലഭിച്ച വിവരമനുസരിച്ചു പോലീസ് ഒരു നിഗമനത്തിൽ എത്തി,
പാർട്ടിക്കിടയിൽ edward നു ഉണ്ടായ അസ്വസ്ഥത മൂലം ആവാം അവർ നേരത്തെ പാർട്ടി തീരുന്നതിനു മുമ്പേ ഇറങ്ങിയത്.. അതിലുള്ള അമർഷം കൊണ്ടാടാകാം ഭാര്യ കാറിൽ ഇരുന്നു തന്റെ വിഷമം പങ്കുവെച്ചത്.
തനിക്കുള്ള അസ്വസ്ഥത കൊണ്ടും ടെൻഷൻ കാരണവും വാഹനം ഉരസിയത് അദ്ദേഹം കാര്യമാക്കിയില്ല..
പോകുന്നവഴി edward ന് എന്തെങ്കിലും ആരോഗ്യപ്രശ്നങ്ങൾ സംഭവച്ചിരിക്കാം എന്നും നിയന്ത്രണം വിട്ട കാർ എന്തെങ്കിലും അപകടത്തിൽ പെട്ടിരിക്കാം എന്നും police ഊഹിച്ചു . അതനുസരിച്ചു അന്വേഷണം ആരംഭിച്ചു..
എന്നാൽ അന്വേഷണത്തിൽ അടുത്തുള്ള പ്രദേശങ്ങളിൽ ഒരിടത്തും ആ ദിവസം ഒരു ആക്സിഡന്റ് ഉം report ചെയ്യപ്പെട്ടിട്ടില്ല എന്ന് മനസ്സിലായി..
പാർട്ടി കഴിഞ്ഞു പോകുന്ന വഴിയിൽ ഒരു പാലം ഉണ്ട്.. chickago നദി യുടെ കുറുകെ പണിതിരിക്കുന്ന പാലത്തിൽ കൂടി ആണ്‌ അവർ വീട്ടിലേക്കു പോകുന്നത്... വാഹനം പാലത്തിൽ ഇടിച്ചു നദിയിലേക്കു വീണിരിക്കാം എന്ന ഒരു സാധ്യതയും മുൻപോട്ടു വെച്ചു. . എന്നാൽ പാലത്തിൽ അപകടം നടന്നതിന്റേതായ ഒരു സൂചനയും ലഭിച്ചില്ല.
എങ്കിലും car നദിയിൽ വീഴാൻ ആണ് സാധ്യത കൂടുതൽ എന്ന് അനുമാനിച്ചു പോലീസ് നദിയിൽ തിരച്ചിൽ നടത്തി. നദിയിൽ നിന്നും കുറെ വാഹനങ്ങൾ ലഭിച്ചെങ്കിലും നിരാശ ആയിരുന്നു ഫലം.
Edward ന് ഒരു പഴയ മൊബൈൽ ഉണ്ടായിരുന്നു... ഹോട്ടൽ ജീവനക്കാരൻ അവർ തിരിച്ചു പോകുന്നതിനു മുൻപ് അദ്ദേഹം മൊബൈൽ ഉപയോഗിക്കുന്നത് കണ്ടിരുന്നു. നദിയിൽ നിന്നും കിട്ടിയ വാഹനങ്ങളിൽ ആ മൊബൈൽ തിരഞ്ഞെങ്കിലും കണ്ടെത്താനായില്ല...
കൂടുതൽ ആഴത്തിൽ വരെ തെളിവിനായി തിരച്ചിൽ നടത്തി. കൂടുതൽ വ്യാപിച്ചു തിരച്ചിൽ നടത്തിയെങ്കിലും ഒരു സൂചനയും ലഭിച്ചില്ല.
അവരുടെ വീടുകളിൽ നിന്നും ഒന്നും മോഷണം പോയതായോ എന്തെങ്കിലും unusual സംഭവിച്ചതായതോ ആയ ഒരു സാഹചര്യവും ഇല്ല എന്നും police മനസ്സിലാക്കി.ആരെങ്കിലും തട്ടിക്കൊണ്ടു പോയതാണോ എന്ന് ഉള്ള സംശയത്തിനും അതോടെ പ്രസക്തി ഇല്ലാതായി...
കുറച്ചു ദിവസത്തെ അന്വേഷണത്തിന് ശേഷം ഒരു സാധാരണ മിസ്സിംഗ് കേസ് പോലെ അതും ഫയൽ ചെയ്യപ്പെട്ടു.
അവർ time ട്രാവലർ ൽ പെട്ടു വേറെ ഏതേലും സ്ഥലകാലങ്ങളിലേക്ക് പോയിരിക്കാം എന്ന് പലരും വിശ്വസിക്കുന്നു..
ശരിക്കും ആ രാത്രിയിൽ എന്താണ് സംഭവിച്ചത്??
അവർ പോയത് മറ്റേതെങ്കിലും ലോകത്തേക്കായിരിക്കുമോ..
പാർട്ടിയിൽ വിളമ്പിയ മദ്യം എല്ലാവരും കഴിച്ചതാണ്..വേറെ ആർക്കും ഒരു തരത്തിലും ഉള്ള പ്രശ്നം ഉണ്ടായിരുന്നില്ല.
എന്ത് കൊണ്ടാണ് അദ്ദേഹം നിർവികാരൻ ആയി ഇരുന്നത്??
അവർ എങ്ങോട്ടു ആണ് അപ്രത്യക്ഷർ ആയതു?
ബ്ലാക് ഹോൾ ഭൂമിയിൽ ഉണ്ടെന്നും അവർ അതിൽ അകപ്പെട്ടു മറ്റേതെങ്കിലും ലോകത്തു എത്തിപ്പെട്ടു എന്നും പോലുള്ള നിരവധി ഊഹാപോഹങ്ങൾ ഇപ്പോഴും നിലനിൽക്കുന്നു...
ദമ്പതികൾ കാർ സഹിതം അപ്രത്യക്ഷർ ആയതിന്റെ കാരണം ഇപ്പോഴും ചുരുളഴിയാത്ത രഹസ്യം ആയി തുടരുകയാണ് ..

ഖാനോജി ആംഗെരെ - അപരാജിതനായ മാറാത്ത അഡ്മിറൽ


ഖാനോജി ആംഗെരെ - അപരാജിതനായ മാറാത്ത അഡ്മിറൽ

നമ്മുടേതായ എല്ലാത്തിനോടും ഒരുതരം നിസ്സംഗതപുലർത്തുന്ന ഒരു സമൂഹമാണ് നമ്മുടേത് . നമ്മുടെ വലിയ നേട്ടങ്ങളെയും മഹദ്‌വ്യക്തികളെയും നിസാരവത്കരിക്കാനും വൈദേശികമായ വസ്തുക്കളെയും ,സംഭവങ്ങളെയും വ്യക്തികളെയും മഹത്വവത്കരിക്കുകയും ചെയുക ഇന്നാട്ടിലെ . ഇന്നാട്ടിലെ ചില തല്പര വിഭാഗങ്ങളുടെ പ്രഖ്യാപിതനയവും വിനോദവും ഒക്കെയാണ് .വർണ വെറിയനായ കാപ്റ്റൻ കൂക്കിനെയും , ലോകം ചുറ്റാത്ത മഗല്ലനെയും , അമേരിക്ക കണ്ടുപിടിക്കാത്ത കൊളംബസിനേയും പോലുള്ള നാവികരെ നമ്മുടെ പാഠപുസ്തകങ്ങൾ പോലും മഹത്വവത്കരിക്കുന്നുണ്ട് . പതിനഞ്ചാംശതകത്തിലെ ചൈനീസ് കടൽ കൊള്ളക്കാരൻ ഷെൻ ഹിയെപ്പോലും വീരപരിവേഷം നൽകിയാണ് ചില കേന്ദ്രങ്ങളിപ്പോൾ അവതരിപ്പിക്കുന്നത് . ഇതൊക്കെ യാണങ്കിലും പതിനെട്ടം നൂറ്റാണ്ടിലെ മഹാനായ മാറാത്ത നാവിക സൈന്യാധിപൻ ഖാനോജി ആംഗെരെ നമ്മുടെ വിദൂര സ്മരണകളിൽ പോലും ഇന്ന് നിലനിൽക്കുന്നില്ല .
.
ബ്രിട്ടീഷ് ,പോർച്ചുഗീസ് , ഡച്ച് നാവിക ശക്തികളെ അറബിക്കടലിലും ബംഗാൾ ഉൾക്കടലിലും നിലയുറപ്പിക്കാൻ അനുവദിക്കാത്ത ,അപരാജിതനായ അഡ്മിറലായിരുന്നു ഖാനോജി ആംഗെരെ . മറാത്താ സാമ്രാജ്യത്തിൽ ഒന്നിലധികം അധികാര കേന്ദ്രങ്ങൾ നിലനിന്നിരുന്ന കാലത്താണ് ഖാനോജി ആംഗെരെ മറാത്താ നാവിക സേനയുടെ തലവനായിരുന്നത് . ഇന്നത്തെ അഡ്മിറൽ ഓഫ് ദി ഫ്‌ളീറ്റ് എന്ന സ്ഥാനത്തിന് സമാനമായ ''ദാര്യ -സാരങ്ങ' എന്ന പദവിയാണ് അദ്ദേഹത്തിന് മറാത്താ സാമ്രാജ്യത്തിൽ ഉണ്ടായിരുന്നത് .
.
1669 ൽ പൂനെയിലായിരുന്നു ഖാനോജി ആംഗെരെ ജനിച്ചത് . പിതാവ് തുക്കോജി മഹാനായ മാറാത്ത ചക്രവർത്തി ശിവാജിയുടെ സൈന്യാധിപരിൽ ഒരാളായിരുന്നു . വളരെ ചെറുപ്പത്തിൽ മറാത്താ നാവിക സൈന്യത്തിൽ ഉദ്യോഗസ്ഥനായ അദ്ദേഹം 1699 ൽ മറാത്താ നാവിക സേനയുടെ തലവനായി . ബ്രിടീഷ് , പോർച്ചുഗീസ് , ഫ്രഞ്ച് , ഡച് നാവിക സേനകൾ അറബിക്കടലിലെയും ബംഗാൾ ഉൾക്കടലിനെയും നിയന്ത്രിക്കാൻ ശ്രമിക്കുന്ന കാലമായിരുന്നു അത് .
.
മുഗളരോട് ഏറ്റുമുട്ടിയതുപോലെ പുതിയ കടന്നുകയറ്റക്കാരോടും ഖാനോജി ഒത്തു ത്തീർപ്പുകളിലാത്ത യുദ്ധങ്ങളാണ് നടത്തിയത് . അറബിക്കടലിൽ ബ്രിടീഷുകാരുടെ കപ്പലുകളെയെല്ലാം ഖാനോജി വേട്ടയാടി 1702 ൽ കോഴിക്കോട്ടു നങ്കൂരമിട്ട ഒരു ബ്രിടീഷ് കപ്പലിനെപോലും അദ്ദേഹം ആക്രമിച്ചു . . മറാത്താ സാമ്രാജ്യത്തിൽ ബാലാജി വിശ്വനാഥും താരബായിയും തമ്മിൽ അധികാര വടം വലി നടന്നു വരുന്ന സമയമായിരുന്നു അത് . താരാ ബായി പക്ഷത്തായിരുന്നു ഖാനോജി എങ്കിലും ബാലാജി വിശ്വനാഥും അദ്ദേഹത്തെ മാറാത്ത നാവിക സേനയുടെ സർവ സൈന്യാധിപനായി അംഗീകരിച്ചു .
.
1710 മുതൽ അദ്ദേഹത്തിന്റെ മരണം (1729 ) വരെ അനേകം നാവിക ,കര യുദ്ധങ്ങളാണ് മറാത്താ സൈന്യം നടത്തിയത് . ഒരു യുദ്ധത്തിൽ പോലും അവർ പരാജയപ്പെട്ടില്ല .ഒരു തരത്തിൽ ഈ കാലയളവിൽ മാറാത്ത സാമ്രാജ്യത്തെ തമ്മിൽതല്ലിയുള്ള നാശത്തിൽ നിന്ന് രക്ഷിച്ചത് ഖാനോജി യുടെ തന്ത്രങ്ങളായിരുന്നു .
.
ഒറ്റക്ക് തങ്ങൾക്ക് മറാത്താ നാവികസേനയെ പരാജയപ്പെടുത്താനാവില്ല എന്ന് തിരിച്ചറിഞ്ഞ ബദ്ധവൈരികളായ ബ്രിടീഷുകാരും പോർച്ചുഗീസുകാരും സാധ്യത്തിലായി . ബ്രിടീഷ് -പോർച്ചുഗീസ് സഖ്യം 1721 ൽ യൂറോപ്പിലെ അക്കാലത്തെ ഏറ്റവും വലിയ പടക്ക പ്പലുകളുടെ ഒരു നാവിക സൈന്യവുമായി മറാത്താ നാവിക സേനയെ ആക്രമിച്ചു . എണ്ണത്തിൽ കൂടുതലായ യൂറോപ്യൻ സഖ്യ സൈന്യത്തെ ഖാനോജിയുടെ നാവികപ്പട ചുട്ടെരിച്ചു . ആ പരാജയത്തിനുശേഷം അദ്ദേഹത്തിന്റെ ജീവിതകാലത്തു മാറാത്ത നാവിക സൈന്യത്തിനെതിരെ ഒരു നീക്കം നടത്താൻ ഒരു യൂറോപ്യൻ ശക്തിക്കുമായില്ല .
.
1729 ൽ ഖാനോജി ആംഗെരെ ദിവംഗതനായി. പിന്നീട് നടന്നത് നമ്മുടെ ചരിത്രത്തിന്റെ ഒരു പുനരാവർത്തനമായിരുന്നു . അദ്ദേഹത്തിന്റെ പുത്രന്മാരും ജീവിച്ചിരിക്കുന്ന സഹോദരന്മാരും സ്ഥാനമാനങ്ങൾക്കുവേണ്ടി തമ്മിൽ പോരടിക്കാൻ തുടങ്ങി . ഖാനോജി ആംഗെരെ കെട്ടിപ്പടുത്ത അപരാജിതമായ മറാത്താ നാവിക ശക്തി വർഷങ്ങൾക്കുള്ളിൽ ദുർബലമായി . തക്കം പാർത്തിരുന്ന വൈദേശിക കടന്നുകയറ്റകാകർ അവസരം ശരിക്കു മുതെലെടുത്തു .
.
യൂറോപ്യൻ സൈനിക ശക്തികളെ പരാജിതരാക്കി നശിപ്പിച്ച ഒരു സൈന്യാധിപൻ പതിനെട്ടാം നൂറ്റാണ്ടിൽ നമുക്കുണ്ടായിരുന്നു എന്ന സത്യം കപട ചരിത്രകാരന്മാരുടെയും അവരുടെ വൈതാളികരുടെയും എല്ലാ കുപ്രചാരണങ്ങൾക്കിടയിലും നിലനിൽക്കുന്നു . . നമ്മുടെ ചരിത്രത്തിലെ ഏറ്റവും ഉന്നതമായ വ്യക്തിത്വങ്ങളിൽ ഒന്നാണ് ഖാനോജി ആംഗെരെ യുടേത് എന്ന് നിസംശയം അനുമാനിക്കാം 
:====
ചിത്രങ്ങൾ :ഖാനോജി ആംഗെരെ യുടെ ശില്പങ്ങൾ : ചിത്രങ്ങൾ കടപ്പാട് വിക്കിമീഡിയ കോമൺസ് 
author:rishidas s

