സൂപർ ക്രൂയിസ് ( supercruise) - അഞ്ചാം തലമുറ പോർവിമാനങ്ങളുടെ ഒരു സവിശേഷത

ഇന്ധനം കൂടുതൽ ചെലവാക്കാതെ ശബ്ദവേഗതയെ കവച്ചു പറക്കാനുള്ള കഴി വിനെയാണ് സൂപ്പർ ക്രൂയിസ് എന്ന് വിളിക്കുന്നത് . ശബ്ദവേഗതയെ കവച്ചു പറക്കുക എന്നത് ഇപ്പോഴും വളരെ സങ്കീർണമായ ഒരു പ്രക്രിയയാണ് . ശബ്ദവേഗതക്കടുത്തുള്ള വേഗതകളായ ട്രാൻസ് സോണിക്ക് മേഖലയിൽ വിമാനവും വിമാന എഞ്ചിനും കടുത്ത മർദ തരംഗങ്ങളെയാണ് അഭിമുഖീകരിക്കേണ്ടി വരിക. ഇതിനെ മറികടന്നു പറക്കണമെങ്കിൽ വിമാനവും വിമാന എഞ്ചിനും കരുത്തുറ്റതായാലെ പറ്റൂ .
.
നാലാം തലമുറ യുദ്ധ വിമാനങ്ങളുടെയെല്ലാം എൻജിനുകൾ ''ടര്ബോഫാൻ '' (TURBOFAN)വിഭാഗത്തിൽ പെടുന്ന ജെറ്റ് എഞ്ചിനുകളാണ് .രണ്ടു ,മൂന്ന് തലമുറ വിമാനങ്ങൾ ''ടര്ബോജെറ്റ് '' (TURBOJET) തരത്തിൽപെട്ടതായിരുന്നു ഉപയോഗിച്ചിരുന്നത് . ടര്ബോഫാൻ എൻജിനുകൾ ടര്ബോജെറ് എഞ്ചിനുകളെക്കാൾ വളരെയധികം ഇന്ധന ക്ഷമതയുള്ളതാണ് .അതിനാലാണ് നാലാം തലമുറ യുദ്ധ വിമാനങ്ങളുടെ ''കോംബാറ് റേഞ്ച്''(COMBAT RANGE) മൂന്നാം തലമുറ വിമാനങ്ങളെക്കാൾ വലുതായിരുന്നത് .ഒരു യുദ്ധത്തിൽ ''കോംബാറ് റേഞ്ച്'' വളരെ പ്രാധാന്യമേറിയ ഒരു ഘടകമാണ്. ടര്ബോഫാന് എൻജിനുകൾ വളരെയധികം ഇന്ധന ക്ഷമമാണെങ്കിലും അവയുടെ ഇന്ധന ക്ഷമത ശബ്ദവേഗത്തിനു താഴെ യുള്ള വേഗതകളിൽ മാത്രമാണ് .ശബ്ദവേഗത മറികടക്കുന്നത് ''ആഫ്റ്റർ ബർണർ ''(AFTER BURNER)എന്ന സംവിധാനത്തിലേക്ക് അധിക ഇന്ധനം കടത്തിവിട്ട് അധികം ''ത്രസ്റ് ''(Thrust)ഉത്പാദിപ്പിച്ചിട്ടാണ് . വളരെ ഇന്ധന ക്ഷമത കുറഞ്ഞ ഒരു സംവിധാനമാണ് ആഫ്റ്റർ ബർണർ .അതിനാൽ തന്നെ ശബ്ദവേഗത്തെ മറികടന്നു പറക്കുമ്പോൾ യുദ്ധവിമാനങ്ങളുടെ ''റേഞ്ച്'' വളരെ കുറവായിരിക്കും . അത്യാവശ്യമായ സാഹചര്യങ്ങളിൽ മാത്രമേ നാലാം തലമുറ വിമാനങ്ങൾ ശബ്ദ വേഗത്തെ മറികടക്കാരുളൂ.
.
