കഴുതപ്പുലി

മസായിമര, സരംഗട്ടി, ക്രുഗർ നാഷണൽ പാർക്ക്.
ആഫ്രിക്കയിലെ പ്രൗഡമായ വനാന്തരങ്ങൾ...

കട്ടപിടിച്ച ഇരുട്ടിനെ തുളച്ചുകൊണ്ട് ഒട്ടനവധി കണ്ണുകൾ തിളങ്ങുകയാണ്...
ഊഊഊവ.... ഊഊഊവ... എന്ന ഒരു പ്രത്യേക താളത്തിലുള്ള ഗംഭീര ശബ്ദം മുഴങ്ങുന്നുണ്ട്. ഹിഹിഹിഹിഹി എന്ന ചിരിയുടെ അലയൊലിയുമായി അവർ ശത്രുവിനെ വട്ടമിടുകയാണ്...
അത് അവരാണ്.
ആഫ്രിക്കൻ വനാന്തരങ്ങളിലെ അജാത ശത്രുക്കൾ.
The Hyena Clan.
ഗോത്രവർഗ്ഗക്കാരായ കഴുതപ്പുലികൾ...!

------

ആഫ്രിക്കൻ വനാന്തരങ്ങൾ അടക്കി ഭരിക്കുന്നതാരാണ്?
സിംഹം, പുലി, ചീറ്റ?!!
നമ്മുടെ പെട്ടന്നുള്ള ഉത്തരങ്ങൾ ഈ മർജ്ജാരൻമ്മാരാണ്.

എന്നാൽ ഇവരോട് കട്ടയ്ക്ക് നിൽക്കുന്ന ഗോത്രവർഗ്ഗ പോരാളികളാണ് Hyena അഥവാ കഴുതപ്പുലി. ആഫ്രിക്കൻ വനാന്തരങ്ങളിലെ റിയൽ ഗാങ്സ്റ്റേർസ്.
എൻകൗണ്ടർ സ്പെഷ്യലിസ്റ്റുകൾ.
ലയൺ, ലെപ്പേഡ്, ചീറ്റ എന്നീ കൊല കൊമ്പൻമ്മാരോട് ഗാങ്ബാങ് ചൂതാട്ടങ്ങൾ നടത്തുന്ന ഫിയർലസ് ഗാംബ്ലേഴ്സ്.

-------------

കഴുതപ്പുലി ഒരു സോഷ്യൽ ആനിമലാണ്. സംഘബലമാണ് ഇവരുടെ ശക്തി.
മൃഗങ്ങളിലെ ഏറ്റവും കൗശലം പ്രകടിപ്പിക്കുന്നത് കുറുക്കൻമ്മാരാണെങ്കിൽ തന്ത്രങ്ങളിൽ അവരോട് ഇടിച്ചിടിച്ചു നിൽക്കും കഴുതപ്പുലി.
പലരും ഹയിനയെ നായ എന്ന് തെറ്റിദ്ധരിച്ചിട്ടുണ്ട്. എന്നാൽ ഇവ നായ വർഗ്ഗം അല്ല. എങ്കിൽ പൂച്ച വർഗ്ഗമായിരിക്കും?
എന്നാൽ പൂച്ച വർഗ്ഗവുമല്ല.
ഇവ രണ്ടും കൂടി ചേർന്നതാണ്.
വംശീയമായി മാർജ്ജാരന്മാരോടും വെരുകുകളോടും അടുത്തുനിൽക്കുന്നുവെങ്കിലും ഇര തേടുന്ന വിധം, സാമൂഹ്യക്രമം തുടങ്ങിയ കാര്യങ്ങളിൽ നായവർഗ്ഗത്തോടാണ് ഇവയ്ക്കു സാമീപ്യം.