ഫോസ്ഫറസ് - മൂലകങ്ങളിലെ മാണിക്യക്കല്ല്








മധ്യകാലഘട്ടത്തിൽ ജർമ്മനിയിലെ ഹാംബർഗ് എന്ന പട്ടണത്തിൽ താമസിച്ചിരുന്ന വ്യാപാരിയായിരുന്നു ഹെന്നിങ് ബ്രാൻഡ്.( AD1630–1692 or 1710). വ്യാപാര കാര്യങ്ങളിൽ എന്നപോലെ രസതന്ത്രത്തെക്കുറിച്ചും അയാൾക്ക് വളരെ വ്യക്തതയില്ലാത്ത ചില ആശയങ്ങൾ ഉണ്ടായിരുന്നു.
വളരെ വേഗത്തിൽ ധനികനാകണം എന്നുള്ള ആഗ്രഹം മാത്രം അയാൾക്ക് അടക്കുവാൻ കഴിഞ്ഞില്ല. അത് വളരെ എളുപ്പമുള്ള കാര്യമായിട്ടാണ് അയാൾ കരുതിയത്. ലോഹങ്ങളെ എന്തിന് ഉരുളൻ കല്ലുകളെ പോലും സ്വർണമാക്കി മാറ്റാൻ കഴിയുന്ന രാസ വാദികളെക്കുറിച്ച് (ആൽക്കെമിസറ്റ്)അയാൾ കേട്ടിട്ടുണ്ടായിരുന്നു . അതുപോലെ തനിക്കും എന്തെങ്കിലും കണ്ടെത്താൻ കഴിയുമെന്നും അതുവഴി താൻ ഒരു ധനികനാകുമെന്നും അയാൾ അടിയുറച്ച വിശ്വസിച്ചിരുന്നു.
വർഷങ്ങൾ കടന്നുപോയി .....
എങ്ങനെയും പണമുണ്ടാക്കാനുള്ള ചിന്ത വന്നപ്പോൾ വ്യാപാരത്തിൽ ആയാൾക്ക് താല്പര്യമില്ലാതായി. വ്യാപാരികളുടെ സംഭാഷണങ്ങളിൽ പോലും ഹെന്നിങ് ബ്രാൻഡ് എന്ന പേര് വളരെ വിരളമായേ കേൾക്കാറുള്ളു. ഈ സമയമെല്ലാം ബ്രാൻഡ് പലതരം ഖനിജങ്ങളും മിശ്രണങ്ങളും ലയിപ്പിച്ചും കുഴച്ചും അരിച്ചുമെല്ലാം ചെയ്തു നോക്കി. അയാളുടെ കൈകൾക്ക് അമ്ലങ്ങളും ക്ഷാരങ്ങളും കൊണ്ടുള്ള പൊള്ളലുകളുടെ പാടുകൾ വർദ്ധിച്ചുവന്നു. നാൾക്കു നാൾ ആരോഗ്യവും നശിച്ചു വന്നു. എളുപ്പത്തിൽ പണമുണ്ടാക്കാൻ നോക്കിയിട്ട് ഉള്ള ധനം കൂടെ നഷ്ടപ്പെടുത്തി. ഓരോ ദിവസം കഴിയുന്തോറും ജീവിതം ദുസ്സഹമാണ് എന്ന് അയാൾക്ക് തോന്നിത്തുടങ്ങി.
1669- ലെ ഒക്ടോബർ മാസത്തിലെ ഒരു സായാഹ്നം .പതിവുപോലെ ഹെന്നിങ് നിരാശ കൈവിടാതെ തന്റെ പണിപ്പുരയിലായിരുന്നു. ആ ദിവസം ഏതോ ഒരു ഉന്മേഷം തന്റെ ശരീരമാസകലം നിറഞ്ഞു നിൽക്കുന്നതായി അയാൾക്ക് തോന്നി. ഒരിക്കലും തുറക്കാത്ത, ' പൊടിയും മാറാലയും നിറഞ്ഞ ജനാലകൾ അയാൾ തുറന്നു. അസ്തമന സൂര്യന്റെ കിരണങ്ങൾ അയാളുടെ പണിപ്പുരയാകെ പ്രകാശകിരണങ്ങൾ പടർത്തി. അപ്പോഴാണ് ഹെന്നിങ് അത് ശ്രദ്ധിച്ചത്, താൻ മിശ്രണം ചെയ്തു കൊണ്ടിരുന്ന സ്ഫടിക പാത്രത്തിന്റെ അടിവശത്ത് മഞ്ഞുകട്ട പോലെ വെളുത്ത നിറത്തിലുള്ള ഒരു സാധനം അടിഞ്ഞുകൂടിയിരിക്കുന്നു. അതിൽ നിന്നും വിമ്മിഷ്ടമുണ്ടാക്കുന്ന തരത്തിലുള്ള പുക പുറത്തേക്ക് വമിക്കുന്നു. ഒന്നും മനസ്സിലായെങ്കിലും അയാൾ അതിലേക്കു തന്നെ നോക്കി നിന്നു. മുറിയിൽ ഇരുട്ടു കൂടി വന്നപ്പോൾ അത് സ്ഫടിക പാത്രത്തിലുള്ള ആ വസ്തു സ്വയം പ്രകാശിക്കുന്നതായി ഹെന്നിങിന് മനസ്സിലായി. അതിൽ നിന്നും വന്നു കൊണ്ടിരുന്ന പ്രകാശം തന്റെ ഷെൽഫിലുള്ള ആൽക്കെമി പ്രബന്ധങ്ങൾ വായിക്കുവാൻ പര്യാപ്തമായിരുന്നു.(അപ്പോഴേക്കും പ്രബന്ധത്തിലെ കടലാസുകൾ പലതും അയാളുടെ വ്യാപാരത്തുകകളായും രസീതുകളായും മാറിക്കഴിഞ്ഞിരുന്നു.)
മൂത്രത്തിൽ നിന്നുമാണ് അദ്ദേഹം ഇതിനെ വേർതിരിച്ചെടുത്തതെന്ന് രസതന്ത്രജ്ഞന്മാർ കരുതപ്പെടുന്നു. ഫോസ്ഫേറ്റുകളുടെ രൂപത്തിൽ ഫോസ്ഫറസ് മൂത്രത്തിൽ ധാരാളമായി അലിഞ്ഞു ചേർന്നിട്ടുണ്ട്. മൂത്രത്തിൽ നിന്നും ചില ലവണങ്ങളുടെ ഘടകങ്ങളെ ബാഷ്പീകരണവും നിയന്ത്രിത സാന്ദ്രീകരണവും വഴി വേർതിരിക്കുന്നതിനുള്ള ശ്രമത്തിനിടയിൽ വെളുത്ത നിറത്തിലുള്ള തിളങ്ങുന്ന ഈ പദാർത്ഥം കണ്ടെത്തുകയായിരുന്നു.
അങ്ങനെ ഭാഗ്യവശാൽ ഫോസ്ഫറസ് എന്ന മൂലകം ഹെന്നിങ് കണ്ടു പിടിച്ചു. "പ്രകാശ ധാരിത " അല്ലെങ്കിൽ "പ്രകാശ- ധാരി" എന്നർഥമുള്ള ഗ്രീക്ക് പദത്തിൽ നിന്നാണ് ഫോസ്ഫറസിന് ഈ പേര് ലഭിച്ചത്.
ദീപ്ത യൗഗികങ്ങളിലെ മുഖ്യ ഘടകം ഫോസ്ഫറസ് ആണ്. ( ഷെർലക് ഹോംസ് വളരെക്കാലം അന്വേഷിച്ച് നടക്കേണ്ടി വന്ന കീർത്തികേട്ട 'ബാസ്കർ വില്ലിലെ' നായയെ കേട്ടിട്ടുണ്ടല്ലോ. അതിലെ വായിൽ ഫോസ്ഫറസ് പുരട്ടിയിരുന്നു.)
ആവർത്തനപ്പട്ടികയിലെ ഒരു മൂലകത്തിനും അതിവിശിഷ്ടമായ ഈ സ്വഭാവമില്ല.
വിലപ്പെട്ടതും പ്രാധാന്യമുള്ളതുമായ ഫോസ്ഫറസിന്റെ ഗുണങ്ങൾ അനവധിയാണ്.
ജർമൻ രസതന്ത്രജ്ഞനായ മോൾസ് കോട്ട് ഒരിക്കൽ ഇങ്ങനെ പറഞ്ഞു: ''ഫോസ്ഫറസ് ഇല്ലാതെ ചിന്തകൾ ഉണ്ടായിരിക്കുകയില്ല." ഇത് വളരെ ശരിയാണ് . നമ്മുടെ മസ്തിഷ്ക്കത്തിന്റെ ടിഷ്യൂകളിൽ അതി സങ്കീർണങ്ങളായ ഫോസ്ഫറസ് യൗഗികങ്ങൾ വളരെയധികമുണ്ട്.
ഫോസ്ഫറസ് ഇല്ലായിരുന്നുവെങ്കിൽ ജീവൻ ഉണ്ടാകുമായിരുന്നില്ല .അതില്ലായിരുന്നുവെങ്കിൽ ശ്വാസോച്ഛ്വാസപ്രക്രിയ സാധ്യമാകുമായിരുന്നില്ല . പേശികളിൽ ഊർജ്ജം ശേഖരിച്ചു വയ്ക്കുവാൻ കഴിയാതെ പോകുമായിരുന്നു. അവസാനമായി ഏതൊരു ജീവജാലത്തിന്റെയും ശരീരം നിർമാണത്തിൽ പ്രധാന പങ്കുവഹിക്കുന്ന ഒരു ഇഷ്ടികയാണ് ഫോസ്ഫറസ്. എല്ലുകളിലെ പ്രധാന ഘടകം കാൽസ്യം ഫോസ്ഫേറ്റ് ആണ്. ഇത് ദാർശനിക ശിലയെ പോലെ തന്നെ പ്രാധാന്യമുള്ളതാണ്. ഇത് അചേതനങ്ങളെ സചേതനങ്ങളാക്കി ആക്കി മാറ്റുന്നു .
എന്തുകൊണ്ട് ഫോസ്ഫറസ് തിളങ്ങുന്നു?
ധവള ഫോസ്ഫറസ്സിന് മുകളിലായി ഫോസ്ഫറസ് ബാഷ്പങ്ങളുടെ ഒരു മേഘം എല്ലായ്പ്പോഴും ഉണ്ടായിരിക്കും. ഈ ബാഷ്പം ഓക്സീകരിക്കപ്പെടുന്നു. അപ്പോൾ വളരെയധികം ഊർജ്ജം പുറത്തേക്ക് വിടുന്നു. ഈ ഊർജ്ജം ഫോസ്ഫറസ് അണുവിനെ ഉത്തേജിപ്പിക്കുകയും അതിനെ ഫലമായി അത് തിളങ്ങുകയും ചെയ്യുന്നു.
അപസർപ്പക കഥകളിലെയും പ്രേത കഥകളിലെയും പ്രധാന വില്ലൻ ഫോസ്ഫറസാണ്.വെളുത്ത ഫോസ്ഫറസ്, വായുവിലെ ഓക്സിജനുമായി സമ്പർക്കത്തിലാകുമ്പോൾ തെളിഞ്ഞ പ്രകാശം പുറപ്പെടുവിക്കുന്നു. എല്ലിൽ ഇത്തരം ഫോസ്ഫറസ് ധാരാളം അടങ്ങിയിരിക്കുന്നു. ശ്മശാനങ്ങളിൽ രാത്രികാലങ്ങളിൽ ഉണ്ടാകുന്ന പ്രകാശം ഇങ്ങനെയുണ്ടാവുന്നതാണ്.
കറുത്ത ഫോസ്ഫറസ്, ചുവന്ന ഫോസ്ഫറസ്, വെളുത്ത ഫോസ്ഫറസ് എന്നിങ്ങനെ ഫോസ്ഫറസിന് വിവിധ വക ഭേദങ്ങളുണ്ട്.
ആവർത്തനപ്പട്ടികയിൽ നൈട്രജന്റെ ഗ്രൂപ്പിലാണ് ഫോസ്ഫറസിനെ ഉൾപ്പെടുത്തിയിരിക്കുന്നത്. ഫോസ്ഫേറ്റ് പാറകളിൽ നിന്നുമാണ് സാധാരണയായി ലഭിക്കുന്നത്. എന്നാൽ നൈട്രജനിൽ നിന്നും വ്യത്യസ്തമായി പ്രവർത്തനശേഷി കൂടിയ ഒരു മൂലകമാണിത്. പ്രകൃതിയിൽ ഇത് സ്വതന്ത്ര രൂപത്തിൽ കാണപ്പെടുന്നില്ല.
തീപ്പെട്ടിവ്യവസായത്തിനാണ് ഫോസ്ഫറസ് വ്യാവസായികമായി നിർമിച്ചു തുടങ്ങിയത്. എല്ലിൽ നിന്നും ലഭിക്കുന്ന ഫോസ്ഫേറ്റുകളിൽ നിന്നാണ് ഇത് ആദ്യമായി നിർമ്മിച്ചു തുടങ്ങിയത്. പിന്നീട് വൈദ്യുത ആർക്ക് ചൂളകളുടെ ആവിർഭാവത്തോടെ എല്ലിൽ നിന്നുള്ള ഫോസ്ഫറസ് നിർമ്മാണരീതി ഉപേക്ഷിക്കപ്പെട്ടു. ആദ്യം വെളുത്ത ഫോസ്ഫറസ് ആയിരുന്നു തീപ്പെട്ടി നിർമ്മാണത്തിന് ഉപയോഗിച്ചിരുന്നത്. അത് വിഷമയവും നിർമ്മാണത്തിന് പ്രായോഗിക ബുദ്ധിമുട്ടും ഏറിയിരുന്നു. തൊഴിലാളികൾക്ക് വെളുത്ത ഫോസ്ഫറസ് മൂലം മാറാരോഗങ്ങളും പിടിപ്പെട്ടു. ആദ്യകാലങ്ങളിൽ ആത്മഹത്യക്കുള്ള വിഷമായും വെളുത്ത ഫോസ്ഫറസ് ഉപയോഗിച്ചു വന്നു. ഈ മേഖലയിലെ നൂതന പരീക്ഷണങ്ങൾക്കൊടുവിൽ താരതമ്യേന അപകടം കുറഞ്ഞ ചുവന്ന ഫോസ്ഫറസിന്റെ കണ്ടുപിടിത്തതോടെ വെളുത്ത ഫോസ്ഫറസിന്റെ ഉപയോഗം തീരെയില്ലാതായി.
ഒന്നാം ലോകമഹായുദ്ധങ്ങളിലും രണ്ടാം ലോകമഹായുദ്ധങ്ങളിലും ബോംബുകൾ നിർമ്മിക്കുന്നതിനായി ഫോസ്ഫറസ് ഉപയോഗിച്ചിട്ടുണ്ട്.
ഫോസ്ഫറസിന്റെ തിളക്കത്തിന്‌ തൃപ്തികരമായ ഒരു വിശദീകരണം നൽകിയത്‌ 1974-ൽ ആർ .ജെ .വാൻസീയാണ്. ഓക്സിജനുമായുള്ള പ്രവർത്തനഫലമായി ഉപരിതലത്തിൽ വളരെ കുറച്ചു സമയം മാത്രം നിലനിൽക്കുന്ന HPO, P2O2 എന്നീ സംയുക്തങ്ങൾ ഉണ്ടാകുന്നു. ഇവ രണ്ടും പ്രകാശം പുറപ്പെടുവിക്കുന്നവയാണ്‌. ഈ സംയുക്തങ്ങളാണ് ഫോസ്ഫറസിന്റെ തിളക്കത്തിന് കാരണം.
കാർഷികമേഖലയിൽ വളങ്ങൾ നിർമ്മിക്കുന്നതിനും ,സോഡിയം വിളക്കുകളിൽ പ്രത്യേക ചില്ലിന്റെ നിർമാണത്തിനും ,ചൈനീസ് മൺപാത്രങ്ങൾ നിർമ്മിക്കുന്നതിനും, ഉപയോഗിക്കുന്നു. ഫോസ്ഫറസിൽ നിന്നും നിർമ്മിക്കുന്ന ഫോസ്ഫോറിക് അമ്ലം സോഡാ പാനീയങ്ങൾ പോലുള്ള ഭക്ഷണപദാർത്ഥങ്ങളിൽ കേടുകൂടാതെയിരിക്കുന്നതിനായി ചേർക്കുന്നു.ഫോസ്ഫറസ് സംയുക്തങ്ങളായ മോണോ-കാത്സ്യം ഫോസ്ഫേറ്റ്, സോഡിയം ട്രൈപോളിഫോസ്ഫേറ്റ് എന്നിവയും ഈ അമ്ലത്തിൽ നിന്നുമാണ് നിർമ്മിക്കുന്നത്. സംസ്കരിച്ച മാംസം, പാൽക്കട്ടി എന്നിവയുടെ ഗുണങ്ങൾ വർദ്ധിപ്പിക്കുന്നതിന് ഈ സംയുക്തങ്ങൾ ഉപയോഗിക്കുന്നു. ടൂത്ത് പേസ്റ്റുകളിൽ ചേർക്കുന്നതിനും ഇത്തരം ഫോസ്ഫേറ്റുകൾ ഉപയോഗിക്കുന്നു.
ബാറ്ററിയിലെ ഇലക്ട്രോലൈറ്റ് നേർപ്പിച്ച ഫോസ്ഫോറിക് അമ്ലമാണ്.
*എഴുതിയത്: മഹേഷ്.വി.എസ്