ആഫ്റ്റർ ബർണർ ഉപഗോഗിക്കാതെ ശബ്ദവേഗത്തെ മറികടക്കുന്നതിനെയാണ് ''സൂപ്പർ ക്രൂയിസ് '' (SUPERCRUISE)എന്ന് പറയുന്നത് .സൂപ്പർ ക്രൂയിസിങ് കഴിവുള്ള യുദ്ധ വിമാനങ്ങൾക്ക് ഇന്ധനം അധികം ചെലവാക്കാതെ തന്നെ ശബ്ദവേഗത്തിനു മുകളിൽ ദീർഘ നേരം പറക്കാൻ കഴിയും . സൂപ്പർ ക്രൂയിസിങ് കഴിവുള്ള വിമാന യന്ത്രങ്ങളുടെ നിർമാണം സാങ്കേതികമായി വളരെ സങ്കീർണമാണ് . പ്രായോഗിക തലത്തിൽ വിജയിച്ച സൂപ്പർ ക്രൂയിസിങ് ടര്ബോഫാൻ എൻജിനുകൾ പ്രാറ്റ് & വിട്നി -എഫ് 119 ,,എഫ് 135 (P&W 119,P&W 135) എന്നിവയും സാറ്റേൺ - എ എൽ 41(SATURN - AL41 ) .ഉം മാത്രമാണ് .ഇതിൽ ആദ്യ രണ്ട് എൻജിനുകൾ യഥാക്രമം എഫ് 22 യിലും എഫ് 35 ലുമാണുപയോഗിക്കുന്നത് സാറ്റേൺ - എ എൽ 41 റഷ്യയുടെ പാക്ഫാ യിലാണ്(PAKFA)ഉപയോഗിക്കുന്നത് .
.
ചൈന സൂപ്പർ ക്രൂയിസിങ് എൻജിൻ പോയിട്ട് നിലവാരമുള്ള ഒരു ടര്ബോഫാൻ എൻജിൻ പോലും തദ്ദേശീയമായി നിര്മിച്ചിട്ടില്ല .നിലവാരമുള്ള എൻജിനുകൾ അവർ റഷ്യയിൽ നിന്നും ഇറക്കുമതി ചെയ്യുകയാണ് പതിവ് .ഇത്തരുണത്തിലാണ് ചൈനയുടെ അഞ്ചാം തലമുറ യുദ്ധവിമാനത്തെപ്പറ്റി സംശയങ്ങൾ ഉയരുന്നത്.
.
കരുത്തുറ്റ ഒരു സൂപ്പർ ക്രൂയിസിങ് ടര്ബോഫാൻ എഞ്ചിൻ നിര്മിക്കണമെങ്കിൽ വര്ഷങ്ങളുടെ പരിശ്രമവും പതിനായിരക്കണക്കിന് കോടി രൂപയും ചെലവാക്കേണ്ടി വരും . ഒരു പക്ഷെ എത്തിപ്പിടിക്കാൻ ഏറ്റവും ബുദ്ധിമുട്ടുള്ള ഒരു അഞ്ചാം തലമുറ പ്രത്യേകതയാണ് സൂപർ ക്രൂയിസ് ചെയ്യാൻ പ്രാപ്തമായ ഒരു ടര്ബോഫാൻ എഞ്ചിൻ .

ചിത്രം :F- 119 സൂപ്പർ ക്രൂയിസിങ് ടര്ബോഫാൻ എഞ്ചിൻ: Courtsey -wikimedia commons

ലാങ് -സാൻ യുദ്ധം ( Battle of Lạng Sơn ) - ഒരു ലക്ഷം വരുന്ന ചൈനീസ് പടയെ പതിനായിരം വിയറ്റ്‌നാം ഭടന്മാർ തോൽപ്പിച്ചോടിച്ച യുദ്ധം .

ലാങ് -സാൻ യുദ്ധം ( Battle of Lạng Sơn ) - ഒരു ലക്ഷം വരുന്ന ചൈനീസ് പടയെ പതിനായിരം വിയറ്റ്‌നാം ഭടന്മാർ തോൽപ്പിച്ചോടിച്ച യുദ്ധം .