ഇരകളെ ആക്രമിക്കാൻ കരുത്തുറ്റ പല്ലുകളും, കീഴ്ത്താടിയും, ഇവയെ സഹായിക്കുന്നു. പതുങ്ങി നിന്ന് ആക്രമിച്ച് ഇരപിടിക്കുന്ന രീതിയാണ് മർജാരവംശത്തിൽ പെട്ട സിംഹം, കടുവ, പുലി, ചീറ്റ, ജഗ്വാർ, കൗഗാർ(PUMA) etc എന്നിവയുടേത്. എന്നാൽ ഹയിനാകൾ തെരഞ്ഞു പിടിച്ചും, സംഘമായി വളഞ്ഞ് പിടിച്ചും, ഓടി കീഴ്പ്പെടുത്തി പിന്നിൽ നിന്നും ആക്രമിച്ചുമാണ് ഇര തേടുന്നത്. ഇരയെ അതിവേഗം കീറിമുറിച്ച് ചിന്നഭിന്നമാക്കി അകത്താക്കുകയും ചെയ്യും. ജീവനോടെ തന്നെ മൃഗങ്ങളുടെ പിൻ ഭാഗവും, വയറും കടിച്ചു കീറി കൊല്ലുന്നതിനാൽ കഴുതപ്പുലിയുടെ ഇരകൾ ഇഞ്ചിഞ്ചായും, തീവ്ര വേദനയനുഭവിച്ചും, അതിക്രൂരവുമായും ആണ് കൊല്ലപ്പെടുന്നത്. സെൻസിറ്റീവ് ആളുകൾ കാണരുത് എന്ന മുന്നറിയിപ്പോടെയാണ് എല്ലാ ഹയിനാ വേട്ടയാടലുകളും യൂട്യൂബിൽ അപ്ലോഡ് ചെയ്തിരിക്കുന്നത്.

കാട്ടു പോത്തിൻ്റെ വാരിയെല്ലുകൾ വരെ കടിച്ച് പൊട്ടിച്ച് തിന്നാൻ പാകത്തിലുള്ള ശക്തിയാണ് ഇവയുടെ പല്ലിനും, കീഴ്ത്താടിയ്ക്കും. വേട്ടയാടുന്ന മൃഗത്തിൻറെ എല്ലുകൾ പോലും ഇവ മിച്ചം വെക്കാറില്ല. ചത്ത് അഴുകിയതും ഇവ ഭക്ഷിക്കാറുണ്ട്. ഇതൊക്കെ കൊണ്ട് scavengers എന്ന് ഇവ അറിയപ്പെടുന്നു.

മനുഷ്യൻ ചിരിക്കുന്നതു പോലെയാണ് ഇവ ശബ്ദമുണ്ടാക്കുന്നത്.
നായ്ക്കളും ചെന്നായ്ക്കളും കുറുക്കൻമ്മാരും ഓരിയിടുന്നതിനു സമാനമായ ഒരു ശബ്ദവും ഇവ പുറപ്പെടുവിക്കാറുണ്ട്. ഇവയുടെ മുൻ കാലുകൾ ഉയർന്നും പിൻ കാലുകൾ ഉയരം കുറഞ്ഞതുമാണ്. തല ഒരു ഭീരുവിനേപ്പോലെ താഴ്ത്തിപ്പിടിച്ച്. സംഭ്രമം കലർന്ന മുഖ ഭാവവും, പേടിച്ചരണ്ട കണ്ണുകളും, ഞാനൊന്നുമറിഞ്ഞില്ല രാമനാരായണ എന്ന സ്ഥായിയായ ഭാവത്തോടെയും ഇവ നടക്കുന്നത് കണ്ടാൽ "അയ്യോ എന്തൊരു പാവം, എന്തൊരു നിരുപദ്രവകാരിയായ ജീവി" എന്ന് നാം മനസ്സിലോർക്കും. എന്നാൽ അന്യൻ സിനിമയിലെ അംബി, റെമോ, അന്യൻ എന്നീ മൂന്നു ഭാവങ്ങളാടുന്ന വിക്രമിനേപ്പോലെ കൊടൂരനാണിവൻ. ഈ നിഷ്കളങ്ക ഭാവങ്ങൾക്കു പിന്നിൽ ഒളിഞ്ഞിരിക്കുന്ന ഒരു പ്രൊഫഷണൽ കില്ലറാണ് ഹൈയിനാ.
"ഏംജിആറെ പാത്തിരുക്കേൻ, ശിവാജിയെ പാത്തിരുക്കേൻ, രജനിയെ പാത്തിരുക്കേൻ, കമലെ പാത്തിരുക്കേൻ... ആനാൽ, ഹയിനാ മാതിരി ഒരു നടികനെ നാൻ എങ്കേയും പാർത്തതില്ലൈ!"
അതാണ് ഹയിനാ! ആഫ്രിക്കൻ വനാന്തരങ്ങളിലെ ഏറ്റവും അപകടകാരിയായ പ്രിഡേറ്റർ.