ശ്വാനന്മാർക്ക് ഒരു ഉത്സവം – നേപ്പാളിലെ കുക്കുർ തിഹാർ





മനുഷ്യന് മാത്രമല്ല മൃഗങ്ങളും പല ഉത്സവങ്ങളുടെയും ഭാഗമാണ് . പൊങ്കലിന്റെ ഭാഗമായി കന്നുകാലികളെ ആദരിക്കുന്ന ചടങ്ങ് തമിഴ്‌നാട്ടിൽ നിലവിലുണ്ട് . എന്നാൽ നായ്കൾക്കുവേണ്ടി ഒരാഘോഷം നടത്തപ്പെടുന്നുണ്ട് . നേപ്പാളിലാണ് ആ ആഘോഷം നടത്തപ്പെടുന്നത് . ഇക്കൊല്ലം നവംബർ 6 നായിരുന്നു ആ ഉത്സവം .
.
നേപ്പാളിലെ അഞ്ചുദിവസം നീണ്ടുനിൽക്കുന്ന തിഹാർ ഉത്സവത്തിന്റെ രണ്ടാം ദിനമാണ് ശ്വാനന്മാരുടെ ഉത്സവമായ കുക്കുർ തിഹാർ ആഘോഷിക്കുനന്ത് . ശ്വാനന്മാരുടെ നെറ്റിയിൽ ചുവന്ന പൊട്ടുതൊട്ടും അവർക്ക് ഹാരങ്ങൾ ചാർത്തിയുമാണ് ആഘോഷങ്ങൾക്ക് തുടക്കo കുറിക്കുന്നത് . നല്ല ശാപ്പാടും അവക്ക് ഈ ദിവസം നൽകും .വീട്ടിലെ ശ്വാനന്മാർക്കുപുറമെ തെരുവിലെ ശ്വാനന്മാർക്കും കുശാലായി ഭക്ഷണം ആ ദിവസം ലഭിക്കും .

ref :https://www.bbc.com/news/world-46111525

image : courtsey:https://commons.wikimedia.org/…/File:Dog_worship_in_Hinduis…

മൈക്രോവേവ് ഓവനും മാഗ്നെട്രോണും - ഒരു യുദ്ധോപകരണം അടുക്കളയിലേക്ക് കളം മാറ്റിയ കഥ .