ചില പോരാട്ടങ്ങൾ മനുഷ്യ ചരിത്രത്തിൽ മായാതെ ഇടം പിടിച്ചിട്ടുള്ളത് കൈയേറ്റക്കാരെ ചെറുക്കുന്നതിൽ ചെറിയ സൈന്യങ്ങൾ കാണിച്ച പോരാട്ടവീര്യത്തിന്റെ ഔന്നത്യം കൊണ്ടാണ് . അത്തരം ഒരു യുദ്ധമായിരുന്നു സിനോ- വിയറ്റ്‌നാം യുദ്ധത്തിലെ ലാങ് -സാൻ യുദ്ധം.
.
കംബോഡിയയിൽ പോൾ -പോട്ട് ഭരണത്തെ നിലനിർത്താൻ വേണ്ടിയായിരുന്നു ചൈനീസ് പട്ടാളം 1979 ൽ വിയട്നാമിന്റെ വടക്കൻ മേഖലകൾ കൈയേറിയത് . പത്തു ലക്ഷത്തിലധികമായിരുന്നു വിയറ്റ്‌നാം ആക്രമിച്ച ചൈനീസ് സൈന്യത്തിന്റെ വലിപ്പം . വിയറ്റ്‌നാം ആകട്ടെ പല യുദ്ധങ്ങൾക്ക് ശേഷം തളർന്ന് അവസ്ഥയിലും . വിയട്നാമിനുള്ളിലെ ചില വിഘടന ഗ്രൂപ്പുകൾ ചൈനയെ പിന്തുണച്ചു എന്ന് കൂടിയായപ്പോൾ വിയറ്റ്‌നാം കൂടുതൽ പ്രതിരോധത്തിലായി . ആദ്യമൊക്കെ ടാക്ടിക്കൽ റിട്രീറ്റ് ( tactical retreat) ആയിരുന്നു വിയറ്റ്നാം സൈന്യത്തിന്റെ തന്ത്രം . വലിയ നാശ നഷ്ടങ്ങളില്ലാതെ തന്ത്രപരമായി കൂടുതൽ ശക്തിയോടെ തിരിച്ചടിക്കാൻ വേണ്ടിയുള്ള പിന്മാറ്റം .

വിജയിച്ചു എന്ന് കരുതി മുന്നേറിയ ചൈനീസ് സൈന്യം ഉത്തര വിയറ്റ്നാമിലെ ലോങ്ങ് സോങ് പട്ടണത്തെ പിടിച്ചെടുക്കാനായി മുന്നേറി .തന്ത്രപരമായി അതിപ്രധാനമായ ഈ നഗരം കൈയടക്കിയാൽ ഉത്തര വിയറ്റ്‌നാം എന്നെന്നേക്കുമായി ചൈനീസ് നുകത്തിനു കീഴിലാവും എന്നായിരുന്നു ചൈനീസ് കണക്കുകൂട്ടലുകൾ . ഈ തന്ത്രം ഏതാനും ദശകം മുൻപ് അവർ ടിബ്ബറ്റിൽ പയറ്റി വിജയിച്ചതുമായിരുന്നു .പക്ഷെ തികഞ്ഞ യുദ്ധ തന്ത്രജ്ഞരായിരുന്നു വിയറ്റ്നാമീസ് സൈനിക നേതിര്ത്വം .
.