ഇവയ്ക്ക് ഓടാൻ അത്ര വേഗതയില്ലാത്തതിനാൽ ഇരപിടുത്തം എപ്പോഴും സക്സസ്സ് ആവണം എന്നില്ല. അപ്പോഴാണ് ഇവ പുലി, ചീറ്റ, സിംഹം എന്നിവർ വേട്ടയാടി പിടിച്ച ഇരയെ മോഷ്ടിക്കാനായി രണ്ടും കൽപ്പിച്ചു പോകുന്നത്. കാട്ടിൽ അകലെ എവിടെയെങ്കിലും ഒരു വേട്ടയാടൽ നടന്നിട്ടുണ്ടെങ്കിൽ ഇവ അത് മനസ്സിലാക്കുന്നത് രസകരമാണ്. ആകാശത്ത് വട്ടമിട്ടു പറക്കുന്ന കഴുകൻ, മറ്റു പക്ഷികൾ എന്നിവയെ ദൂരെ വെച്ചു കാണുന്ന ഇവയ്ക്ക് ഒരു കാര്യം പിടികിട്ടും. ആ പക്ഷികൾ പറക്കുന്നതിനു താഴെ ഏതോ മർജ്ജാരൻ ഒരു വേട്ട നടത്തിയിട്ടുണ്ട്. ഇനി നേരേ അങ്ങോട്ട് വെച്ചു പിടിക്കുക. ഇങ്ങനെയാണ് ഇവ ഭക്ഷണം കണ്ടെത്തുന്നത്.

ഇവയുടെ ഗോത്രങ്ങൾ തമ്മിലുള്ള യുദ്ധം അതി ഭീകരമാണ്. ജയിക്കുന്ന ഹയിനാകൾ കൂട്ടം കൂടി തോൽക്കുന്ന ഹയിനായുടെ ചെവിയിൽ കടിച്ച് മാരകമായ മുറിവുണ്ടാക്കും. പിൻഭാഗത്തും ആക്രമിയ്ക്കും. ഫൈറ്റിൽ തോൽവീയടയുന്ന ഹയിനായ്ക്ക് പിന്നെ അധികം ആയുസ്സ് ഉണ്ടാവില്ല. അവയുടെ ചെവിയും കണ്ണും എല്ലാം മറ്റു ഹയിനാകൾ കടിച്ച് എടുത്തിട്ടുണ്ടാവും. കാരണം അവയുടെ ചെവിയും കണ്ണും എല്ലാം മറ്റു ഹയിനാകൾ കടിച്ച് എടുത്തിട്ടുണ്ടാവും. എന്നു മാത്രമല്ല അപൂർവ്വമായി ഹയിനാകൾപരസ്പരം കൊന്നു തിന്നാറു പോലുമുണ്ട്.

ആഫ്രിക്ക കഴിഞ്ഞാൽ ഇൻഡ്യയിലും, ഇറാനിലും ക്ഴുതപ്പുലികൾ കാണപ്പെടുന്നു. ഇന്ത്യയിൽ രാജസ്ഥാൻ വനാന്തരങ്ങളിലാണ് ദേഹത്ത് വരകളുള്ള "സ്ട്രൈപ്പ്ഡ് ഹൈയിനാ"കൾ കാണപ്പെടുന്നത്.

ലോകത്ത് നാലുതരം കഴുതപ്പുലി വർഗ്ഗങ്ങളുണ്ട്.

Spotted Hyena: - ശരീരത്തിൽ പുള്ളികളുള്ള ഇവയാണ് കഴുതപ്പുലി വർഗ്ഗത്തിലെ ഏറ്റവും വലിയവർ. ആഫ്രിക്കയിൽ ഏറെ കാണപ്പെടുന്നു.

Brown Hyena:- ഇവയുടെ നിറം ബ്രൗൺ ആണ്. കാലുകളിൽ സീബ്രായുടേതു പോലെയുള്ള വരകൾ കാണപ്പെടുന്നു. പുറത്തും കഴുത്തിലും ദേഹത്തും
ചെന്നായ്ക്കളേപ്പോലെ നീണ്ട രോമങ്ങളുണ്ട്.