ഇക്കാലത്തു മൈക്രോവേവ് ഓവൻ സർവ്വസാധാരണമാണ്.പാചകം ഏറ്റവും എളുപ്പത്തിലും ഭംഗിയായും ചെയ്യാൻ ഉപകരിക്കുന്ന ഈ യന്ത്രം ഇപ്പോൾ സാധാരണക്കാരന് താങ്ങാവുന്ന വിലയിൽ വിപണിയിൽ ലഭ്യമാണ് . എഴുപത്തഞ്ചു കൊല്ലം മുൻപ് ലോകതിലെ ഏറ്റവും വലിയ സൈനിക രഹസ്യങ്ങളിലൊന്നായ മാഗ്നെട്രോൺ എന്ന മൈക്രോവേവ് ആവൃത്തി ഓസിലേറ്റർ ആണ് എല്ലാ മൈക്രോവേവ് ഓവനുകളുടെയും ഊർജ്ജ സ്രോതസ്സ് എന്നത് അദ്ഭുതകരമായ ഒരു വസ്തുതയാണ് .
-
മാഗ്നെട്രോൺ--ഒരു യുദ്ധോപകരണം 
---
.
സൈനിക റഡാറുകളിൽ റേഡിയോ തരംഗങ്ങളിടെ ഉൽപ്പാദനത്തിനാണ് മാഗ്നെട്രോണുകൾ ആദ്യമായി ഉപയോഗിച്ചത് . ആദ്യകാലറഡാറുകളിൽ ഉപയോഗിച്ചിരുന്ന വാക്വം ട്യൂബുകളെക്കാൾ വളരെയധികം ശക്തിയിലും ഉയർന്ന ഫ്രീക്വെൻസികളിലും റേഡിയോ തരംഗങ്ങളെ സൃഷ്ടിക്കാൻ മാഗ്നെട്രോണിനായി . അതോടെ റഡാർ ശത്രു വിമാനങ്ങളെയും കപ്പലുകളെയും നൂറുകണക്കിന് കിലോമീറ്റര് അകലെ വച്ച് കണ്ടുപിടിക്കാൻ കഴിവുള്ള ഒരു സൈനിക ഉപകരണം ആയി മാറി 
.
പ്രായോഗികമായ ആദ്യ മാഗ്നെട്രോൺ നിർമിച്ചത് 1921 ഇൽ ജനറൽ ഇലക്ട്രിക്ക് ക്മ്പനിയിലെ ശാസ്ത്രജ്ഞനായിരുന്ന . A W ഹള്ള് (A W HULL)ആണ്.പക്ക്ഷേ അത് മൈക്രോവേവ് ആവൃതിയിൽ പ്രവർത്തിക്കുന്ന ഒരു മാഗ്നെട്രോൺ ആയിരുന്നില്ല. 1925 ഇൽ ജനറൽ ലൿട്രിക്ടിലെ മറ്റൊരു ശാസ്ത്രജ്ഞനായ എൽഡർ 8 കിലോവാട് ശക്തിയുള്ള ഒരു മാഗ്നെട്രോൺ വികസിപ്പിച്ചു .പക്ഷെ അതും താഴ്ന്ന ആവൃതിയിൽ പ്രവർത്തിക്കുന്ന ഒരു ഉപകരണമായിരുന്നു .താഴ്ന്ന ആവൃതിയിൽ പ്രവർത്തിക്കുന്ന വാക്വം ട്യൂബുകൾക്ക് ഭീഷണിയുയർത്താൻ താഴ്ന്ന ആവൃതിയിൽ പ്രവൃത്തിക്കുന്ന മാഗ്നെട്രോണുകൾക്കു കഴിഞ്ഞില്ല .പക്ഷെ വലിയ ആവൃതിയിൽ പ്രവർത്തിക്കുന്ന മാഗ്നെട്രോണുകൾക്കുവേണ്ടിയുള്ള ഗവേഷണം തുടർന്നു .
.
ആദ്യകാല മാഗ്നെട്രോണുകൾ അവയുടെ പവർ ഔട്ട് പുട്ടിലും ആവൃതിയിലും സ്ഥിരത ഉള്ളവ ആയിരുന്നില്ല .ആവൃത്തിയിൽ സ്ഥിരതയില്ലാത്ത ഒരുപകാരണത്തിന് ഒരു ഓസിലേറ്റർ ആയി പ്രവർത്തിക്കുന്നതിന് പരിമിതികൾ ഉണ്ട് .ജപ്പാനിൽ എച് .യാഗി മാഗ്നെട്രോണുകളിൽ സ്വതന്ത്രമായി ഗവേഷണം നടത്തുകയും പല ഗുണപരമായ മാറ്റങ്ങളും അവയിൽ കൊണ്ടുവരികയും ചെയ്തു . അദ്ദേഹത്തിന്റെ ഗവേഷണ ഭലമായി ജപ്പാൻ റേഡിയോ കമ്പനി 500 വാട്ട് ശക്തിയുള്ള ഒരു മാഗ്നെട്രോൺ 1939 ഇത് രംഗത്തിറക്കി .പക്ഷെ ഈ മാഗ്നെട്രോൺ പ്രവർത്തിപ്പിക്കാൻ അത്ര എളുപ്പമായിരുന്നില്ല .
.
ഇന്ന് കാണുന്നതരത്തിലുള്ള മൾട്ടി കാവിറ്റി മാഗ്നെട്രോണുകൾ വികസിപ്പിച്ചത് 1939 ഇൽ ബ്രിട്ടനിലെ ജോൺ T. റാൻഡൽ ഉം ഹെന്രി A.H. ബൂട്ട് ഉമാണ് .അവരുടെ മാഗ്നറ്റിറോൺ ഡിസൈൻ അന്നുവരെയുള്ള മാഗ്നെട്രോണിന്റെ എല്ലാ കുറവുകളേയും പരിഹരിച്ചു .തൊണ്ണൂറു ശതമാനത്തിനു മുകളിൽ എഫിഷ്യൻസി ഉണ്ടായിരുന്നതിനാൽ മാഗ്നെട്രോൺ തണുപ്പിക്കാൻ വിപുലമായ മാർഗങ്ങൾ വേണ്ടിവന്നില്ല .മൾട്ടി കാവിറ്റി മാഗ്നെട്രോണുകൾ സ്ഥിരതയുള്ള ആവൃത്തികൾ പുറപ്പെടുവിച്ചു .സർവോപരി അവക്ക് മൈക്രോവേവ് ആവൃത്തികളിൽ വളരെ വലിയ ഔട്ട്പുട്ട് പവർ പുറപ്പെടുവിക്കാനും കഴിഞ്ഞു .ഒറ്റയടിക്ക് മാഗ്നെട്രോണിന്റെ വളരെയധികം കുറവുകളെയാണ് റാൻണ്ടലും, ബൂട്ടും ഇല്ലാതാക്കിയത് .അതോടെ മാഗ്നെട്രോണുകൾ ഗവേഷണ സ്ഥാപനങ്ങളിൽ നിന്നും യുദ്ധ മേഖലകളിലേക്ക് പറിച്ചു നടപെടുകയും ചെയ്തു .റാൻഡലിനെയും ബൂട്ടീനെയുമാണ് കാവിറ്റി മാഗ്നെട്രോണിന്റെ കണ്ടുപിടുത്തക്കാരായി ഇപ്പോൾ അംഗീകരിക്കുന്നത് .എന്നാൽ അലെക്സറഫ് , മലീറോഫ് എന്നെ റഷ്യാക്കാർ അവർക്കും മുൻപ് ക്യാവിറ്റി മാഗ്നെട്രോൺ കണ്ടുപിടിച്ചിരുന്നു എന്നൊരു വാദവും നിലനിൽക്കുന്നുണ്ട് .യാഗിയുടെ ജാപ്പനീസ് മാഗ്നെട്രോണും ശരിക്കുള്ള ഒരു ക്യാവിറ്റി മാഗ്നെട്രോൺ ആയിരുന്നു എന്ന വാദവുമുണ്ട് . എന്തായാലും റാൻണ്ടലിന്റെയും ,ബൂട്ടിന്റെയും മാഗ്നെട്രോൺ ആണ് രണ്ടാം ലോക യുദ്ധത്തിന്റെ ഗതി മാറ്റിയ മാഗ്നെട്രോൺ എന്ന് നിസംശയം പറയാം.
.
മാഗ്നെട്രോൺ ഘടിപ്പിച്ച സൈനിക റഡാറുകൾ 1942 ഓടെ ബ്രിട്ടന് സ്വന്തമായി മറ്റൊരു രാജ്യത്തിനും അക്കാലത് മാഗ്നെട്രോൺ ഘടിപ്പിച്ച സൈനിക റഡാറുകൾ ഉണ്ടായിരുന്നില്ല. അതുവരെയുള്ള വാക്വം ട്യൂബ് റഡാറുകളുടെ പരിധി വളരെ കുറവായിരുന്നു , അവക്ക് മൈക്രോവേവ് ഫ്രീക്വൻസികളിൽ പ്രവർത്തിക്കാനും ആവുമായിരുന്നില്ല . യുദ്ധത്തിൽ ബ്രിട്ടീഷ് റഡാറുകൾക്ക് ജർമൻ പോർ വിമാനങ്ങളെ വളരെ അകലെ നിന്ന് കണ്ടുപിടിക്കാ ൻ കഴിഞ്ഞു . കണ്ടുപിടിക്കപ്പെട്ടാൽ ബോംബറു ളെയും പോര്വിമാനങ്ങളെയും അകലെവച്ചുതന്നെ നശിപ്പിക്കാൻ എളുപ്പമായിരുന്നു . ശക്തമായ റഡാറുകൾ ബ്രിട്ടീഷ് ദ്വീപുകൾ ജർമൻ ബോംബറുകൾക്ക് അപ്രാപ്യമാക്കി . ജർമൻ സൈനിക നേതിര്ത്വത്തിന് എന്താണ് സംഭവിക്കുന്നത് എന്ന് പോലും മനസ്സിലായില്ല . വെടിവെച്ചിട്ട ചില ബ്രിട്ടീഷ് ബോംബറുകളിൽ നിന്നും മാഗ്നെട്രോണുകൾ സംഘടിപ്പിച്ച് സ്വന്തമായ റഡാറുകൾ നിർമിക്കാൻ ജർമനി ശ്രമം തുടങ്ങിയപ്പോൾ അവർ യുദ്ധത്തിൽ തൊട്ടു കഴിഞ്ഞിരുന്നു . ബ്രിട്ടീഷ് ദ്വീപുകൾ കീഴടക്കുക എന്ന ഹിറ്റ്ലറുടെ സ്വപ്നം തകിടം മറിച്ചത് '' മാഗ്നെട്രോൺ '' ആണെന്ന് നിസംശയം പറയാം . രണ്ടാം ലോകയുദ്ധത്തിന് ഗതി ബ്രിട്ടനും സഖ്യശക്തികൾക്കും അനുകൂലമാക്കുന്നതിൽ മുഖ്യ പങ്ക് മാഗ്നെട്രോൺ കൊണ്ട് പ്രവർത്തിക്കുന്ന ആദ്യ കാല ഏർലി വാണിംഗ് റഡാറുകൾക്കായിരുന്നു .
--
മാഗ്നെട്രോൺ- അടുക്കളയിലേക്കുള്ള ചുവടുമാറ്റം മൈക്രോ വേവ് ഓവനിലൂടെ 
--
മൈക്രോവേവ് ആവൃതിയിലുള്ള വിദ്യുത് കാന്തിക തരംഗങ്ങൾക്ക് ജാലകണങ്ങളെ വിറപ്പിക്കാനും ( vibration) അതുവഴി താപം ഉൽപ്പാദിപ്പിക്കാനും ആവുമെന്ന് രണ്ടാം ലോകമഹായുദ്ധകാലത്തുതന്നെ അറിവുള്ളതായിരുന്നു . പക്ഷെ യുദ്ധകാലത് മാഗ്നെട്രോണിനെ ഒരു പാചക ഉപകരണം ആക്കാൻ ആകുമായിരുന്നില്ല . അതീവ രഹസ്യ സ്വഭാവമുള്ള ഒരുപകാരണമായിരുന്നു അക്കാലത്തു മാഗ്നെട്രോൺ . യുദ്ധം അവസാനിച്ച ഒരു വർഷത്തിനുള്ളിൽ തന്നെ യു എസ് എൻജിനീയർ ആയ പേർസി സ്‌പെൻസർ ( Percy Spencer) മാഗ്നെട്രോൺ ഉപയോഗിച്ച ഒരു മൈക്രോവേവ് ഓവൻ നിർമിച്ചു . പേർസി സ്‌പെൻസർ നെ യാണ് മൈക്രോവേവ് ഓവന്റെ ഉപജ്ഞാതാവായി കണക്കാക്കുന്നത് . റഡാർ റേൻജ് ( radar range ) എന്നായിരുന്നു സ്‌പെൻസർ ആ ഉപകാരണത്തിനിട്ട പേര് .വിലക്കൂടുതൽ നിമിത്തം സ്പെന്സരുടെ റഡാർ റേൻജ് വലിയ തോതിൽ പ്രചാരത്തിൽ വന്നില്ല . മാഗ്നെട്രോൺ അക്കാലത്തു വിലപിടിച്ച ഒരുപകരണം ആയിരുന്നു .
.
പല യു എസ് കമ്പനികളും അറുപതുകളിൽ മൈക്രോവേവ് ഓവനുകൾ രംഗത്തിറക്കി . വലിപ്പക്കൂടുതലും വിലകൂടുതലും നിമിത്തം മിക്കവയും വിപണിയിൽ പരാജയപ്പെട്ടു .1967 ൽ അമാന കോർപറേഷൻ( Amana Corporation ) ആദ്യ കോംപാക്ട് ടേബിൾ ടോപ് മൈക്രോവേവ് ഓവൻ വിപണിയിൽ എത്തിച്ചു . അതോടെ മൈക്രോവേവ് ഓവനുകൾ സ്ഥിരം പാചകക്കാരനായി ലോകമെമ്പാടുമുള്ള അടുക്കളകളിലേക്ക് കയറിക്കൂടി .
---
മൈക്രോവേവ് ഓവൻ -പ്രവർത്തന തത്വം 
---
വിദ്യുത് കാന്തിക സ്പെക്ട്രത്തിൽ 1 ഗിഗാഹെർട്സ് മുതൽ 300 ഗിഗാഹെർട്സ് വരെയുള്ള ആവൃത്തികളെയാണ് മൈക്രോ വേവ് ഫ്രീക്വെൻസികൾ എന്ന് വിളിക്കിന്നത് . ഉപയോഗം അനുസരിച്ച് മൈക്രോ വേവ് ഫ്രീക്വെൻസിക ളെ വിവിധ സബ് ബാൻഡുകൾ ആയും തിരിച്ചിട്ടുണ്ട് . 1 ഗിഗാഹെർട്സ് മുതൽ 2 ഗിഗാഹെർട്സ് വരെയുള്ള ആവൃത്തിക ൾ L- ബാൻഡ് ഫ്രീക്വെൻസികൾ,2 ഗിഗാഹെർട്സ് മുതൽ 4 ഗിഗാഹെർട്സ് വരെയുള്ള ആവൃത്തിക ൾ S- ബാൻഡ് ഫ്രീക്വെൻസികൾ,4 ഗിഗാഹെർട്സ് മുതൽ 8 ഗിഗാഹെർട്സ് വരെയുള്ള ആവൃത്തിക ൾ C ബാൻഡ് ഫ്രീക്വെൻസികൾ.8 ഗിഗാഹെർട്സ് മുതൽ 12 ഗിഗാഹെർട്സ് വരെയുള്ള ആവൃത്തിക ൾ X- ബാൻഡ് ഫ്രീക്വെൻസികൾ ഇങ്ങിനെയാണ് ആദ്യ സബ് ബാൻഡുകൾ .ഇതിൽ ഇപ്പോൾ ,2 ഗിഗാഹെർട്സ് മുതൽ 4 ഗിഗാഹെർട്സ് വരെയുള്ള ആവൃത്തിക ൾ S- ബാൻഡ് ഫ്രീക്വെൻസികൾ ആൻ സാധാരണയായി മൈക്രോവേവ് ഓവനുകളിൽ ഉപയോഗിന്നുന്നത് . ഈ ബാൻഡിലെ 2.45 ഗിഗാഹെർട്സ് ഫ്രീക്വെൻസി ആണ് പ്രചാരത്തിലുള്ള മിക്ക മൈക്രോവേവ് ഓവ നു കളിലും ഉപയോഗിക്കുന്നത് . മൈക്രോവേവ് ഫ്രീക്വെൻസി യിലുള്ള വിദ്യുത് കാന്തിക തരംഗങ്ങൾ ജല തന്മാത്രകളിലൂടെ കടന്നു പോകുമ്പോൾ ജലതന്മാത്രകൾ പ്രകമ്പനം കൊള്ളുന്നു . ഈ പ്രകമ്പനങ്ങളാണ് താപോർജ്ജമായി മാറുന്നത് . കൂടുതൽ ശക്തമായ വിദ്യുത് കാന്തിക തരംഗങ്ങൾ കടന്നു പോകുമ്പോൾ ഉൽപാദിപ്പിക്കപ്പെടുന്ന താപോർജ്ജത്തിന്റെ അളവും കൂടും . ഈ തത്വമാണ് എല്ലാ മൈക്രോവേവ് ഓവനുകളും ഉപയോഗിക്കുന്നത് . ശക്തമായ മൈക്രോവേവ് തരംഗങ്ങളെ സൃഷ്ടിക്കാൻ മാഗ്നെട്രോണുകൾ ഉപയോഗിക്കുന്നു .മൈക്രോവേവ് തരംഗങ്ങൾക്ക് ലോഹത്തിലൂടെ കടന്നു പോകാൻ ആകാത്തതിനാൽ മൈക്രോവേവ് തരംഗങ്ങൾ ഓവന്റെ ഉള്ളിൽ തന്നെ തളച്ചിടപ്പെടുന്നു . ഓവന്റെ വാതിലിലെ ഗ്ളാസ് പാളിക്കുള്ളിലും ഒരു ലോഹ വലയുള്ളതിനാൽ അതില്കൂടിയും മൈക്രോവേവ് തരംഗങ്ങൾ പുറത്തുപോകുന്നില്ല 
--
മൈക്രോവേവ് ഓവൻ -സുരക്ഷിതത്വം 
--
ഏറ്റവും സുക്ഷിതമായ പാചക മാർഗമായി മൈക്രോവേവ് ഓവനെ കരുതാം . മൈക്രോവേവ് ഫ്രീക്വെൻസികൾ ഒരു തരത്തിലുള്ള അയോണൈസേഷനും നടത്തുന്നില്ല. അയോണൈസേഷ ൻ നടത്തുന്ന അൾട്രാ വയലറ്റ് റെകളും , എക്സ് റെകളും ,ഗാമ റെകളുമാണ് ആരോഗ്യത്തിനു ഹാനികരമായിത്തീരുന്നത് . അവയെക്കാളൊക്കെ ബശലക്ഷക്കണക്കിനു മടങ് ദുർബലമാ ണ് മൈക്രോവേവ് ഫ്രീക്വെൻസികൾ സാധാരണ പാചകം ഇൻഫ്രാ റെഡ് ഫ്രീക്വെൻസി യിലുള്ള വിദ്യുത് കാന്തിക തരംഗങ്ങളുടെ സഹായത്താലാണ് നടക്കുന്നത് മൈക്രോവേവ് ഓവനിലാകട്ടെ പാചകം ഇൻഫ്രാ റെഡ് ഫ്രീക്വെൻസി യെക്കാൾ വളരെ താഴ്ന്ന മൈക്രോവേവ് ഫ്രീക്വെൻസി യിലൂടെയാണ് നടക്കുന്നത് . ഇൻഫ്രാ റെഡ് ഫ്രീക്വെൻസി കൽ എല്ലാ പദാർത്ഥങ്ങളെയും ചൂടാക്കുന്നു .മൈക്രോവേവ് ഫ്രീക്വെൻസി കൽ ജലത്തെ മാത്രമാണ് ചൂടാകുന്നത് . ലോഹങ്ങളിൽനിന്നും അവ പ്രതിഫലിച്ചു പോകുന്നു . ഇന്സുലേറ്ററുകളിലൂടെ അവ വലിയ തോതിൽ താപോർജ്ജം ഉൽപ്പാദിപ്പിക്കാതെ കടന്നു പോകുന്നു . ജലാംശം ഇല്ലാത്ത ഭക്ഷണ പദാർത്ഥങ്ങളെ ചൂടാക്കാനും പാകം ചെയ്യാനും മൈക്രോവേവ് ഓവ നുകൾക്ക് കഴിയില്ല എന്നതാണ് അവയുടെ പ്രധാന ന്യൂനത .
--
ചിത്രങ്ങൾ : മൈക്രോവേവ് ഓവൻ , മാഗ്നെട്രോൺ , മാഗ്നെട്രോണിന്റെ ഘടന : ചിത്രങ്ങൾ കടപ്പാട് വിക്കിമീഡിയ കോമൺസ് 
--
ref
1.http://www.radartutorial.eu/08.transmitte…/Magnetron.en.html
2.http://ethw.org/Microwave_Ovens
3.https://en.wikipedia.org/wiki/Microwave_oven
--
This is an original work ,no part of it is copied from elsewhere.-rishidas




അലക്സാൻഡറുടെ ശവകുടീരം -ഒരു ദുരൂഹത.