ഇരുപതാം നൂറ്റാണ്ടു കണ്ട ഏറ്റവും മഹാനായ സൈനിക നേതാക്കളിലൊരാളായ ജനറൽ വോ ന്ഗ്യൻ ഗിയാപ്പ് (Võ Nguyên Giáp ) ആയിരുന്നു വിയറ്റ്നാമീസ് യുദ്ധതന്ത്രങ്ങൾ മെനഞ്ഞത് . വിജയികളായി ലാങ് സോങ് നഗരം കൈയടക്കിയ ചൈനീസ് സൈന്യത്തെ അംഗസംഖ്യയിൽ കുറവായ വിയറ്റ്നാമീസ് സൈന്യം നാലുഭാഗത്തുനിന്നും അതിവേങ്ഗതയുള്ള പിന്സർ നീക്കങ്ങളിലൂടെ ആക്രമിക്കാൻ തുടങ്ങി . ചൈനീസ് സൈനിക നേതിര്ത്വം ഒട്ടും പ്രതീക്ഷിക്കാത്ത ഒരു തിരിച്ചടി ആയിരുന്നു ഇത് . നഗരം കൈയടക്കി വച്ച്പ്ര തിരോധിക്കാൻ നോക്കിയാൽ ലക്ഷത്തിലേറെ ചൈനീസ് സൈനികരുടെ മൃതദേഹങ്ങൾ ലോങ്ങ് സോണിൽ വീഴുമെന്നു മനസ്സിലാക്കിയ ചൈനീസ് സൈന്യം തിരിഞ്ഞോടാൻ തുടങ്ങി . അപകടം മണത്ത ചൈനീസ് രാഷ്ട്രീയ നേതിര്ത്വം വിയട്നാമിൽ തങ്ങൾ ഉദ്ദേശിച്ചതെല്ലാം നേടിയെന്നും പിന്മാറുന്നുവെന്നും കൂടി പ്രസ്താവിച്ചു . ഇതുകൂടി ആയപ്പോൾ ചൈനീസ് തിരിഞ്ഞോട്ടത്തിന്റെ വേഗം കൂടി . വിയറ്റ്നാമീസ് സൈനികർ ചൈനീസ് സൈന്യത്തെ പിന്തുടർന്നാക്രമിച്ചു .
.
കൈ കുങ് നദിയുടെ പാലം തകർത്ത് കൊണ്ടാണ് ചൈനീസ് സൈനികർ തിരിഞ്ഞോടിയത് . ഒരു പക്ഷെ ആ പാലം തകർത്തില്ലായിരുന്നെങ്കിൽ മുഴുവൻ ചൈനീസ് സൈനികരും ലാങ് സാൻ പട്ടണത്തിന്റെ പ്രാന്ത പ്രദേശങ്ങളിൽ തന്നെ ഒടുങ്ങിയേനെ . പാലം തകർത്തത് വിയറ്റ്നാമീസ് സൈന്യത്തിന്റെ മുന്നേറ്റത്തിന് തടസമായി . പക്ഷെ പിന്തിരിഞ്ഞോടിയ രണ്ടു ഡിവിഷൻ ചൈനീസ് കരസേനയെ വിയറ്റ്‌നാം സൈന്യം ഛിന്ന ഭിന്നമാക്കി . പതിനെണ്ണായിരം ചൈനീസ് സൈനികർ വധിക്കപ്പെട്ടു എന്നാണ് കണക്ക് . ലോങ്ങ് സോണിൽ പരാജിതരായതോടെ വിയട്നാമിൽ അവശേഷിച്ച ചൈനീസ് സൈനികരും ജീവനും കൊണ്ട് അതിർത്തി കടന്ന് ഓടി രക്ഷപ്പെട്ടു . വിയട്നാമിലെ യുദ്ധം ഒരു വൻ വിജയമാണെന്ന് ചൈനീസ് സൈന്യവും നേതാക്കളും പ്രഖ്യാപിച്ചു . പക്ഷെ ആ വൻ വിജയം നേടിയ ചൈനീസ് പടയിലെ നേതാക്കളെപ്പറ്റി പിന്നീട് ഒന്നും കേട്ടിട്ടില്ല .
