A place to Discuss Alternate History , Conspiracy , Secret Societies , Occult , Secret technologies , Above Top Secret stuff, Metaphysics etc.. posts are copied from social media platforms like Facebook whatsapp groups ..This blog is not associated with or supports any WhatsApp groups .. This blog won't take responsibility of any problems arising from the use of any Whatsapp group of this blog members or any others ... Always remember to take responsibility for your own actions .. Respect the IT Act and other Laws .. You are only responsible for your posts and comments here ...

ആസ്റ്ററിക്സ് ( Astérix ) : പുരാതന ഗാളിലെ ബുദ്ധിമാനായ സാങ്കൽപ്പിക യോദ്ധാവ്




കഴിഞ്ഞ നൂറ്റാണ്ടിലെ മഹാഗ്രന്ഥങ്ങളുടെ പട്ടികയിൽ ഇടം പിടിച്ച ഒരു കോമിക് ബുക്കാണ് , ആസ്റ്ററിക്സ് എന്ന പുരാതന ഗാളിലെ ഒരു ബുദ്ധിശാലിയുടെ കഥ പറയുന്ന ആസ്റ്ററിക്സ് സീരീസിലുള്ള കാർട്ടൂൺ പുസ്തകങ്ങൾ . മറ്റൊരു കാർട്ടൂൺ പുസ്തകത്തിനും നേടാനാവാത്ത ബഹുമതിയാണിത് .
.
ഫ്രഞ്ചുകാരായ റെനേ ഗോസിനിയും (René Goscinny ) ആൽബെർട് ഉദെർസോ (Alberto Aleandro Uderzo ) യും ചേർന്നാണ് ഈ കാർട്ടൂൺ ക്ലാസ്സിക് രചിച്ചത് .റോമൻ അധിനിവേശത്തെ ചെറുക്കുന്ന പുരാതന ഗാൾ (ഇന്നത്തെ ഫ്രാൻസ് )പ്രവിശ്യയിലെ ഒരു സാങ്കല്പികമായ ചെറു ഗ്രാമത്തിന്റെ കഥയാണ് ഈ കാർട്ടൂണുകൾ പറയുന്നത് .
.
ജൂലിയസ് സീസർ തന്നെയാണ് ഗാൾ ആക്രമിക്കുന്ന സേനാനായകൻ ജൂലിയസ് സീസറും അദ്ദേഹത്തിന്റെ റോമൻ സൈന്യവും ചിത്രകഥകളിലെ പ്രമുഖ സാന്നിധ്യമാണ് . റോമൻ സൈനിക നേതാക്കന്മാരും , സൈനികരും ,ചാരന്മാരും പല കഥകളിലും പ്രമുഖ കഥാപാത്രങ്ങളാണ് .
.
ഗാളിലെ അർമൊരിക്ക എന്ന പ്രദേശത്താണ് ആസ്റ്റെറിക്‌സിന്റെ ഗ്രാമം . ആസ്റ്ററിക്സ് തന്നെയാണ് ഗ്രാമത്തിലെ ഏറ്റവും സൂത്രശാലി. . ആസ്റ്റെറിക്‌സിന്റെ സുഹൃത്തും ഗ്രാമത്തിലെ ഏറ്റവും ശക്തനുമാണ് ഒബിലിക്സ് ( Obelix). ഗ്രാമമുഖ്യൻ വൈറ്റൽസ്റ്റാറ്റിസ്റ്റിക്സ് (Vitalstatistix. ). ഗ്രാമവാസികളുടെ ശക്തി വർധിപ്പിക്കുന്ന പാനീയം നിർമിക്കുന്ന ഗ്രാമ വൈദ്യൻ ഗെറ്റാഫിക്സ് (Getafix. ), ഗ്രാമത്തിലെ കൊല്ലപ്പണിക്കാരനും ഒരു ചെറുകിട റൗഡിയുമാണ് ഫുള്ളി ആട്ടോമാറ്റിക്സ് (Fully automatix), മൽസ്യവില്പന അൺ ഹൈജിനിക്സിനാണ് (Unhyginix ) . വളരെ വിപുലമാണ് കഥാ പാത്രങ്ങളുടെ വിന്യാസം .
.