ഏതാനും ദിവസം മുൻപാണ് ഈജിപ്തിലെ അലക്സാൻഡ്രിയയിൽനിന്നും ഇരുപതു ടണ്ണിലേറെ ഭാരമുള്ള കറുത്ത ഗ്രാനൈറ്റ് കൊണ്ട് നിർമിച്ച ഒരു ശവപ്പെട്ടി കണ്ടുകിട്ടിയത് . കിട്ടിയപ്പോൾ തന്നെ അത് 2300 വര്ഷം മുൻപ് മരണപ്പെട്ട അലക്സാൻഡർ ചക്രവർത്തിയുടെ മൃതദേഹം അടക്കം ചെയ്യപ്പെട്ട ശവപ്പെട്ടിയാണെ ന്ന അഭ്യൂഹങ്ങൾ പരന്നു. രണ്ടു ദിവസം മുൻപ് ആ ശവപ്പെട്ടി തുറന്നു പരിശോധിച്ചപ്പോൾ അതിനുള്ളിൽ അലസ്ക്സാൻഡറുടെ ഭൗതിക അവശിഷ്ടമല്ല ഉള്ളെതെന്ന നിഗമനത്തിൽ പുരാവസ്തു വിദഗ്ധർ എത്തി . അതിനുള്ളിലുള്ളത് അലക്സാൻഡറുടെ കാലത്തിനു ശേഷം ഈജിപ്റ്റ് ഭരിച്ച ഗ്രീക്കോ-ഈജിപ്ഷ്യൻ ഭരണവ്യവസ്ഥയിലെ ഏതോ പ്രമുഖരുടേതാണെന്നാണ് ഇപ്പോൾ കരുതപ്പെടുന്നത് .
എന്നാലും ഒരു ചോദ്യം അവശേഷിക്കുന്നു . എങ്ങിനെയാണ് ബാബിലോണിൽ വച്ച് ദിവംഗതനായ അലക്സാൻഡറുടെ മൃതശരീരം ഈജിപ്തിൽ എത്തുന്നത്. അങ്ങിനെയുള്ള വാദങ്ങൾക്ക് പിന്നിലെ അടിസ്ഥാനം എന്താണ് . പൗരാണിക ചരിത്രത്തിലെ ചില ദുരൂഹതകളിലേക്ക് ചികഞ്ഞു നോക്കിയാലേ അതിനുളള ഉത്തരം ലഭിക്കൂ .
.
ബി സി ഇ 323 ൽ മുപ്പത്തിരണ്ടാം വയസ്സിൽ അലക്സാൻഡർ ബാബിലോണിയയിൽ വച്ച് മരണപ്പെട്ടു . അദ്ദേഹത്തിന്റെ മരണത്തെപ്പറ്റിത്തന്നെ ദുരൂഹതകൾ ഉണ്ട് . അനുചരന്മാരാൽ വിഷം നൽകിയാണ് അദ്ദേഹത്തിന്റെ മരണം എന്ന ഒരു വാദമുണ്ട് . അമിതമായി മദ്യപിച്ചു മരിച്ചു എന്ന് ചില ചരിത്രകാരന്മാർ വിശ്വസിക്കുന്നു . അമിതമദ്യപാനവും മലേറിയയും യുദ്ധങ്ങളിലുണ്ടായ പരിക്കുകളും കൂടിച്ചേർന്ന അവസ്ഥയിൽ ആരോഗ്യം തകർന്ന് അലക്സാൻഡർ മരണമടഞ്ഞു എന്ന വാദഗതിയാണ് ഇപ്പോൾ
പൊതുവെ അംഗീകരിക്കപ്പെടുന്നത് . അന്തരിക്കുമ്പോൾ അലക്സാൻഡർ മൂന്ന് ഭൂഖണ്ഡങ്ങളിൽ വ്യാപിച്ചുകിടക്കുന്ന സാമ്രാജ്യത്തിന്റെ അധിപനായിരുന്നു .മരണപ്പെടുമ്പോൾ അദ്ദേഹത്തിന് അനന്തരാവകാശികൾ ഉണ്ടായിരുന്നില്ല .അദ്ദേഹത്തിന്റെ പത്നി ഗർഭിണിയായിരുന്നു .മരണത്തിനു മുൻപ് പിന്തുടര്ച്ചക്കാരനായി തന്റെ ജനറൽമാരിൽ ആരെയും അദ്ദേഹം നിര്ദേശിച്ചിട്ടും ഉണ്ടായിരുന്നില്ല ..അദ്ദേഹത്തിന്റെ സുഹൃത്തും ,പടനായകനുമായ ടോളമി ( Ptolomy) മരിക്കുന്നതിന് തൊട്ടുമുൻപ് അനന്തരാവകാശിയെപ്പറ്റി ചോദിച്ചപ്പോൾ ''ഏറ്റവ്വും ശക്തന്'' എന്ന അദ്ദേഹം നേർത്ത സ്വരത്തിൽ പറഞ്ഞു എന്നതും പറയപ്പെടുന്നുണ്ട് .അലക്സാൻഡർ തന്റെ മുതിർന്ന പടനായകൻ ക്രെറ്റര്സ് ( Craterus) നെ യാണ് നിർദേശിച്ചതെന്നും സൂത്ര ശാലിയായ ടോളമി ഗ്രീക്കിൽ ശബ്ദസാമ്യമുളള ശക്തർ (''Krateroi” ) എന്ന പദം ദുരുപയോഗം ചെയ്തതാണെന്നും പറയപ്പെടുന്നു .
.
അലക്സാൻഡറുടെ മരണശേഷം അദ്ദേഹത്തിന്റെ സേനാനായകർ സാമ്രാജ്യം പങ്കിട്ടെടുത്തു .അലക്സാൻഡറുടെ പുത്രൻ (Alexander IV) കാര്യ പ്രാപ്തിയാകുമ്പോൾ ആ കുട്ടിയെ ചക്രവർത്തിയായി വാഴിക്കുന്നതുവരെയായിരുന്നു സേനാനായകരുടെ പ്രതിപുരുഷഭരണം എന്നായിരുന്നു ധാരണ .ബാബിലോണിലെ കരാർ എന്നാണ് ഈ ധാരണ അറിയപ്പെടുന്നത് .ധാരണ പ്രകാരം ടോളമി( Ptolemy) ഈജിപ്തിന്റെ പ്രതിപുരുഷനായി .കാസാൻഡർ(Cassander ) ഗ്രീക്ക് പ്രവിശ്യകളുടെയും . സെലൂക്കാസ്‌(Seleucus I Nicator),ആന്റിഗോണസ്(Antigonus I Monophthalmus),ക്രെറ്റര്സ് ( Craterus) തുടങ്ങിയവരായിരുന്നു മറ്റു പ്രമുഖ പ്രതിപുരുഷന്മാർ.
.
മരണശേഷം അലക്സാൻഡറുടെ ഭൗതിക ശരീരം ഒരു വലിയ ശവമഞ്ചത്തിൽ എംബാം ചെയ്തു സൂക്ഷിച്ചു . ഈജിപ്തിലെ സിവ പ്രദേശത്തു തന്റെ ശവ കുടീരം പണിയണം എന്നായിരുന്നു അലക്സാൻഡറുടെ അഭിലാഷം ഈജിപ്ഷ്യൻ ദേവനായ അമ്യുണിനെ ആണ് അലക്സാൻഡർ തന്റെ ഇഷ്ടദേവനായി കണ്ടിരുന്നത്. അമ്യുണ് ദേവന്റെ വലിയൊരു ക്ഷേത്രം ഈജിപ്തിലെ സിവ മരുപ്പച്ചയിൽ ഉണ്ടായിരുന്നു . അതായിരുന്നു അലക്സാൻഡറുടെ ആഗ്രഹത്തിന്റെ നിദാനം .
.
പക്ഷെ അലക്‌സാണ്ടറുടെ ആ അഭിലാഷം നിറവേറ്റാൻ അദ്ദേഹത്തിന്റെ മിക്ക പടനായകർക്കും താല്പര്യം ഉണ്ടായിരുന്നില്ല. അദ്ദേഹത്തിന്റെ എംബാം ചെയ്ത ശരീരം സ്വദേശമായ മാസിഡോണിയയിൽ അടക്കം ചെയ്യാൻ തന്നെ അവർ തീരുമാനിച്ചു . വലിയ ഒരു അകമ്പടി സൈന്യത്തോ ടൊപ്പം അലക്സാൻഡറുടെ ഭൗതിക ശരീരം ബാബിലോണിൽ നിന്നും ആയിരക്കണക്കിന് കിലോമീറ്ററുകൾ അകലെയുള്ള മാസിഡോണിലേക്ക് അയക്കകപ്പെട്ടു .
.
അലക്സാൻഡറുടെ ജനറൽമാരിൽ പ്രധാനിയും ,അപ്പോഴേക്ക് ഈജിപ്തിന്റെ അധിപ നുമായ ടോളമി ക്ക് പക്ഷെ മറ്റു ചില പദ്ധതികൾ ഉണ്ടായിരുന്നു . അലക്സാൻഡറുടെ ഭൗതിക ശരീരം ഈജിപ്റ്റ് ൽ തന്നെ അടക്കം ചെയ്തശേഷം അലക്സാൻഡറുടെ ശരിക്കുളള പിന്തുടർച്ചാവകാശിയായി സ്വയം പ്രഖ്യാപിക്കുകയായിരുന്നു ടോളമിയുടെ ഉദ്ദേശം . ടോളമി യുടെ സൈനികർ സിറിയയിൽ വച് അലക്സാൻഡറുടെ ശവമഞ്ചം തട്ടിയെടുത്തു . അനുഗമിച്ച സൈനികരെ പണം കൊടുത്തു പാട്ടിലാക്കിയാണ് ടോളമി ആ തട്ടിയെടുക്കൽ നടത്തിയത് എന്നും പറയപ്പെടുന്നു . എന്തായാലും അലക്സാൻഡറുടെ ഭൗതിക ശരീരം ഈജിപ്തിലെത്തി .
.
ടോളമി അലക്സാൻഡറുടെ ഭൗതിക ശരീരം മെംഫിസിൽ കുറച്ചുകാലം സൂക്ഷിച്ചശേഷം അലക്സാൻഡ്രിയയിൽ തന്നെ ഒരു ഗംഭീരമായ ശവകുടീരമുണ്ടാക്കി അതിൽ പ്രതിഷ്ഠിച്ചു . ഈജിപ്തിൽ എത്തിയെങ്കിലും സിവ മരുപ്പച്ചയിൽ അന്ത്യ വിശ്രമം കൊള്ളണമെന്ന അലക്സാൻഡറുടെ ആഗ്രഹം അങ്ങിനെ നടക്കാതെ പോയി . നൂറ്റാണ്ടുകൾ നിലനിന്നശേഷം അലക്സാൻഡറുടെ ശവകുടീരം ചരിത്ര രേഖകളിൽ നിന്നും അപ്രത്യക്ഷമായി . ഒരു പ്രകൃതി ദുരന്തത്തിൽ ആ കുടീരം ഭൂമിക്കടിയിൽ അകപ്പെട്ടു എന്നാണ് ഒരു പ്രബല വിശ്വാസം .
---
ചിത്രങ്ങൾ : അലക്സാൻഡറുടെ ശവമഞ്ചം , മരണക്കിടക്കയിലെ അലക്സാണ്ടർ , അലെക്‌സാണ്ടറുടെ ശവകുടീരം സന്ദർശിക്കുന്ന അഗസ്റ്റസ് സീസർ -പുരാതന ചിത്രങ്ങൾ: ചിത്രങ്ങൾ കടപ്പാട് വിക്കിമീഡിയ കോമൺസ്
---
PS
--
സാമ്രാജ്യ വിഭജന സമയത് അലക്സാൻഡറുടെ പിറക്കാനിരിക്കുന്ന കുട്ടിക്ക് ആയിരി ക്കണം സാമ്രാജ്യത്തിന്റെ അവകാശം എന്ന ധാരണ ഉണ്ടായിരുന്നു . ജനിച്ചപ്പോൾ ആ കുട്ടിയെ അലക്സാൻഡർ നാലാമൻ എന്ന് നാമകരണവും ചെയ്തു. അലക്സാൻഡർ നാലാമൻ പ്രായപൂർത്തിയാകുന്നതുവരെ അദ്ദേഹത്തിന്റെ സംരക്ഷണം അലക്സാൻഡറുടെ ജനറൽമാരായ ആന്റിപെറ്ററും പുത്രൻ കസാൻഡറും വഹിക്കണം എന്നായിരുന്നു . കരാർ . പക്ഷെ ഏതാനും വർഷങ്ങൾക്കകം അലക്സാൻഡറുടെ ജനറൽമാർ തമ്മിൽ യുദ്ധങ്ങൾ പൊട്ടിപ്പുറപ്പെട്ടു . കസാൻഡർ ഗ്രീസിലെ തന്റെ സ്ഥാനം ഉറപ്പിക്കാനായി അലക്സാണ്ടറുടെ 'അമ്മ ഒളിംപിയാസിനെയും പത്നി റോക്‌സാനയെയും പുത്രൻ അലക്സാൻഡർ നാലാമ നെയും സൂത്രത്തിൽ വകവരുത്തി . അലക്സാൻഡറുടെ മരണത്തിന് പത്രണ്ടു് വർഷത്തിന് ശേഷം അദ്ദേഹത്തിന്റെ കുടുംബാങ്ങങ്ങളെയെല്ലാം അദ്ദേഹത്തിന്റെ അനുചരർ വകവരുത്തിയിരുന്നു .
--
ref
1.https://www.historicmysteries.com/tomb-of-alexander-the-gr…/
2.https://www.telegraph.co.uk/…/Mystery-of-Greeces-Alexander-…
3.https://www.theepochtimes.com/an-ancient-mystery-where-is-a
rishidas.s

ഏറ്റവും ശക്തിയേറിയ വാഹന എഞ്ചിൻ ?





സാധാരണ മോട്ടോർസൈക്കിളുകളിൽ ഇരുപതോ മുപ്പതോ കുതിര ശക്തിയുള്ള എഞ്ചിനുകളാണ് ഘടിപ്പിക്കുന്നത് .കാറുകളിൽ അൻപതുമുതൽ ഇരുനൂറുവരെ കുതിരശക്തിയുള്ള എഞ്ചിനുകൾ . വലിയ ബസുകളിലും ട്രക്കുകളിലും നാനൂറും അഞ്ഞൂറും കുതിരശക്തിയുള്ള എഞ്ചിനുകൾ
.
ട്രെയിനുകൾ വലിക്കുന്ന ലോക്കോ മോട്ടീവുകള്ക്കാകട്ടെ അയ്യായിരവും ആറായിരവുമൊക്കെയാണ് കുതിരശക്തി . വമ്പൻ ചരക്കുകപ്പപ്പലുകളെയും ഓയിൽ ടാങ്കറുകളെയും ചലിപ്പിക്കുന്നത് ഒന്നോ ഒന്നരയോ ലക്ഷം കുതിരശക്തിയുള്ള എൻജിനുകൾ . 
.
എന്നാൽ ഇവയൊന്നുമല്ല ഏറ്റവും ശക്തിയേറിയ യ വാഹന എഞ്ചിനുകൾ . ഉപഗ്രഹ വിക്ഷേപണ വാഹനങ്ങളിലെ റോക്കറ്റ് എഞ്ചിനുകളാണ് മനുഷ്യൻ ഇന്നേവരെ നിർമിച്ചിട്ടുള്ള ഏറ്റവും ശക്തിയേറിയ വാഹന എഞ്ചിനുകൾ . യു എസ് സ്പേസ് ഷട്ടിലുകളുടെ വിക്ഷേപണത്തിനുപയോഗിച്ചിരുന്ന ഖര ഇന്ധന റോക്കറ്റ് എഞ്ചിനുകളാണ് ഇന്നേവരെ പ്രായോഗികമായി ഉപയോഗിച്ചിട്ടുള്ള ഏറ്റവും ശക്തിയേറിയ റോക്കറ്റ് എഞ്ചിൻ . ഇവ ഉൽപ്പാദിപ്പിച്ചിരുന്ന തള്ളൽ ശക്തി 12000 കിലോന്യൂട്ടൻ ആണ്. ഏകദേശം 15 ലക്ഷം കുതിരശക്തിക്കു തുല്യമാണ് ഈ ഖര ഇന്ധന റോക്കറ്റ് എഞ്ചിൻ (Space Shuttle Solid Rocket Boosters (SRBs))ഉൽപ്പാദിപ്പിച്ചിരുന്ന യാന്ത്രിക ശക്തി .
.
ഖര ഇന്ധന റോക്കറ്റ് എഞ്ചിനുകൾക്ക് ജ്വലനത്തെയും അവ ഉൽപ്പാദിപ്പിക്കുന്ന തള്ളൽ ശക്തിയെയും വലിയ അളവിൽ നിയന്ത്രിക്കാനാവില്ല . ഒരിക്കൽ കത്തിച്ചു കഴിഞ്ഞാൽ അവയിൽ വലിയ നിയന്ത്രണത്തിന് പഴുതുകളില്ല .എന്നാൽ ദ്രവ ഇന്ധന റോക്കറ്റ് എഞ്ചിനുകളുടെ ജ്വലനവും അവ ഉൽപ്പാദിപ്പിക്കുന്ന തള്ളൽ ശക്തിയെയും കാര്യക്ഷമമായി നിയന്ത്രിക്കാനാവും . അതിനാൽ തന്നെ ദ്രവ ഇന്ധന റോക്കറ്റ് എഞ്ചിനുകളാവും ഏറ്റവും വലിയ ലക്ഷണമൊത്ത വാഹന എഞ്ചിനുകൾ .
ദ്രവ ഇന്ധന റോക്കറ്റ് എഞ്ചിനുകളിലെ ചോദ്യം ചെയ്യപ്പെടാനാവാത്ത ഭീമനാണ് റഷ്യൻ റോക്കറ്റ് എഞ്ചിനായ RD-170/ RD-171 . സമാനമായ എഞ്ചിനുകളാണ് ഇവ RD-170 സോവ്യറ്റ് വിക്ഷേപണവാഹനമായ എനെർജിയയിലും RD-171 റഷ്യൻ വിക്ഷേപണവാഹനമായ സെനിത്തിലും (Zenit launch vehicle ) ഉപയോഗിക്കുന്നു .ബുരാൻ റിട്ടയർ ചെയ്യപ്പെട്ടുവെങ്കിലും സെനിത്ത് ഇപ്പോഴും ആക്റ്റീവ് ആണ്. ഏതാണ്ട് 7900 കിലോന്യൂട്ടൻ ആണ് RD-170 റോക്കറ്റ് എഞ്ചിനിന്റെ തള്ളൽ ശക്തി . ഏതാണ്ട് പത്തുലക്ഷം കുതിര ശക്തിക്ക് തുല്യമാണ് RD-170 റോക്കറ്റ് എഞ്ചിൻ നൽകുന്ന യാന്ത്രിക ശക്തി . മണ്ണെണ്ണ ഇന്ധനമായും ദ്രവീകരിച്ച ഓക്സിജൻ ഓക്സിഡൈസർ ആയും ഉപയോഗിക്കുന്ന ഒരു സെമിക്രയോജനിക്ക് എഞ്ചിനാണ് RD-170 .
--
ചിത്രങ്ങൾ : RD-171 റോക്കറ്റ് എഞ്ചിൻ,സ്പേസ് ഷട്ടിൽ സോളിഡ് റോക്കറ്റ് ബൂസ്റ്റർ , ഒരു വലിയ മറൈൻ ഡീസൽ എഞ്ചിൻ : ചിത്രങ്ങൾ കടപ്പാട് വിക്കിമീഡിയ കോമൺസ് .
--
Ref
1.http://engine.space/dejatelnost/engines/rd-170-171/

