A place to Discuss Alternate History , Conspiracy , Secret Societies , Occult , Secret technologies , Above Top Secret stuff, Metaphysics etc.. posts are copied from social media platforms like Facebook whatsapp groups ..This blog is not associated with or supports any WhatsApp groups .. This blog won't take responsibility of any problems arising from the use of any Whatsapp group of this blog members or any others ... Always remember to take responsibility for your own actions .. Respect the IT Act and other Laws .. You are only responsible for your posts and comments here ...

എന്റെ അമ്മയ്ക്കും അമ്മയുടെ അനിയത്തിക്കും(ഇളയമ്മ) ഉണ്ടായ അനുഭവം ആണ്....

എന്റെ അമ്മയ്ക്കും അമ്മയുടെ അനിയത്തിക്കും(ഇളയമ്മ) ഉണ്ടായ അനുഭവം ആണ്....

അപ്പോൾ കാര്യത്തിലേക്ക് കാലെടുത്തു വെക്കാം അല്ലെ ???
വലത് വേണോ ഇടതു വേണോ.... രണ്ടു കാലും അങ്ങ് വച്ചേക്കാം അല്ലെ.....
അമ്മയും ഇളയമ്മയും ദാവണിയും കൈനിറയെ കുപ്പിവളകളും ഒക്കെ ഇട്ടു കൗമാര പ്രായം അടിച്ചുപൊളിച്ചിരുന്ന കാലം (പണ്ടത്തെ ഫ്രീക്കത്തികൾ)
അമ്മയുടെ വീടിന്റെ അടുത്ത വീട്ടിൽ അവർക്ക് ഒരു ഉറ്റ ചങ്ങാതി ഉണ്ടായിരുന്നു......... (name..എനിക്ക് ഓർമയില്ല)
.
ആ ചേച്ചിക്ക് എന്തോ അസുഗം ഉണ്ടായിരുന്നു.... തലയിലെ nerve ന് എന്തോ പ്രോബ്ലം..... ഇടക്ക് ഇടക്ക് തലകറങ്ങി വീഴുമായിരുന്നു.....
ഒരിക്കൽ എന്റെ അമ്മയുടെ തലയിൽ തേങ്ങ വീണു (ഈ കഥ പറയുമ്പോൾ അച്ഛൻ വളരെ വിഷമത്തോടെ പറയാറുണ്ട് ഒരു തേങ്ങ വീണതിന് പകരം ഒരുകുല ആയിരുന്നേൽ അച്ഛന് അമ്മയെ കെട്ടേണ്ടി വരില്ലായിരുന്നു എന്ന്... ഹഹഹഹ)
അമ്മക്ക് കാര്യമായി ഒന്നും പറ്റിയില്ലെങ്കിലും കണ്ടു നിന്നവർ അമ്മയെ ഹോസ്പിറ്റലിലേക്ക് കൊണ്ട് പോകാൻ തീരുമാനിച്ചു.... അമ്മയുടെ കൂട്ടുകാരി ഈ കാര്യം അവരുടെ വീട്ടിൽ പറയാൻ ഓടിപോയതാ.... വീടിന്റെ ഉമ്മറത്തു തലകറങ്ങി വീണു.... അങ്ങിനെ തലയിൽ തേങ്ങ വീണു നക്ഷത്രം എണ്ണുന്ന എന്റെ അമ്മയെ കൊണ്ട് പോകുന്ന കാറിൽ ആ ചേച്ചിയെയും കൊണ്ടുപോയി.... അടുത്തുള്ള govt ഹോസ്പിറ്റലിൽ അമ്മയെ ചികിൽസിച്ചെങ്കിലും ആ ചേച്ചിയെ അവിടെ treat ചെയ്യാൻ പറ്റില്ല എന്ന് പറഞ്ഞു വേറെ വലിയ ഹോസ്പിറ്റലിലേക്ക് മാറ്റി.....
പിന്നെ അറിഞ്ഞത് ആ ചേച്ചിയുടെ മരണ വാർത്തയാണ്.......
കുറച്ചു ദിവസങ്ങൾക്ക് ശേഷം എല്ലാരും ആ ഷോക്കിൽ നിന്നും പുറത്തു വന്നു..
എന്റെ അമ്മക്ക് ദൈവം പ്രേതം ഒന്നിലും വിശ്വാസമില്ല... എന്നാൽ ഇളയമ്മ ആണേൽ എപ്പോഴും അമ്പലത്തിൽ പോകും എല്ലാ മലയാളമാസം ഒന്നിന് മുല്ലപ്പൂ ഒക്കെ വാങ്ങി പൂജാമുറിയിലെ ദൈവങ്ങൾക്ക് ചാർത്തുക തുടങ്ങിയ കലാപരിപാടികൾ ഒക്കെ ഉണ്ട്.....
ഒരിക്കൽ അമ്മയും ഇളയമ്മയും പൂ വാങ്ങി വരാൻ late ആയി (ഇരുട്ട് വീണു തുടങ്ങിയിരുന്നു)..... മരിച്ച ചേച്ചിയുടെ വീടിന്റെ മുന്നിലെ റോഡിലൂടെ വേണം വീട്ടിലെത്താൻ....