കാർട്ടൂണുകൾ എന്നതിലുപരി ചരിത്രത്തിന്റെയും ഭൂമിശാസ്ത്രത്തിന്റെയും മാനവിക വിഷയങ്ങളുടെയും രസകരമായ അവതരണവും ഈ കോമിക്സുകളിൽ കാണാം . കോമിക്സുകളിൽ ഒന്നിൽ പ്രത്യക്ഷപ്പെടുന്ന ഒരു ഫിനീഷ്യൻ കച്ചവടക്കാരന്റെ പേര് എക്കൊണോമിക് ക്രൈസിസ്‌ (Economikkrisis ) എന്നാണ് . ഓരോ ചിത്രകഥയും ഭൂഗോളത്തിന്റെ ഓരോ മേഖലയിൽ വച്ച് നടക്കുന്നതായാണ് ചിത്രീകരിച്ചിരിക്കുന്നത് .
.
ആസ്റ്ററിക്സ് ചിത്രകഥകളിൽ ഇന്ത്യയിൽ വച്ചുനടക്കുന്ന ഒരു കഥയും ഉണ്ട് . ആസ്റ്റെറിക്‌ ആൻഡ് ദി മാജിക് കാർപെറ്റ് (Asterix and the Magic Carpet ) എന്നാണ് ആ കഥയുടെ പേര് .ഇന്ത്യയിലെ ഒരു രാജ്യത്തിൽകൊടും വരൾച്ച വന്നപ്പോൾ ,പാട്ടു പാടി മഴ പെയ്യിക്കാനാവുന്ന ഗാളിലെ പാട്ടുകാരൻ കൊക്കോ ഫോണിക്‌സിനെ (Cacofonix, ) തേടി ഇന്ത്യയിൽനിന്നും ഒരു പറക്കും പരവതാനിയിൽ കയറി ഒരു സന്യാസി ഗാളിൽ എത്തുന്നതും , അവിടെനിന്നും കോക്കോഫോണിക്‌സും , ആസ്റ്റെറിക്‌സും , ഒബിലിക്സ്ഉം ഗെറ്റാഫിക്സ്ഉം അടങ്ങുന്ന ഒരു സംഘം ഇന്ത്യയിൽ എത്തുന്നതാണ് ആ കഥയുടെ ഇതിവൃത്തം .
.
1977 ൽ റെനേ ഗോസിനി ദിവംഗതനായി. പിന്നീട് കഥകളുടെ എണ്ണത്തിൽ കുറവുവന്നു . 2011 ൽ ഉഡർസൊ കാർട്ടൂൺ രംഗത്തുനിന്നും വിരമിച്ചു . ഇപ്പോൾ ആസ്റ്ററിക്സ് കാർട്ടൂണുകൾ ഒരുക്കുന്നത് ജീൻ യുവേസ് ഫെറി (Jean-Yves Ferri ) എന്ന ഫ്രഞ്ചുകാരനാണ് . ഇന്നേ വരെ ആസ്റ്ററിക്സ് സീരീസിൽ 37 കാർട്ടൂൺ പുസ്തകങ്ങൾ പ്രസിദ്ധീകരിച്ചിട്ടുണ്ട്
.
കാർട്ടൂൺ കഥകളുടെ കൂട്ടത്തിൽ തികച്ചും വ്യത്യസ്തതപുലർത്തുന്നവയാണ് ആസ്റ്റെറിക്‌സിന്റെ കഥകൾ . അര നൂറ്റാണ്ടിനുശേഷവും ആസ്റ്ററിക്സ് കാർട്ടൂണുകളുടെ ജനപ്രീതിയിൽ വലിയ കുറവ് വന്നിട്ടില്ല .
---
ചിത്രം : ആസ്റ്ററിക്സ് , ആസ്റ്ററിക്സ് ആൻഡ് ദി മാജിക് കാർപെറ്റ് (Asterix and the Magic Carpet ) എന്ന കാർട്ടൂൺ പുസ്തകത്തിന്റെ മുഖചിത്രം : ചിത്രം കടപ്പാട് വിക്കിമീഡിയ കോമൺസ്
--
ref
1.https://en.wikipedia.org/…/Le_Monde%27s_100_Books_of_the_Ce…
rishidas
2.https://en.wikipedia.org/wiki/Asterix_(character)
==
This is an original work . No part of it is copied from elsewhere-Rishidas. S