------
ref
https://www.warhistoryonline.com/…/battle-wavre-ten-miles-a…

ചിത്രങ്ങൾ : ലാങ് സാൻ യുദ്ധത്തിൽ ഒരു വിയറ്റ്നാമീസ് ഭടൻ , ചൈനീസ് സൈന്യം തകർത്ത പാലം ,ജനറൽ വോ ന്ഗ്യൻ ഗിയാപ്പ് (Võ Nguyên Giáp ) , സിനോ വിയറ്റ്നാം യുദ്ധമുഖങ്ങൾ : ചിത്രങ്ങൾ കടപ്പാട് വിക്കിമീഡിയ കോമൺസ് , https://www.warhistoryonline.com/…/battle-wavre-ten-miles-a…
--
rishidas s

പോർവിമാന റഡാറുകൾ - ഒരു ചരിത്രം

ആധുനിക പോർവിമാനങ്ങളുടെ ഏറ്റവും പ്രാധാന്യമേറിയ ഒരു ഘടകമാണ് അവയിലെ റഡാറുകൾ . റഡാറുകളുടെ പ്രാപ്തിയാണ് പലപ്പോഴും ആകാശയുദ്ധങ്ങളിൽ വിജയം ആർക്കെന്നു നിർണയിക്കുന്നത് . എലെക്ട്രോണിക്സിന്റെയും , സെമികണ്ടക്റ്റർ ഫിസിക്സിന്റെയും സിഗ്നൽ പ്രോസസ്സിങ്ങിന്റെയും ഏറ്റവും നൂതനവും ആധുനികവുമായ ഉദാഹരണങ്ങളാണ് ഇക്കാലത്തെ പോർവിമാന റഡാറുകൾ .
.
അൻപതുകളിലെ പോർവിമാനങ്ങളിൽ മിക്കവയിലും ഒരു തരം റഡാറും ഉണ്ടായിരുന്നില്ല. വൈമാനികന്റെ കണ്ണ് തന്നെയായിരുന്നു റഡാർ . ഇത്തരം പോർവിമാനങ്ങളെയാണ് ഒന്നാം തലമുറ പോർവിമാനങ്ങളെന്നു വിളിക്കുന്നത് . പതിയെ ഭൗമ റഡാറുകൾ ചെറുതാക്കി പോർവിമാനങ്ങളിൽ ഘടിപ്പിക്കാൻ തുടങ്ങി . ആദ്യകാല കണ്ടിനുവസ് വേവ് റഡാറുകളുടെ ചെറുപതിപ്പുകളാണ് പോർവിമാനങ്ങളിൽ ആദ്യം ഘടിപ്പിക്കപ്പെട്ടത് . കണ്ടിനുവസ് വേവ് റഡാറുകൾക്ക് പല പരിമിതികളുമുണ്ട് . അവക്ക് ഒരു വസ്തുവിലേക്കുള്ള ദൂരം കണക്കാക്കണേ കഴിയൂ . ആ വസ്തുവിനെ വേഗതയും ദിശയും മനസ്സിലാക്കാൻ അവകാക്കില്ല . കണ്ടിനുവസ് വേവ് റഡാറുകളും എയർ ടു എയർ മിസൈലുകളും ഘടിപ്പിക്കപ്പെട്ടപ്പോൾ പോർവിമാനങ്ങൾ രണ്ടാം തലമുറയായി .
.