ദേവഗിരി ക്ഷേത്രം – മനുഷ്യനും പുലിയും ഒരുമയോടെ കഴയുന്ന ഒരിടം



പുള്ളിപുലികൾ മനുഷ്യർക്ക് പേടി സ്വപ്നമാണ് .ഒരു മനുഷ്യനെ വകവരുത്താൻ ഒരു പുള്ളിപ്പുലിക്ക് വെറും നിമിഷങ്ങൾ മതി . പക്ഷെ നമ്മുടെ നാട്ടിൽ മനുഷ്യനും പുള്ളിപ്പുലിയും ഒരുമയോടെ സഹവർത്തിത്വത്തിൽ കഴിയുന്ന ഒരിടമാണ് ജവായി കുന്നുകളിലെ (Jawai Hills ) ദേവഗിരി ഗുഹാ ക്ഷേത്രവും പരിസരപ്രദേശങ്ങളും .
രാജസ്ഥാനിലെ പാലി ജില്ലയിലെ (Pali district ) പ്രകൃതിരമണീയമായ ഒരിടമാണ് ജവായി കുന്നുകൾ . അവിടെയാണ് ദേവഗിരി ഗുഹാ ക്ഷേത്രം സ്ഥിതിചെയ്യുന്നത് .അനേകം പുള്ളിപ്പുലികളാണ് ഈ ക്ഷേത്രപരിസരത്തു വസിക്കുന്നത് . സാധാരണ പുലികളിൽനിന്നു വ്യത്യസ്തമായി ഇവർ മനുഷ്യരെ ഉപദ്രവിക്കാറില്ല .ഇവരുടെ പിന്തലമുറകൾ നൂറ്റാണ്ടുകളായി മനുഷ്യരോടടുത്തിടപഴകിയതുകൊണ്ടാവാം ഈ പുള്ളിപ്പുലികളും മനുഷ്യരുമായി ചങ്ങാത്തത്തിൽ കഴിയുന്നത് എന്നാണ് അനുമാനിക്കപ്പെടുന്നത് .

ref:http://www.walkthroughindia.com/…/indias-leopard-hills-jaw…/
.
images : courtsey :http://www.walkthroughindia.com/…/indias-leopard-hills-jaw…/

സജിറ്റേറിയസ് A * - ആകാശഗംഗയുടെ അവലംബം


ചന്ദ്രൻ ഭൂമിയെ ചുറ്റുന്നു . ഭൂമി സൂര്യനെ വലം വക്കുന്നു , അപ്പോൾ സൂര്യൻ ആരെയാണ് വലം വക്കുന്നത് ? ആ ചോദ്യത്തിനുത്തരം സൂര്യൻ ആകാശഗംഗയുടെ കേന്ദ്ര ബിന്ദുവിനെ വലം വക്കുന്നു എന്നാണ് . ആകാശഗംഗയുടെ കേന്ദ്രം എന്താണ് എന്നതാവും അടുത്ത ചോദ്യം . ആ ചോദ്യത്തിനുത്തരമാണ് സജിറ്റേറിയസ് A * എന്ന വസ്തു . സൂര്യൻ മാത്രമല്ല ആകാശഗംഗയിലെ മറ്റെല്ലാ നക്ഷത്രങ്ങളും അവയെ ചുറ്റുന്ന ഗ്രഹങ്ങളും ചന്ദ്രന്മാരുമെല്ലാം ഫലത്തിൽ സജിറ്റേറിയസ് A * എന്ന കേന്ദ്ര ബിന്ദുവിനെ വലം വക്കുകയാണ് ചെയുന്നത് .
.
എന്താണ് സജിറ്റേറിയസ് A * എന്നത് എന്ന ചോദ്യത്തിന് ഇപ്പോൾ നൽകാൻ കഴിയുന്ന ഒരേ ഒരുത്തരം വളരെ ചെറിയ ഒരു വ്യാപ്തത്തിൽ നാല്പതിനാല് ലക്ഷം സൂര്യ ദ്രവ്യമാനങ്ങൾ (SOLAR MASS )കേന്ദ്രീകരിക്കപ്പെട്ട ഒരു വസ്തുവാണ് എന്ന് മാത്രമാണ് . ഇപ്പോൾ നിലനിൽക്കുന്ന പ്രപഞ്ച സിദ്ധാന്തങ്ങൾ പ്രകാരം ബ്ലാക്ക് ഹോളുകൾക്ക് മാത്രമാണ് ഇത്രയും വലിയ ദ്രവ്യമാനം തീരെ ചെറിയ ഒരു വ്യാപ്തത്തിൽ ഒതുക്കാനാവുന്നത് . അതിനാൽ തന്നെ സജിറ്റേറിയസ് A * യും ഒരു ബ്ളാക്ക് ഹോൾ ആകാതെ തരമില്ല . വെറും ബ്ളാക്ക് ഹോൾ അല്ല . ഒരു സൂപ്പർ മാസ്സിവ് ബ്ളാക്ക് ഹോൾ . വലിയ ഗാലക്സിക ളുടെയെല്ലാം കേന്ദ്രസ്ഥാനത്തുനിന്നുകൊണ്ട് അവയെ നിലനിർത്തുന്ന പ്രപഞ്ചത്തിന്റെ ഘടനയെത്തന്നെ നിയന്തിക്കുന്ന സൂപ്പർ മാസ്സിവ് ബ്ളാക്ക് ഹോളുകളുടെ ഗണത്തിൽ പെടുന്ന ഒരതികായൻ.
.
റേഡിയോ അസ്ട്രോണമിയുടെ പിതാവായ കാൽ ജാൻസ്കി ( Karl Jansky) മുപ്പതുകളിൽ തന്നെ ആകാശഗംഗയുടെ എത്താനൊരു കേന്ദ്ര ഭാഗത്തുനിന്നും ശക്തമായ റേഡിയോ സിഗ്നലുകൾ പ്രവഹിക്കുന്നത് കണ്ടെത്തിയിരുന്നു . എഴുപതുകളിലാണ് ഈ റേഡിയോ തരംഗങ്ങളുടെ പ്രഭവ കേന്ദ്രം ഇപ്പോൾ സജിറ്റേറിയസ് A * എന്നറിയപ്പെടുന്ൻ വസ്തുവാണെന്ന് തിരിച്ചറിയപ്പെട്ടത് .
.
ഈ വസ്തുവിനെ വളരെ അടുത്ത ഭ്രമണ പഥങ്ങളിൽ വലം വയ്ക്കുന്ന നക്ഷത്രങ്ങളുടെ ഭ്രമണ പഥങ്ങളുടെ ദീർഘകാല പഠനത്തിൽ നിന്നാണ്സജിറ്റേറിയസ് A * യുടെ ദ്രവ്യമാനം കണക്കാക്കപ്പെട്ടത് .2009 ൽ സജിറ്റേറിയസ് A * യുടെ ദ്രവ്യമാനം ഏകദേഹം നാല്പത്തിനാലുലക്ഷം സൗര ദ്രവ്യമാണെന്നു തെളിയിക്കപ്പെട്ടു . അതോടെയാണ് ഈ വസ്തു ഒരു ബ്ളാക്ക് ഹോൾ അല്ലതെ മറ്റൊന്നുമാകില്ല എന്ന അനുമാനം ഉടലെടുത്തത് .
.
ഭൂമിയിൽ നിന്നും 26000 പ്രകാശവർഷം അകലെയാണ് സജിറ്റേറിയസ് A * . ദ്രവ്യം നിരന്തരം വിഴുങ്ങിക്കൊണ്ടിരിക്കുന്ന ഒരു ഭീമനാണ് ഈ വസ്തു . ഇടക്കിടക്ക് നക്ഷത്രങ്ങളെയും കശക്കിയെടുത്ത് സജിറ്റേറിയസ് A * ഭക്ഷണമാക്കും .നക്ഷത്രങ്ങളെ വിഴുങ്ങുന്ന ഭയങ്കരനാണെങ്കിലും ആകാശഗംഗയിലെ കോടാനുകോടി നക്ഷത്രങ്ങളെ സ്ഥിരമായ പ്രദക്ഷിണ പഥങ്ങളിൽ നിലനിർത്തുകയും അവയുടെ ഗ്രഹങ്ങളിൽ ജീവൻ നിലനിൽക്കാനുള്ള സാഹചര്യങ്ങൾ ഒരുക്കുന്നതും സജിറ്റേറിയസ് A * തന്നെ .ഒരുതരത്തിൽ ഒരേ സമയം സൃഷ്ടിയും സ്ഥിതിയും സംഹാരവും നടത്തുന്ന ഒരു വസ്തുവാണിത് .
.
ആകാശഗംഗയുടെ നിയതാവാണെങ്കിലും ഈ വസ്തു വിനേക്കാൾ ആയിരക്കണക്കിനു മടങ്ങു ദ്രവ്യമാനമുള്ള സൂപ്പർ മാസിവ് ബ്ളാക്ക് ഹോളുകൾ വലിയ ഗാലക്സികളുടെ കേന്ദ്ര ഭാഗങ്ങളിൽ കണ്ടെത്തപ്പെട്ടിട്ടുണ്ട് .
---
ref
1.https://www.nasa.gov/…/multime…/black-hole-SagittariusA.html
.
2.http://www.astro.ucla.edu/~ghezgroup/gc/journey/smbh.html
.
3.https://www.universetoday.com/39828/sagittarius-a/
===
ചിത്രങ്ങൾ :സജിറ്റേറിയസ് A *,സജിറ്റേറിയസ് A *നെ വലം വയ്ക്കുന്ന ചില നക്ഷത്രങ്ങളുടെ ഭ്രമണ പഥങ്ങൾ
RISHIDAS

അതിപുരാതനമായ ഒരിന്ത്യൻ ജനസമൂഹത്തിന്റെ ശേഷിപ്പുകൾ - കൊങ്കണിലെ ജിയോ ഗ്ലിഫുകൾ - നമ്മളറിയാത്ത നമ്മുടെ പുരാതന ചരിത്രം


തെക്കേ അമേരിക്കയിലെ പെറുവിലെ നസ്‌ക ലൈനുകൾ (Nazca Lines ) പ്രസിദ്ധമാണ് .എന്നേക്കും ഏതാണ്ട് രണ്ടായിരം വര്ഷങ്ങള്ക്കുമുന്പ്പ് പെറുവിലെ ആദിമ മനുഷ്യർ കല്ലിൽ കൊത്തിയിട്ട ചിത്രരൂപങ്ങളാണ്(ജിയോ ഗ്ലിഫുകൾ ) നസ്‌ക്ക ലൈനുകൾ . ഈ ചിത്രങ്ങൾക്ക് പല വിശദീകരണങ്ങളും നല്കപ്പെട്ടിട്ടുണ്ട് . ഇവ ഏതോ പഴയ ഏലിയന്മാരുടെ സ്പേസ് പോർട്ട് ആണെന്നുവരെ വാദമുണ്ട് . ചിലരൊക്കെ ലോകാത്ഭുതങ്ങളുടെ പട്ടികയിൽ വരെ ഈ ചിത്രങ്ങളെ ഉൾപ്പെടുത്താറുണ്ട് .
.
നെസ്ക ലൈനുകൾക്കും സഹസ്രാബ്ദങ്ങൾക്കുമുന്പ്പ് ഇന്ത്യയിൽ ഇത്തരം ജിയോ ഗ്ലിഫുകൾ ( geoglyphs) വരക്കപ്പെട്ടിരുന്നുവെന്നും ,അവ നെസ്ക ജിയോ ഗ്ലിഫുകളേക്കാൾ മനോഹരമാണെന്നുമുള്ള കണ്ടുപിടുത്തം നടന്നിട്ടു ഇപ്പോൾ ഏതാനും വർഷങ്ങൾ പിന്നിടുന്നു . നമ്മുടെ മാധ്യമങ്ങൾ അത്തരം വാർത്തകളെ തീർത്തും തമസ്കരിക്കുകയോ അല്ലെങ്കിൽ ഉൾപ്പേജുകളിൽ ഒന്നോ രണ്ടോ വരിയിൽ ഒതുക്കുകയോ ആണ് ചെയുന്നത് .എന്നാൽ പല വിദേശമാധ്യമങ്ങളും ഇത്തരം വാർത്തകൾക്ക് വലിയ പ്രാധാന്യം നൽകാറുണ്ട് .
നമ്മുടെ കൊങ്കണ് മേഖലയിലാണ് നെസ്ക ജിയോ ഗ്ലിഫുകളേക്കാൾ 10000 വർഷത്തിലേറെ പഴക്കമുള്ള ജിയോ ഗ്ലിഫുകൾ കണ്ടെത്തപ്പെട്ടിരിക്കുന്നത് .രത്‌നഗിരി ,രാജ്പുർ മേഖലകളിലെ മലമുകളുകളിൽ വരക്കപ്പെട്ടിരുന്ന അതി സുന്ദരമായ ജിയോ ഗ്ലിഫുകൾ ആയിരക്കണക്കിന്ന് വര്ഷങ്ങളായി മനുഷ്യ ദൃഷ്ടിയിൽ നിന്നും ഒളിഞ്ഞിരിക്കുകയായിരുന്നു . ഇപ്പോൾ കരുതപ്പെടുന്നത് ഇവ മനുഷ്യ കുലത്തിന്റെ ആദ്യ കലാസൃഷ്ടികളിൽ പെടുന്നവ ആണെന്നാണ് .
.
മഹാരഷ്ട്ര പുരാവസ്തു വിഭാഗത്തിന്റെ തലവനായ തെജസ് ഗാർജെ യുടെ കണ്ടെത്തലിൽ ഈ ജിയോ ഗ്ലിഫുകൾ ബി സി ഇ 10000 ത്തോളം പഴക്കമുളളതാണ് . സുധീർ റിഷോട്, മനോജ് മാറത്തെ എന്നെ ഗവേഷകരാണ് ഈ അതിപുരാതന ജിയോ ഗ്ലിഫുക ലെ കണ്ടെത്തിയത് . മിക്ക ചിത്രങ്ങളും കരയിലെയും കടലിലെയും ജീവജാലങ്ങളെയാണ് ചിത്രീകരിക്കുന്നത് .
.
ഈ മനോഹര ചിത്രങ്ങൾ വെളിവാകുന്നത് വളരെ ഋജുവായ ഒരു സത്യമാണ് . കലാസ്വാദകരായ മനുഷ്യൻ ഇന്ത്യയിൽ നാം ഇപ്പോൾ കരുതുന്നതിനും വളരെ മുൻപ് തന്നെ ജീവിച്ചിരുന്നു . അടിച്ചേല്പിക്കപ്പെട്ടതുപോലെ സൈന്ധവ സംസ്കാരമല്ല ഇന്ത്യയ്‍യുടെ ഏറ്റവും പുരാതനമായ നാഗരികത . സൈന്ധവ നാഗരികക്കും ആയിരക്കണക്കിന് വര്ഷങ്ങക്കുമുന്പ് തന്നെ സൈന്ധവ നാഗരികതയെപ്പോലുള്ള സംസ്കാരങ്ങൾ ഉത്തര ഇന്ത്യയിൽ നിലനിന്നിരുന്നു എന്നത് ഭിറണ്ണ , രാഖിഗാരി , കുനാൽ തുടങ്ങിയ അതിപുരാതന നഗര കേന്ദ്രങ്ങളുടെ കണ്ടുപിടുത്തതോടെ വെളിപ്പെട്ടതാണ്
.
അതിലും പുരാതനമായ നാഗരികതകൾ മധ്യ -ദക്ഷിണ ഇന്ധ്യകളിൽ നിലനിന്നിരുന്നുആ എന്ന അവഗണിക്കാനാവാത്ത തെളിവുകളാണ് കല്ലിൽ കൊത്തിയ രൂപങ്ങളിലൂടെയും മറ്റു നാഗരിക ശേഷിപ്പുകളിലൂടെയും പുറത്തു വന്നു കൊണ്ടിരിക്കുന്നത് . എത്ര അവഗണിച്ചാലും ചരിത്ര സത്യങ്ങൾ കാലത്തിന്റെ കനത്ത പുകമറ നീക്കി പുറത്തു വന്നുകൊണ്ടിരിക്കും .
---
https://www.bbc.com/news/world-asia-india-45559300
---
ചിത്രങ്ങൾ : കൊങ്കൺ മേഖലയിലെ ജിയോ ഗ്ലിഫുകൾ : ചിത്രങ്ങൾ കടപ്പാട് :https://www.bbc.com/news/world-asia-india-45559300
--
ലേഖകൻ ഋഷിദാസ് .എസ്