അവിടെ എത്തിയപ്പോൾ മുതൽ കൂടെ ആരോ ഉള്ള പോലെ അമ്മക്ക് തോന്നി... പൊതുവെ ഇതിൽ വിശ്വാസമില്ലാതിരുന്നതിനാലും പറഞ്ഞാൽ ഇളയമ്മ കളിയാകുമെന്ന് കരുതിയും അമ്മ ഇത് ഇളയമ്മയോട് പറഞ്ഞില്ല.. (അമ്മ ആരാ മോള്)
പക്ഷെ വീട്ടിൽ എത്തിയതും ഈ കാര്യം ഇളയമ്മയാണ് അമ്മയോട് പറഞ്ഞത്... ഇളയമ്മക്ക് ആരോ follow.. ചെയുന്ന പോലെ തോന്നിയെന്ന്..... അപ്പോൾ അമ്മയും അമ്മക്ക് തോന്നിയ കാര്യങ്ങൾ തട്ടിവിട്ടു (ഹിഹിഹി)
ആ വഴിയേ പോയപ്പോൾ എല്ലാം അവർക്ക് ആ തോന്നൽ ഉണ്ടായി എങ്കിലും അവരാ വഴിയിലെ സഞ്ചാരം നിർത്തിയില്ല എന്ന് അവർ എപ്പോളും കുറച്ചു അഹങ്കാരത്തോടെ പറയും ഞങ്ങളോട് (അതിലെ അല്ലാതെ വീട്ടിലേക്ക് വരാൻ വേറെ വഴിയില്ലെന്ന് ഞങ്ങൾക്ക് അറിയുന്ന കാര്യമല്ലേ പക്ഷെ ഞങ്ങൾ അത് പറഞ്ഞു അവരുടെ build up തകർക്കാറില്ല..എന്ത് കൊണ്ടാണെന്നോ മനുഷ്യത്വം വെറും മനുഷ്യത്വം..ശോ എന്നെ കൊണ്ട് ഞാൻ തന്നെ തോറ്റു)
പിന്നെ ഒരിക്കൽ അമ്മൂമ്മ പറഞ്ഞാണ് അവർ ആ കാര്യം അറിഞ്ഞത്... മരിച്ചു പോയ ചേച്ചിയുടെ വീട്ടിൽ 3 ചെറിയ കുട്ടികൾ ഉണ്ട് (ആ ചേച്ചിടെ ചേട്ടന്റെയും ചേച്ചിടെയും മക്കൾ)
ആ കുട്ടികൾ രാത്രി എഴുന്നേറ്റു ഇരുന്നു കളിക്കുന്നു...... പിള്ളേരായാൽ രാത്രി എഴുന്നേറ്റു കളിക്കും എന്നുള്ള കമന്റ്‌ വരുമെന്ന് എനിക്ക് അറിയാം....
(അത് കൊണ്ട് ഞാൻ അത് വിശദമാക്കാം)
അതായത് ഉത്തമാ.........
കുട്ടികൾ കണ്ണ് തുറക്കാതെ എഴുന്നേറ്റു ഇരുന്നു ആണ് കളിക്കുന്നത്.... വെറുതെ ചിരിക്കുന്നു കൈകൊട്ടുന്നു എന്തൊക്കെയോ സംസാരിക്കുന്നു അങ്ങനെ ഒക്കെ......
ആ വീട്ടിൽ വരുന്ന പിള്ളേർ ഒക്കെ രാത്രി ആയാൽ എഴുന്നേറ്റു ഇരുന്നു കളിക്കുന്നു.....
അത് കൊണ്ട് ആ വീട്ടുകാർ ഒരു ജ്യോത്സ്യനെ കണ്ടു കാര്യം പറഞ്ഞു.... ആ ചേച്ചിയുടെ ആത്മാവ് അവരെ വിട്ടു പോകാൻ മടിച്ചു നിൽക്കുന്നു എന്നാണ് അയാൾ പറഞ്ഞത് ....
ഇത് അമ്മൂമ്മ പറഞ്ഞു തീർന്നപ്പോൾ പേടിച്ചിട്ടു അമ്മയുടെയും ഇളയമ്മയുടെയും ആത്മാവ് അങ്ങ് പരലോകത്തിൽ എത്തി കസേരയും ഇട്ടു ഇരിപ്പായി.....
പിന്നീട് അങ്ങോട്ട് തലയിൽ ഭക്തി കൊടികെട്ടി വാണിരുന്ന ഇളയമ്മ പൂവില്ലാതെയും ഒന്നാം തിയ്യതികളിൽ പ്രാർത്ഥിക്കാൻ തുടങ്ങി.....
(പൂ വാങ്ങാൻ പോകാൻ ആ ചേച്ചിടെ വീടിന്റെ വഴിയേ പോകണമല്ലോ)
ഇത് കണ്ടു നിരീശ്വരവാദിയായ അമ്മ കളിയാക്കി ചിരിച്ചുവെങ്കിലും കൈകൂപ്പാതെ (അങ്ങനെ ചെയ്താൽ ഇളയമ്മ കാണുമല്ലോ) മനസിന്റെ ഉള്ളിൽ ദൈവങ്ങളോട് പ്രാർത്ഥിക്കാൻ തുടങ്ങിയ വിവരം ഇളയമ്മ അറിഞ്ഞില്ല.....
പിന്നെ അറിഞ്ഞു എന്തോ പരിഹാരക്രിയകൾ ചെയ്തു ആ ചേച്ചിയുടെ ആത്മാവിനെ ഒഴിപ്പിച്ചു എന്ന്...... അതിനു ശേഷം അവർക്ക് അങ്ങനെ ഒരു അനുഭവം ഉണ്ടായിട്ടില്ല......
എനിക്ക് ഇതിലൊന്നും തീരെ വിശ്വാസമില്ല...
(അമ്മയുടെ മോള് അല്ലെ ഇങ്ങനെയേ വരൂ)
അമ്മക്ക് ഒരു അനുഭവം ഉണ്ടായപ്പോൾ അമ്മക്ക് വിശ്വാസമായി......
.
എനിക്ക് ഉണ്ടാകുമ്പോൾ ഞാനും വിശ്വസിക്കുമായിരിക്കും...
lekshmi vaisakh