കണ്ടിനുവസ് വേവ് റഡാറുകൾക്ക് ( Continuos Wave Radar) പല പരിമിതികളുമുണ്ടായിരുന്നെങ്കിലും അവ പല യുദ്ധങ്ങളിലും നിർണായകമായ സ്വാധീനം ചെലുത്തി . അതോടെ റഡാറുകളുടെ പരിഷ്കരണം യുദ്ധവിമാന സാങ്കേതിക വിദ്യയുടെ സുപ്രധാന മേഖലയായി . പൾസ് റഡാറുകളാണ് ( Pulse radar) കണ്ടിനുവസ് വേവ് റഡാറുകൾക്ക് പിന്ഗാമികളായത്. പൾസ് റഡാറുകൾ വളരെയധികം ശക്തിയുളള ഉന്നത ആവൃത്തിയുള്ള വിദ്യുത് കാന്തിക തരംഗങ്ങൾ വളരെ കുറഞ്ഞ സമയത്തേക്ക് പ്രസരിപ്പിക്കുകയാണ് ചെയ്യുക. ഇതിലൂടെ വ്യോമ റഡാറുകളുടെ റേൻജ് പലമടങ്ങായി വർധിച്ചു . പൾസ് റഡാറുകൾ പൾസ് ടോപ്പ്ലെർ റഡാറുകളാക്കി (Pulse Doppler Radar ) മാറ്റിയപ്പോൾ റഡാറുകൾ ശരിക്കും ഒരു ശക്തമായ ആയുധമായി മാറി . പൾസ് ടോപ്പ്ലെർ റഡാറുക ൾക്ക് ലക്ഷ്യങ്ങളിലേക്കുള്ള റേഞ്ചും , അവയുടെ വേഗതയും ദിശയുമെല്ലാം വളരെ കൃത്യമായി കണക്കുകൂട്ടാൻ ആകും . അതുമാത്രമല്ല ഒരു പൾസ് ടോപ്പ്ലെർ റഡാറിനു ഒരേ സമയം അനേകം ലക്ഷ്യങ്ങളെ ട്രാക്ക് ചെയ്യാനും കഴിയും . മിക്ക നാലാം തലമുറ പോര്വിമാനങ്ങളും പൾസ് ടോപ്പ്ലെർ റഡാർ ഘടിപ്പിക്കപ്പെട്ടാണ് ആദ്യമായി വിന്യസിക്കപ്പെട്ടത് . പൾസ് ടോപ്പ്ലെർ റഡാറുകൾ നിലവില്വന്നപ്പോൾ തന്നെ ആധുനിക സിഗ്നൽ പ്രോസസിങ് വളരെയധികം പുരോഗമിച്ചിരുന്നു . ആധുനിക സിഗ്നൽ പ്രോസസ്സിങ്ങും ,നൂതന മൈക്രോവേവ് ഓസിലിലേറ്ററുകളും കോർത്തിണക്കിയതായിരുന്നു പോര്വിമാന റഡാറുകൾ അടുത്ത തലമുറ . അവയാണ് ഇപ്പോൾ നിലവിലുള്ള ആധുനിക പോർവിമാനങ്ങളുടെ കണ്ണും കാതുമായി പ്രവർത്തിക്കുന്നത്.
.
പാസ്സീവ് ഇലക്രോണിക്കലി സ്റ്റീയേർഡ് അറേ റഡാർ (PESA റഡാർ ) ആയിരുന്നു പൾസ് ടോപ്പ്ലെർ റഡാറുകൾ ശേഷം രംഗ പ്രവേശനം ചെയ്തത് .PESA റഡാറിൽ ഒരു മൈക്രോവേവ് പ്രഭവ കേന്ദ്രത്തിൽ (MICROWAVE SOURCE)നിന്ന് വരുന്ന റേഡിയോ തരംഗങ്ങളെ ഫേസ്(PHASE) വ്യത്യാസം വരുത്തി അനേകം ആന്റീന കളിലൂടെ പ്രസരിപ്പിക്കുന്നു . ഫേസ് വ്യത്യാസം ക്രമീകരിച്ച ആന്റീനയെ ചലിപ്പിക്കാതെ തന്നെ റഡാറിനു പല കോണുകളിൽ നിരീക്ഷ്യ്ക്കാൻ കഴിയുന്നു .PESA റഡാറിനു ഒരേ സമയം അനേകം ലക്ഷ്യങ്ങളെ കണ്ടെത്താനും പിന്തുടരാനും ,അവയിലേക്ക് മിസൈലുകൾ ഗൈഡുചെയ്യാനും സാധിക്കും .ആദ്യമായി PESA റഡാറുകൾ ഉപയോഗിച്ചത് റഷ്യയുടെ മിഗ് -31 പോർ വിമാനമായിരുന്നു.
.
ഒരു PESA റഡാറിൽ അനേകം 
ഫ്രീക്വെൻസികൾ (FREQUENCIES) ഉപയോഗിക്കാൻ കഴിഞ്ഞാൽ അത് AESA റഡാർ ( Active Electronically Scanned Array Radar ) ആയി .അഞ്ചാം തലമുറ പോർവിമാനങ്ങളുടെ അവിഭാജ്യ ഘടകമാണ് AESA റഡാറുകൾ .
