സന്ദര്‍ശകരുടെ തിരക്ക് കണക്കിലെടുത്ത്, ഗിങ്കോ കാണാന്‍ ഇത്തവണ ഓണ്‍ലൈന്‍ ബുക്കിങ് സൗകര്യം ഒരുക്കിയിരിക്കുകയാണ്. ഒക്ടോബര്‍ 28 മുതല്‍ ഡിസംബര്‍ 10 വരെയാണ് ഇലപൊഴിക്കുന്ന വൃക്ഷം കാണാന്‍ സന്ദര്‍ശകരെ ക്ഷണിക്കുന്നത്. ഒരു ദിവസം 7200 സന്ദര്‍ശകര്‍ എന്ന കണക്കിലാണ് പ്രവേശനം നിയന്ത്രിച്ചിരിക്കുന്നത്.
ഷോങ്ഗ്നാന്‍ മലനിരകളില്‍ സ്ഥിതി ചെയ്യുന്ന ഗുവാന്യന്‍ ബുദ്ധ
ക്ഷേത്രത്തിലാണ് ഗിങ്കോ വൃക്ഷം വളരുന്നത്. താങ് രാജവാഴ്ചകാലത്ത്
പൊട്ടിമുളച്ചതെന്ന് കരുതപ്പെടുന്നു. മധ്യ ചൈനയിലെ സിയാന്‍ നഗരത്തില്‍
നിന്ന് 30 കിലോമീറ്റര്‍ അകലെയാണ് വൃക്ഷം സ്ഥിതി ചെയ്യുന്നത്.
പതിറ്റാണ്ടുകളുടെ കാലാവസ്ഥാവ്യതിയാനങ്ങളെ അതിജീവിച്ചതിനാല്‍, ജീവിക്കുന്ന
അസ്ഥിപഞ്ജരമെന്നും വൃക്ഷത്തെ വിശേഷിപ്പിക്കുന്നു.