സമയം എന്നത് ഏറ്റവും ലളിതവും അതേസമയം ഏറ്റവും സങ്കീർണവുമായ ഒരസ്തിത്വമാണ് . സമയത്തിന് തുടക്കമുണ്ടോ ?,എല്ലായിടവും സമയം തുല്യല്യമായാണോ ഒഴുകുന്നത്? , സമയത്തിന് ഒരന്ത്യമുണ്ടോ ?. ഈ ചോദ്യങ്ങൾ;എല്ലാം മനുഷ്യൻ ചിന്തിക്കാൻ തുടങ്ങിയതുമുതൽ സ്വയം ചോദിക്കുന്ന ചോദ്യങ്ങളാണ് .ഉപനിഷദ് സാരമായ ഭഗവത് ഗീതയിൽ ശ്രീകൃഷ്ണൻ പറയുന്നത് ഇപ്രകാരമാണ്
''കാലോസ്‌മി ലോക ക്ഷയ കൃത് പ്രവൃദ്ധോ
ലോകാൻ സമാഹർത്തുമിഹ പ്രവൃത്ത
ഋതേപി ത്വാം ന ഭവിഷ്യന്തി സർവേ
യേ അവസ്ഥിതാം : പ്രത്യ നീകേഷു യോഥാം ''
-ഗീത വിശ്വരൂപദര്ശനം ശ്ലോകം 32
ആശയം ചുരുക്കത്തിൽ : ലോകത്തെ സംഹരിക്കുന്ന കാലമാണ് ഞാൻ ( ഈശ്വരൻ ) നീ ( അർജുനൻ അല്ലെങ്കിൽ മറ്റേതൊരു മനുഷ്യൻ ) ഇല്ലെങ്കിലും ,ആഗ്രഹിച്ചില്ലെങ്കിലും കാലം അവസ്ഥാന്തരങ്ങളിലൂടെ സൃഷ്ടി സ്ഥിതി സംഹാ രങ്ങൾ തുടർന്ന് കൊണ്ടിരിക്കും .
ഈശാവാസ്യ ഉപനിഷത്തിലാകട്ടെ സമയത്തെ വിഭജിച്ചു നല്കുന്നവനാണ് ഈശൻ (ഈശ്വരൻ ) എന്നാണ് ഈശ്വരന് നൽകുന്ന നിർവചനങ്ങളിൽ ഒന്ന്
.
കാലത്തിനെയും ( സമയത്തിനെയും ) ഈശ്വരനായി തന്നെയാണ് നമ്മുടെ പരമാചാര്യന്മാർ കണ്ടിരുന്നത് . ഇതേവണ്ണം മറ്റു നാഗരികതകൾക്കും സമയത്തെപ്പറ്റി അവരുടേതായ ധാരണകൾ ഉണ്ടായിരുന്നു
.
ആധുനിക കാലത്ത് കലണ്ടറുകളും ,നാഴികമണികളും ഘടികാരങ്ങളും കൊണ്ട് നാം സമയത്തെ അളന്നു . എന്നാലും എന്താണ് സമയം എന്ന ചിന്ത എക്കാലത്തെയും പോലെ ആധുനിക കാലത്തും മനുഷ്യനെ ചിന്തിപ്പിച്ചിരുന്നു . ദുർഗ്രഹമല്ലാത്ത ഭാഷയിൽ സാങ്കേതിക ജ്ഞാനം അധികമില്ലാത്ത സാധാരണക്കാര്ക്കും മനസ്സിലാകുന്ന രീതിയിൽ ആധുനിക ശാസ്ത്രത്തിന്റെ സമയത്തെ കുറിച്ചുള്ള കാഴ്ചപ്പാട് വ്യക്ക്തമായി അവതരിപ്പിച്ചത് മഹാ ശാസ്ത്രജ്ഞനായ സ്റ്റീഫൻ ഹോക്കിങ് ആണ് എന്നു പറയാതെ തരമില്ല . ദുർഗ്രഹമായ സമയ ശാസ്ത്രത്തെ സുഗമമാക്കിയ മഹാരാധനാണ് അദ്ദേഹം .
.
സമയം ( കാലം ) എന്നാൽ ഈശ്വരൻ തന്നെ എന്ന് സിദ്ധാന്തിച്ച നമ്മുടെ ഋഷിവര്യന്മാരെപ്പോലെ സമയം എന്നാൽ പ്രപഞ്ച സംവിധാനങ്ങളുടെ അടിസ്ഥാനപരവും സർവ്വപ്രധാനവുമായ ഒരു ഘടകമാണെന്ന ചിന്തയാണ് സ്റ്റീഫൻ ഹോക്കിങ് മുന്നോട്ടു വച്ചത് . അദ്ദേഹത്തിന് മുന്നേ നടന്ന മഹാ ശാസ്ത്രജ്ഞന്മാരുടെ കണ്ടെത്തലുകൾ കുറച്ചു കൂടി ലളിതമായി അവതരിപ്പി ച്ചു എന്ന് പറയാം .
.
സമയത്തിന്റെ നിഗൂഢതകൾ സമയം ഉള്ളിടത്തോളം കാലം പൂർണമായി മനസ്സിലാക്കാൻ ആർക്കും കഴിഞ്ഞെന്നു വരില്ല .എന്നാലും ആ വസ്തുവിനെ അറിയാൻ ശ്രമിക്കുകയും അതിൽ വളരെയേറെ വിജയിക്കുവാനും കഴിഞ്ഞ സ്റ്റീഫൻ ഹോക്കിങ് ഇന്റെ സ്ഥാനം ഏപ്പോഴും മഹാ ശാസ്ത്രജ്ഞന്മാരുടെ മുൻനിരയിൽ തന്നെ ആയിരിക്കും
rishidas s.
--
ചിത്രം : സ്റ്റീഫൻ ഹോക്കിങ് ചിത്രം കടപ്പാട് വിക്കിമീഡിയ കോമൺസ് https://