PESA റഡാറിനെ പോലെ റഡാറിനെ ചലിപ്പിക്കാതെ റേഡിയോ സിഗ്നലുകളെ പല കോണുകളിൽ പ്രസരിപ്പിക്കാനും ഒരേ സമയം അനേകം ലക്ഷ്യങ്ങളെ കണ്ടെത്താനും പിന്തുടരാനും ,അവയിലേക്ക് മിസൈലുകൾ ഗൈഡുചെയ്യ്യാനും AESA റഡാറിനും സാധിക്കും.സർവ്വപ്രധാനമായി AESA റഡാറുകൾക് അവയുടെ പ്രസരണ 
ഫ്രീക്വെൻസികൾ ഇടതടവില്ലാതെ മാറിക്കൊണ്ടിരിക്കും .ചുരുക്കത്തിൽ ഒരു AESA റഡാർ പ്രസരിപ്പിക്കുന്ന തരംഗ ദൈർഖ്യം ആ റഡാറിനു മാത്രമേ അറിവുണ്ടായിരിക്കുകയുളൂ . റഡാറുകളെ സാധാരണ ജാമ്ചെയ്യുന്നത് ചെയ്യുന്നത് അവ പ്രസരിപ്പിക്കുന്ന അതെ തരംഗദൈർഖ്യം ഉള്ള റേഡിയോ തരംഗങ്ങൾ അവയിലേക്ക് പ്രസരിപ്പിച്ചിട്ടാണ് .അങ്ങിനെ ചെയ്യുമ്പോൾ റഡാർ റീസിവറിന് .ശരിക്കുള്ള ലക്ഷ്യങ്ങളെ തിരിച്ചറിയാൻ പറ്റാതെ വരുന്നു .
.
AESA റഡാറുകൾ പ്രസരിപ്പിക്കുന്ന റേഡിയോ തരംഗങ്ങളുടെ തരംഗദൈർഖ്യം പെട്ടന്ന് മാറുന്നതിനാലും മാറ്റത്തിന്റെ തോത് റഡാറിനു മാത്രം അറിയുന്ന രഹസ്യമായതിനാലും താത്വികമായി AESA റഡാറുകളെ സാധാരണ മാര്ഗങ്ങള് കൊണ്ട് വഴിതെറ്റിക്കാൻ പറ്റില്ല ..അതീവ നൂതന മായ ഗാലിയം നൈട്രൈഡ് (GALLIUM NITRIDE)ട്രാന്സിസ്റ്ററുകൾ കൊണ്ട് മാത്രമേ AESA റഡാറുകൾ നിര്മിക്കാനാകൂ .അവയുടെ നിയന്ത്രണ സംവിധാനങ്ങളും (CONTROL SYSTEMS)അത്യന്തം വിപുലമാണ് .ഇക്കാരണങ്ങളാൽ തന്നെ അവയുടെ നിർമാണം വളരെ ചുരുക്കംരാജ്യങ്ങളുടെ കുത്തകയാണ് .ഇപ്പോഴത്തെ നിലയിൽ യുദ്ധ വിമാനങ്ങൾക്ക് വഹിക്കാൻ തക്ക ഭാരം കുറഞ്ഞ AESA റഡാറുകൾ യു എസ്,റഷ്യ ,ഫ്രാൻസ് ,ഇസ്രായേൽ എന്നീ രാജ്യങ്ങൾ മാത്രമേ നിര്മിക്കുന്നുളൂ.
.
====
ചിത്രങ്ങൾ : N010 AESA റഡാർ ,ഒരു പൾസ് ടോപ്പ്ലെർ റഡാറിന്റെ തത്വം ,PESA റഡാറിന്റെ തത്വം : ചിത്രങ്ങൾ കടപ്പാട് വിക്കിമീഡിയ കോമൺസ് .
ലേഖകൻ : ഋഷിദാസ്. എസ്