Striped Hyena:- പേര് പോലെ തന്നെ ശരീരം മുഴുവനും വരകൾ നിറഞ്ഞ രൂപമാണിവയുടേത്. ഇന്ത്യയിലും, ഇറാനിലും, ഇസ്രായേൽ-സിറിയ-പലസ്ഥീൻ എന്നിവിടങ്ങളിലും കാണപ്പെടുന്നു.

Aard Wolf:- Aardvark (വെരുക്) - ഉം, Wolves (ചെന്നായ) - ഉം ചേർന്ന മൃഗം എന്ന ധ്വനിയിലാണ് ഇവയ്ക്ക് ഈ പേര് വന്നത്. എന്നാൽ ഇവ വെരുകുമല്ല, ചെന്നായയുമല്ല. കഴുതപ്പുലികളിലെ ഏറ്റവും ചെറിയ വർഗ്ഗമായി ഇവ പരിഗണിക്കപ്പെടുന്നു.

-----------

സിംഹം, പുലി, ചീറ്റ എന്നിവ വേട്ടയാടുന്ന ഇരയെ സംഘമായി ചെന്ന് ഇവ തട്ടിയെടുക്കുന്നു. സിംഹങ്ങളുടെ കൂട്ടത്തിനു പോലും ഇവയെ ഡിഫൻഡ് ചെയ്തു നിൽക്കാൻ കഴിയാറില്ല. ചീറ്റകൾക്ക് ഹയിനയുമായി പോരാടാനുള്ള കരുത്തില്ല. പുലികളാകട്ടെ ഇവയുമായി ഏറ്റുമുട്ടലുകൾ നടത്താറുണ്ടെങ്കിലും ഇവ സംഘമായി എത്തിയാൽ മരച്ചില്ലകളിലേക്ക് രക്ഷപെടുകയാണ് പതിവ്. സിംഹങ്ങൾ ഹയിനാകളെ എവിടെ കണ്ടാലും കൊന്ന് കളയും. എന്നാൽ അതേ സിംഹങ്ങളെ കൂട്ടമായിച്ചെന്ന് ഇവ ഒറ്റപ്പെടുത്തി ആക്രമിച്ച് കൊല്ലുന്നു എന്നതാണ് മാരക ട്വിസ്റ്റ്.

--------

കഴുതപ്പുലിയുടെ പ്രധാന ശത്രു സിംഹമാണ്. പിന്നെ വൈൽഡ് ഡോഗ്സും(കാട്ടു നായ്ക്കൾ). കാട്ടു നായ്ക്കളും സാരമായി നടക്കുന്നതിനാൽ ടെറിട്ടോറിയൽ വാർ-ൻറെ ഭാഗമായി ഇരു കൂട്ടരും പലപ്പോഴും ഉഗ്രൻ ഫൈറ്റ് നടത്താറുണ്ട്. സംഘമായി എത്തുന്ന വൈൽഡ് ഡോഗ്സ്, ഒറ്റയ്ക്കാവുന്ന കഴുതപ്പുലിയുടെ ജീവനു തന്നെ ഭീക്ഷണിയാണ്. ടെറിട്ടറി ആധിപത്യത്തിൻറെ ഭാഗമായി സിംഹം, പുലി, ചീറ്റ, വൈൽഡ് ഡോഗ്സ് എന്നിവർ കഴുതപ്പുലിയുടെ കുഞ്ഞുങ്ങളെ ആക്രമിച്ച് കൊല്ലാറുണ്ട്.

ഇവരുടെ ഗോത്ര ഒരു ലീഡറുണ്ടാവും. അവനാണ് ധൈര്യശാലി. കൂട്ടത്തെ മുന്നിൽ നിന്ന് നയിക്കുന്നു. ആണിൻറേതിനു സമാനമായ ലൈംഗീകാവയവമാണ് പെൺ കഴുതപ്പുലികളുടേത്.

ആഫ്രിക്കൻ മിത്തുകളിലും, ഒട്ടനവധി പ്രേതനോവലുകളിലും ക്രൂരൻമ്മാരായ ശത്രുവുമായി ബന്ധപ്പെടുത്തി ഭീകരതയുടെ ഒരു അടയാളമായി ഹയിനാകളെ പരാമർശിച്ചിട്ടുണ്ട്. മനുഷ്യനോട് ഇണങ്ങാൻ ബുദ്ധിമുട്ടുള്ള ഒരു വൈൽഡ് ആനിമൽ കൂടിയാണ് കഴുതപ്പുലി.
.
ശുഭം.

By
RIJO GEORGE