അഗമെംനോണിന്റെ മുഖം മൂടി (Mask of Agamemnon ) ; സ്വർണത്തിൽ തീർത്ത ഒരു പുരാതന വെങ്കല യുഗ ഗ്രീക്ക് വിസ്മയം


യവന മഹാകവി ഹോമെറിന്റെ ഇതിഹാസമായ ഇലിയഡിലെ ഒരു സുപ്രധാന കഥാപാത്രമാണ് അഗമെംനൺ . മൈസീനിലെ മഹാനായ രാജാവ് . ഗ്രീക്ക് രാജ്യങ്ങളുടെയെല്ലാം നിയതാവായ ചക്ര വര്ത്തിക്ക് സമാനമായ ഉന്നതപദവിയുള്ളവൻ . ഇതൊക്കെയാണ് ഇലിയഡിലെ അഗമെംനൺ . ട്രോയിലേക്ക് ആയിരം കപ്പലുകളിൽ അൻപതിനായിരം ഗ്രീക്ക് സൈനികരുടെ പട നയിച്ചത് അഗമെംനൺ ആയിരുന്നു . അഖിലേസ്, ഒഡിസ്സിസ്സ്, അജാക്സ് ,ഡയോമെഡിസ്‌ ,നെസ്റ്റർ തുടങ്ങിയ മഹായോദ്ധാക്കളുടെ നേതാവാണ് ഇതിഹാസത്തിൽ അഗമെംനൺ . യുദ്ധത്തെ അതിജീവിച്ചു സ്വദേശമായ മൈസീനിൽ മടങ്ങിയെത്തിയ അഗമെംനോനെ അദ്ദേഹത്തിന്റെ പത്നി തന്നെ വകവരുത്തുകയായിരുന്നു .
ട്രോജൻ യുദ്ധവും അതിലേകഥാപാത്രങ്ങളും എക്കാലത്തും പുരാവസ്തു ഗവേഷകരുടെ ഇഷ്ട വിഷയമായിരുന്നു .പത്തൊൻപതാം നൂറ്റാണ്ടിൽ മൈസീനിൽ പര്യവേക്ഷണം നടത്തിയിരുന്ന ജർമൻ പുരാവത് ഗവേഷകനായ ഹെയ്ൻറിച് ഷ്‌ലിമാൻ ( Heinrich Schliemann) പുരാതന ഗ്രീക് ചരിത്രത്തിന്റെ പല ഏടുകളും ചികഞ്ഞെടുത്ത ഒരു വ്യക്തിയായിരുന്നു . ട്രോയ് നഗരത്തിന്റെ അവശിഷ്ടങ്ങളും അദ്ദേഹം കണ്ടെടുത്തിരുന്നു .
.
1876 ൽ മൈസീനിൽ നിന്ന് ഷ്ലീമാന് ലഭിച്ച സ്വർണത്തിൽ തീർത്ത ഒരു മുഖം മൂടിയാണ് ''അഗമെംനോണിന്റെ മുഖംമൂടി '' എന്നാണറിയപ്പെടു ന്ന ചരിത്രവസ്തു . ഒരു മൈസീനിയൻ ശവ കല്ലറയിൽനിന്നാണ് ഷ്‌ലിമാന് ഈ അത്ഭുതവസ്തു കിട്ടിയത് . ശവക്കല്ലറയിലെ ഒരു പുരാതന അസ്ഥിപഞ്ജരത്തിന്റെ മുഖം മറക്കുന്ന രീതിയിലാണ് ഈ സ്വര്ണനിര്മിത വസ്തു ലഭിച്ചത് . ഗ്രീക്ക് ഇതിഹാസങ്ങളിൽ വളരെ ആകൃഷ്ടനായിരുന്ന ഷ്ലീമാൻ ഈ വസ്തു ചക്രവർത്തി അഗമെംനോണിന്റെ മുഖം മൂടിയിൽ കുറഞ്ഞ മറ്റൊന്നുമായിരുന്നില്ല . അദ്ദേഹം ഈ മുഖം മൂടിക്ക് ''അഗമെംനോണിന്റെ മുഖം മൂടി'' എന്ന് പേരുമിട്ടു .
.
പിന്നീട് കൃത്യമായ കാലഗണനാരീതികളിലൂടെ ഈ മുഖം മൂടി ട്രോജൻ യുദ്ധത്തിനും കുറഞ്ഞത് മുന്നൂറിലേറെ വര്ഷം പഴക്കമുളളതാണെന്ന് തെളിയിക്കപ്പെട്ടു . എന്നാലും ഇപ്പോഴും ഈ മനോഹരമായ വെങ്കല യുഗ സൃഷ്ടി അറിയപ്പെടുന്നത് അഗമെംനോണിന്റെ മുഖം മൂടി എന്ന് തന്നെയാണ് .
--
ചിത്രം അഗമെംനോണിന്റെ മുഖമൂടി : ചിത്രം കടപ്പാട് വിക്കിമീഡിയ കോമൺസ്

ചൈനീസ് പ്രതിരോധ സേന ഒരു അവലോകനം


ഇതിനു മുൻപ് ചൈനയുടെ നയതന്ത്രം പ്രതിരോധം എന്നിവയെ കുറിച്ച് എഴുതിയ "ചൈന സ്ഥിരം വഴക്കാളിയായ അയൽക്കാരൻ", " ശീതയുദ്ധം ഇൻഡോ സീനോ വെർഷൻ ", " crouching tiger hidden dragon " എന്നിവക്ക് തുടർച്ച എന്നോണം കൂട്ടി വായിക്കാവുന്ന ലേഖനം ആണിത്. ചൈനയെ കുറിച്ചും PLA യെ കുറിച്ചും, അവയുടെ ആയുധങ്ങളെ കുറിച്ചും അവയുടെ ആധികാരികതയെപ്പറ്റിയും വിശ്വാസ്യതയെക്കുറിച്ചും പ്രദിപാദിക്കുകയാണ്.
ആത്യന്തികമായി ഇതര രാഷ്ട്രങ്ങളുടെ പട്ടാളത്തേക്കാൾ ചൈനയുടെ പട്ടാളത്തിന് ഉള്ള പ്രധാന വ്യത്യാസം PLA (people s Liberation Army) പൂർണ്ണമായും ചൈനീസ് കമ്മ്യൂണിസ്റ്റ് പാർട്ടിയുടെ നിയന്ത്രണത്തിൽ ആണ്. ഇന്ത്യയുമായി താരതമ്യം ചെയ്യുമ്പോൾ ഇന്ത്യയുടെ പട്ടാളത്തിന്റെ നിയന്ത്രണം പൂർണ്ണമായും ജനാധിപത്യത്തിൽ നിയന്ത്രിതമായ ഭരണ നിർവ്വഹണ കേന്ദ്രത്തിൽ ആണ്. സേനയെ സംബന്ധിച്ച ഒരു നിയന്ത്രണവും ഒരു രാഷ്ട്രിയ കക്ഷിയിലും ചേരുന്നില്ല, ആകമാന സൈന്യത്തിന്റെ സർവ്വ സൈന്യാധിപൻ രാഷ്ട്രപതിയും ആണ്. ചൈനയെ സംബന്ധിച്ച് പോളിറ്റ് ബ്യൂറോയിലും പാർട്ടി സെക്രട്ടറിക്കും ആണ്. ജനാധിപത്യം എന്ന വാക്കിന് അവിടെ യാതൊരു പ്രാധാന്യവും ഇല്ല എന്നതാണ് വാസ്തതവം.
ഏകദേശം 20 ലക്ഷം പൂർണ്ണ സമയപട്ടാളക്കാരും, 18.5 ലക്ഷം റിസർവ്വ് സൈനികരും ചേർന്നതാണ് ചൈനയുടെ പട്ടാള ഘടന. ലോകത്തെ രണ്ടാമത്തെ വലിയ പ്രതിരോധ ബജറ്റും ചൈനക്ക് തന്നെ ആണ്. ആധുനിക ആയുധങ്ങൾ സ്വായത്തമാക്കലും, ആധുനികരണവും വഴി ചൈനയെ മികച്ച ഒരു സേന ആക്കി മാറ്റാൻ ആണ് ചൈനീസ് ഗവൺമെന്റിന്റെ ശ്രമം. 178.5 ബില്യൻ യു എസ് ഡോളർ ആണ് 2018ലെ പ്രതിരോധ ബജറ്റ്നീക്കിയിരുപ്പ്. ലോകത്തെ നാലാമത്തെ ഏറ്റവും വലിയ ആയുധ ഇറക്കുമതി രാഷ്ട്രം കൂടി ആണ് ചൈന. (From the startegic reports form from Forbes and wiki) അതുപോലെ അഞ്ചാമത്തെ വലിയ ആയുധ കയറ്റുമതി രാഷ്ട്രം കൂടി ആണ് ചൈന.
പ്രധാനമായും ഏഷ്യൻ, ആഫ്രിക്കൻ, മൂന്നാം ലോക രാഷ്ട്രങ്ങൾ ആണ് ചൈനീസ് ആയുധങ്ങളുടെ പ്രാധമിക ഉപഭോക്താക്കൾ. പാകിസ്താൻ, ബംഗ്ലാദേശ്, ശ്രിലങ്ക, മ്യാൻമാർ, ലാവോസ്, കമ്പോഡിയ, ഉത്തര കൊറിയ , ഏതാനും ലാറ്റിൻ അമേരിക്കൻ രാഷ്ട്രങ്ങൾ ആണ് പ്രധാന ചൈനീസ് ആയുധ ഇറക്കുമതിക്കാർ. കുറഞ്ഞ വിലയും, പലിശ നിരക്ക് കുറഞ്ഞ ചൈനീസ് ലോണുകളും തന്നെ ആണ് ഈ രാഷ്ട്രങ്ങൾ ഈ ആയുധങ്ങൾ സ്വായത്തമാക്കുന്നതില പ്രധാന കാരണം. പ്രതിരോധ മാർക്കറ്റിലെ റഷ്യൻ, യുറോപ്യൻ, അമേരിക്കൻ ആയുധങ്ങളേക്കാൾ 60% ത്തോളം വിലയും കുറവാണ്. പലപ്പോഴും നിത്യം ഉപയോഗിക്കുന്നില്ല എന്ന കാരണത്താൽ ചെറിയ രാജ്യങ്ങൾക്ക് അഭികാമ്യമാണ് ഇവ. ചൈന കയറ്റുമതി ചെയ്യുന്ന ആയുധങ്ങളിൽ 90% ഉം റഷ്യൻ ആയുധങ്ങളുടെ റിവേഴ്സ് എഞ്ചിനീയേർഡ് കോപ്പികൾ ആണ്. പൂർണ്ണമായും ചൈനീസ് എന്നു പറയാവുന്ന ആധുനിക ആയുധങ്ങൾ ഒന്നും തന്നെ പ്രതിരോധ മാർക്കറ്റിൽ ഇനിയും എത്തി തുടങ്ങിയിട്ടില്ല. ഭൂരിഭാഗവും റഷ്യൻ അനുകരണങ്ങൾ മാത്രമാണ്. റഷ്യൻ ആയുധങളുടെ നിലവാരം അടുത്ത കാലത്തെങ്ങും ചൈനക്ക് സ്വായത്തമാക്കാൻ സാധിക്കും എന്നും പറയാൻ കഴിയില്ല.
ഉദാഹരണം ആയി പറഞ്ഞാൽ ചൈനീസ് പാകിസ്താൻ സംയുക്ത സംരംഭം ആയ JF 17 എന്ന ഫൈറ്റർ 100ൽ അധികം ഉപയോഗിക്കുന്ന പാകിസ്താനിൽ ഇന്നുവരെ 13 ൽ അധികം വിമാനങ്ങൾ തകർന്നു വീഴുകയുണ്ടായി, ആ സംഭവങ്ങൾക്ക് ശേഷം ശേഷിക്കുന്ന വിമാനങ്ങൾ തിരിച്ച് വിളിക്കുകയും പരിശോധന നടത്തുന്ന സാഹചര്യം ഉണ്ടാക്കുകയും ചെയ്തു. ഇതേ JF 17 ചൈന അവരുടെ ഏയർ ഫോഴ്സിൽ ഇവ ഉപയോഗിക്കുന്നില്ല എന്നു മാത്രമല്ല ആകെ യുള്ള ഏതാനും സ്ക്വാഡ്രൻ ഹാങ്ങറുകളിൽ വിശ്രമിക്കുകയാണ് എന്നതാണ് വാസ്തവം. എങ്കിലും ചൈനീസ് ഡ്രോണുകൾ നിലവാരം പുലർത്തുന്നത് തന്നെ ആണ് എന്ന് അവയുടെ വിൽപനയിലെ ഉയർച്ച കാണിക്കുന്നുണ്ട്. പ്രധാനമായും കൊറിയയും പാകിസ്താനും തന്നെ ആണ്. ചൈനീസ് ആയുധപ്പുരയിലെ പ്രധാന ആയുധം ഡ്രോണുകൾ തന്നെ ആണ്.
ചൈനീസ് ആർമിയിൽ 95000 അംഗങ്ങളും 1050 വിമാനങ്ങളും, 3390 മൂനാം തലമുറ ടാങ്കുകളും, 500 രണ്ടാം തലമുറ ടാങ്കുകളും, 2850 ഒന്നാം തലമുറ ടാങ്കുകളും കൈകാര്യം ചെയ്യുന്നു. ലോകത്തിലെ ഏറ്റവും കൂടുതൽ കവചിത വാഹനങ്ങൾ ഉള്ളത് ചൈനക്ക് ആണ് .അതിൽ ഭൂരിഭാഗവും 1980 കൾക്ക് മുൻപ് ഉള്ള ടാങ്കുകൾ ആണ്. കൂടാതെ 6200 ഓളം ആർട്ടിലറി ഗണ്ണുകളും ഉപയോഗിക്കുന്നു. എണ്ണത്തിൽ കവിഞ്ഞ ഒന്നും ചൈനീസ് ആർമിയിൽ കാണുന്നില്ല എന്നതാണ് വാസ്തവം. പെണ്ണത്തടിയും, മൊബൈൽ ഫോൺ ഉപയോഗവും അവർ നേരിടുന്ന പ്രധാന പ്രശ്നം ആണ്. അത് ആർമ്മിയുടെ കാര്യക്ഷമത കുറക്കുന്നു എന്ന വിമർശനത്താൽ ആധുനികരണത്തിന് ഊന്നൽ കൊടുത്ത് ആണ് ഇപ്പോൾ ആർമിയുടെ പ്രവർത്തനം.
ചൈനീസ് നാവിക സേനയെ സംബന്ധിച്ച് പറയുമ്പോൾ ഒരു മികച്ച ബ്ലൂ വാട്ടർ നേവി ആയി മാറാൻ തയ്യാറെടുക്കുന്ന ശ്രമത്തിൽ ആണവർ. 255000 ഭടൻമാരും, 512 ഓളം കപ്പലുകളും, 710 വിമാനങ്ങളും അടങ്ങുന്നതാണ് ചൈനീസ് നേവി. അഞ്ചിലധികം ഏയർ സുപ്പീരിയേരിറ്റി കാരിയറുകളും തയ്യാറാക്കുന്ന ശ്രമത്തിലാണ്. നിലവിൽ 2 കാരിയറുകൾ ഓപ്പറേറ്റ് ചെയ്യുന്ന ചൈനക്ക് ഒട്ടനവധി ഡിസ്ടോയറുകളും 35, 50 ഫ്രിഗേറ്റുകളും, 65 അന്തർ വാഹിനികളും ആണ് പ്രധാനമായും ഉള്ളത്. ചൈനീസ് നേവിയെ സംബന്ധിച്ച് പറയുമ്പോൾ മികച്ച ഒരു നേവി എന്ന് പറയാൻ സാധിക്കുകയില്ല, അടുത്തയിടെ പ്രവർത്തന സജ്ജമായ രണ്ടു ഏയർക്രാഫ്റ്റ് കാരിയറുകളും പ്രദർശന വസ്തുക്കൾക്കപ്പുറം ഒന്നും പറയാൻ ഇല്ല. ഇനിയും അവ യുദ്ധ സജ്ജമാക്കാൻ കുറഞ്ഞത് 20 വർഷം എങ്കിലും എടുക്കും. മാത്രമല്ല അതിലെ നാവികരെ ട്രെയിൻ ചെയ്യിപ്പിക്കാനും കാരിയർ ഓപ്പറേറ്റ് ചെയ്യുന്ന ടീം ഉണ്ടാക്കാനും ഉള്ള പരിചയം ചൈനക്ക് ഇല്ല എന്നതാണ് കാരണം. അനുബന്ധ അകമ്പടി കപ്പലുകളും അവയുടെ കോർഡിനേഷനും ഏറ്റവും കോംപ്ലിക്കേഷൻ നിറഞ്ഞതാണ്. അവ ഒരു യുദ്ധത്തിൽ എങ്ങനെ വിന്യസിക്കുന്നു എന്നത് ആണ് പ്രധാന യുദ്ധ വിജയം നൽകുന്ന ഘടകം. കുറഞ്ഞത് അങ്ങിനെയുള്ള ഒരു ടീം ഉണ്ടാക്കി എടുക്കാൻ ഉള്ള കുറഞ്ഞ സമയം ആണ് മേൽപ്പറഞ്ഞത്.
ആർമിയെയും നേവി യെയും അപേക്ഷിച്ച് ദുർബലമായ ഒന്നാണ് ചൈനീസ് ഏർഫോഴ്സ്, 39 8000 സൈനികരും 3010 ഓളം വിമാനങ്ങളും അടങ്ങിയതാണ് എയർ ഫോഴ്സിന്റ ശക്തി. റഷ്യൻ പോർവിമാനങ്ങൾ ആയ su 30 (76), Su35 (24), ഇല്യൂഷൻ 76 (5) Awacs, TU 154 (7) , boeing 737 (2) ,ഇ ല്യൂഷൻ 78 (3), MI - 8 (16), എന്നിവ ഒഴിച്ചു നിറുത്തിയാൽ യൂറോപ്യൻ റഷ്യൻ ഫൈറ്ററുകളുടെ നിലവാരത്തിന് അടുത്തെങ്ങും ചൈനീസ് നിർമിത വിമാനങ്ങൾ എത്തുന്നില്ല എന്നതാണ് വാസ്തവം.
മികച്ച ഒരു നിര മിസൈലുകളും ആണവ പോർമുനകളും ഇവർക്ക് സ്വന്തമായുണ്ട്, അമേരിക്ക വരെ എത്തുന്ന അത്യാധുനിക ICBM ഉം Multiple independently targetable reentry സംവിധാനം ഉള്ള മിസൈലുകൾ ഏതു രാജ്യത്തിന്റെയും ഉറക്കം കെടുത്തുവാൻ പോന്നതും ആണ്. ചൈനക്ക്നൂ മികച്ച ഒരു റോക്കറ്റ് കമാൻഡ് ഡിവിഷൻ കൂടി ഉണ്ട്. നൂക്ലിയർ ട്രിയാഡ് സംവിധാനം പ്രവർത്തിപ്പിക്കുന്ന രാഷ്ട്രം കൂടി ആണ് ചൈന. ഫിഷൻ ഫ്യൂഷൻ ആയുധങ്ങളും, രാസ ജൈവ ആയുധങ്ങളും പാരമ്പരാഗത ആയുധങ്ങളും ചേർന്ന സംവിധാനം കൈകാര്യം ചെയ്യുന്നു അവർ.
എണ്ണം, സ്ക്വാഡ്രൺ എന്നിവ കൂട്ടാൻ മാത്രമാണ് ഈ ചൈനീസ്ആയുധങ്ങൾ കൊണ്ട് സാധിക്കുകയുള്ളൂ എന്ന് ആണ് പ്രതിരോധ വിദഗ്ദ്ധരുടെ വിശകലനം. ഏറെ കൊട്ടിഘോഷിച്ച് പുറത്ത് ഇറക്കിയ J 20 എന്ന ചൈനീസ് െസ്റ്ററ്റൽത്ത് ഫൈറ്ററിനെ ഇന്ത്യയുടെ നാലാം തലമുറ വിമാനങ്ങൾ കണ്ടു പിടിച്ചു എന്ന വാർത്ത തന്നെ അവയുടെ 5 ആം തലമുറ ശേഷി എത്രത്തോളം ആണ് എന്നും വിലയിരുത്താം, വളരെ ഉയർന്ന RCS (Radar Cross Section) ആണ് J20 ക്ക്. മാത്രമല്ല സൂപ്പർ ക്രൂയിസിംഗ് ശേഷിയും, മനു വബറലറ്റിയും ഇനിയും വ്യക്തമല്ല, രൂപത്തിലെ w വിംഗ് ഡിസൈനിലപ്പുറം യാതൊന്നും സ്റ്റെൽത്ത് ആയി ഇല്ല എന്ന ഒരു നിഗമനം J20 യെ കുറിച്ച് ഉണ്ട്. കൂടാതെ മികച്ച ഒരു AESA റഡാർ അല്ല അതിൽ ഉപയോഗിക്കുന്നത് എന്ന് ചൈന തന്നെ വെളിപ്പെടുത്തിയ കാര്യം ആണ്, പല ആയുധങ്ങളും ഉണ്ട് എങ്കിലും അവ ഒന്നും തന്നെ ഒരു യുദ്ധാഭ്യാസങ്ങളിലോ, യുദ്ധത്തിലോ ഉപയോഗിച്ചിട്ടില്ല എന്നത് വ്യക്തമാണ് (Janes Defence News) J20 ക്ക് ഫ്രാൻസിന്റെ 4.5 തലമുറയിൽ പെട്ട റഫായിൽ നെക്കാൾ ഉയർന്ന RCട ആണ് എന്നത് ആധികാരികമായി തെളിയിക്കപ്പെട്ടിട്ടുള്ളതാണ്.
60 വർഷത്തിലധികം റഷ്യൻ എഞ്ചിൻ കോപ്പി ചെയ്യാൻ ശ്രമിച്ചിട്ടും മികച്ച ഒരു നാലാം തലമുറ യുദ്ധവിമാന എഞ്ചിൻ പോലും വികസിപ്പിക്കാൻ സാധിച്ചിട്ടില്ല ചൈനക്ക്. ആധുനിക സ്റ്റെൽത്ത് വിമാനങ്ങളിലെ സൂപ്പർ ക്രൂയിസ് സംവിധാനം ചൈനയുടെ J20 ൽ കാര്യക്ഷമം ആണോ എന്നും സംശയമാണ്. കൂടാതെ നാവിക സേനയെ കുറിച്ച്ആ പറയുമ്പോൾ ആധുനിക ന്യൂക്ലിയർ, കൺവെൻഷണൽ അന്തർവാഹിനികളിൽ അനുവദനീയമായതിൽ കൂടുതൽ ശബ്ദം പുറപ്പെടുവിക്കുന്ന ചൈന്നിസ് അന്തർവാഹിനികൾ പലയിടത്തും തിരിച്ചറിയപ്പെടുന്നു. ചൈനീസ് ആയുധങ്ങൾ മികച്ച നിലവാരം പുലർത്തുന്നതല്ല എന്ന വിമർശനം ചൈനീസ് ആയുധ ഉപഭോക്തൃ രാഷ്ട്രങ്ങൾ പതിവായി ഉയർത്തുന്ന പ്രശ്നമാണ്. (Jane's defence news)
ഏകദേശം നാലു രാഷ്ട്രങ്ങളുമായിട്ടാണ് ചൈന പ്രധാനമായും നേരിട്ടുള്ള യുദ്ധത്തിൽ ഏർപ്പെട്ടിട്ടുള്ളത് ഇന്ത്യ (1962,1967), വിയറ്റ്നാം (1979-1991), സൗത്ത് കൊറിയ (1950-1953 , 1965-1969), സോവിയറ്റ് യൂണിയൻ (1969), തിബത്ത് (1950, 1959). പിന്നെ ഏതാനും ആഭ്യന്തര കലാപങ്ങളിലും അടിച്ചമർത്തലുകളിലും മാത്രമാണ്. 1927 - 1950 ൽ മാവോയുടെ നേതൃത്വത്തലെ ചൈനീസ് സിവിൽ വാർ ആണ് ഇന്നത്തെ ഐക്യ ചൈനയെ രൂപപ്പെടുത്തിയത്. ടിബറ്റിനെ അധിനിവേശപ്പെടുത്തി ചൈനയോട് ചേർത്ത നടപടി ഒരു ഉന്നത സൈനിക നടപടി എന്ന രീതിയിൽ പറയാൻ കഴിയുന്ന ഒന്ന് അല്ല, സിവിൽ വാർ അതുപോലെ തന്നെ ഒരു യുദ്ധം എന്നതിനേക്കാൾ ചേരുന്നത് കലാപം എന്ന നിലയിൽ തന്നെ ആണ്. ഇതിൽ വിയറ്റ്നാമും ആയി നടന്ന യുദ്ധത്തിൽ 10000 വിയറ്റ്നാമീസ് സൈനികരോട് തോറ്റോടിയത് 200000 ചൈനീസ് സൈനികർ ആണ്. ചൈന ഒഴികെ ലോക രാജ്യങ്ങൾ മുഴുവൻ വിയറ്റ്നാം ജയിച്ചതായി പറയുമ്പോൾ, ചൈന താത്വികമായി ഈ യുദ്ധത്തിൽ നിന്ന്പിൻ വാങ്ങിയതാണ് തോറ്റതല്ല.എന്ന് പറയുന്നു.
ഇതിൽ കൊറിയൻ യുദ്ധം ഇരു കക്ഷികൾക്കും വിജയം അവകാശപ്പെടാൻ ഇല്ലാത്ത ഒന്നാണ്. ഇന്ത്യയുമായി രണ്ടു പ്രാവശ്യം യുദ്ധത്തിൽ ഏർപ്പെട്ട ചൈന ഒരു പ്രാവശ്യം ജയിക്കുകയും (1962) വേണ്ടത്ര തയ്യാറെടുപ്പുകൾ നടത്താതെ ഇന്ത്യ നടത്തിയ യുദ്ധം എന്ന ചീത്തപ്പേര് ഇതിൽ കേൾക്കുകയും ചെയ്തു. അടുത്ത യുദ്ധത്തിൽ ചൈന തോൽക്കുകയും ചെയ്തു (1967).
അച്ചടക്കമില്ലായ്മയും, പരിശിലനക്കുറവും, അഴിമതിയും, പൊണ്ണത്തടിയും ആണ് ഇന്ന് PLA പ്രധാനമായും നേരിടുന്ന പ്രശ്നങ്ങൾ, അവ പരിഹരിക്കാനായി എണ്ണം വെട്ടിക്കുറക്കുകയും, മികച്ച ട്രെയിനിംഗ് കൊടുത്തും ചൈന ഈ പ്രശ്നം പരിഹരിച്ച് വരുന്നു. യുദ്ധ പരിചയം ഇല്ലാത്ത സേനയും ഏകോപനമില്ലായ്മയും പലപ്പോഴും ചൈനീസ് ആർമിയെ കടലാസ് ഡ്രാഗൺ എന്ന നിലയിൽ വലയിരിത്തുണ്ട്. കൂടുതലും പാശ്ചാത്യ നിരീക്ഷണങ്ങൾ ആണ്, എങ്കിലും പല നിർണായക സാഹചര്യങ്ങളിലും അവയുടെ സുപ്രധാന ആയുധങ്ങൾ പ്രദർശിപ്പിച്ച് കാണിക്കുകയോ, പ്രവർത്തന ക്ഷമത തെളിയിപ്പിക്കുന്ന സാഹചര്യങ്ങൾ ഒഴിവാക്കുകയോ ചെയ്തിട്ടുണ്ട്. ആയതിനാൽ ചൈനീസ് ആയുധങ്ങൾ എത്രമാത്രം വിശ്വാസ്യം ആണ് എന്നത് ഇന്നും തെളിയിക്കപ്പെടേണ്ടത് ആണ്. അതു വരെ ഈ അവിശ്വാസം നിലനിൽക്കുകയും ചെയ്യും.
അനിഷ് സഹദേവൻ
റഫറൻസ് താഴെ കൊടുക്കുന്നു.
Google
Wikipedia